[X] Close
JUST IN
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்

ரபாடா, ஷம்சி மிரட்டல்: 35 ஓவர்களுக்கு சுருண்டது இலங்கை!

srilanka-collapsed-after-rabada-shamsi-attack

தென்னாப்பிரிக்காவுக்கு எதிரான முதல் ஒரு நாள் போட்டியில், இலங்கை அணி 34.3 ஓவர்களில் அனைத்து விக்கெட்டையும் பறிகொடுத்து 193 ரன்கள் எடுத்துள்ளது.

தென்னாப்பிரிக்க கிரிக்கெட் அணி இலங்கையில் சுற்றுப்பயணம் செய்து விளையாடி வருகிறது. டெஸ்ட் தொடரை 0-2 என்ற கணக்கில் இழந்த அந்த அணி அடுத்து, 5 போட்டிகள் கொண்ட ஒரு நாள் தொடரில் பங்கேற்கிறது. முதலாவது ஒரு நாள் கிரிக்கெட் போட்டி தம்புல்லாவில் இன்று தொடங்கியது.

காயத்தில் இருந்து மீண்டு இலங்கை கேப்டன் மேத்யூஸ் அணிக்கு திரும்பியுள்ளார். கேப்டனாக இது அவருக்கு நூறாவது போட்டி. 2019-ம் ஆண்டு உலக கோப்பை கிரிக்கெட் போட்டிக்கு அணியை தயார்படுத்துவதற்கு ஏதுவாக இந்த தொடரில் சில சோதனை முயற்சிகளை மேற்கொள்வோம் என்று அவர் தெரிவித்திருந்தார். இந்த தொடரில் பந்து வீசுவதில்லை என்றும் அவர் முடிவு செய்துள்ளார். 

டாஸ் வென்ற இலங்கை அணி, முதலில் பேட்டிங்கை தேர்வு செய்தது. அதன்படி அந்த அணியின் தொடக்க ஆட்டக்காரர்கள், டிக்வெல்லாவும் தாரங்காவும் களமிறங்கினர். முதல் ஒவரின் மூன்றாவது பந்தில் டிக்வெல்லா (2) அவுட் ஆனார். அடுத்து வந்த குசால் மெண்டிஸும் வந்த வேகத்தில் வெளியேறினார். இருவரது விக்கெட்டையும் ரபாடா தூக்கினார். பொறுமையாக விளையாடிக் கொண்டிருந்த தாரங்காவை அபாரமாக ரன் அவுட் ஆக்கினார் டுமினி. அடுத்து நிகிடி தன் பங்குக்கு அட்டாக்கைத் தொடங்கினார். அவர் வீசிய பவுன்சர் பந்து, மேத்யூஸ் பேட்டில் பட்டு ஸ்லிப்புக்கு பாய்ந்தது. அதை அழகான கேட்சாக மாற்றினார் ஹாசிம் ஆம்லா. 

அடுத்து வந்த சேஹன் ஜெயசூர்யா, எட்டு பந்துகளை சந்தித்து ரன் ஏதும் எடுக்காமல் ஆட்டமிழந்தார். அவர் விக்கெட்டையும் ரபாடா அள்ளி னார். அடுத்த வந்த யாரும் நிலைத்து நிற்காமல் விக்கெட்டை பறிகொடுக்க, குசால் பெரேராவும் திசாரா பெரேராவும் நிலைத்து நின்று ஆடினர். குசால் 81 ரன்கள் எடுத்து ஷம்சி பந்துவீச்சில் மில்லரிடம் கேட்ச் கொடுத்து வெளியேறினார். திசாரா 49 ரன்கள் எடுத்திருந்தபோது ஷம்சி பந்தில் விக்கெட் கீப்பர் டி காக்கிடம் கேட்ச் கொடுத்து வெளியேறினார்.

இதையடுத்து அந்த அணி 34.3 ஓவர்களில் 193 ரன்களுக்கு அனைத்து விக்கெட்டையும் இழந்தது. தென்னாப்பிரிக்கா தரப்பில் ரபாடா 4 விக்கெட்டுகளையும் ஷம்சி 4 விக்கெட்டுகளையும் நிகிடி ஒரு விக்கெட்டையும் கைப்பற்றினர்.

அடுத்து தென்னாப்பிரிக்க அணி களமிறங்கியது. அந்த அணியின் டி காக்கும் ஆம்லாவும் ஆடி வருகின்றனர். 


 

Advertisement:
Advertisement:
Advertisement:
[X] Close