[X] Close
JUST IN
  • BREAKING-NEWS இரண்டாக உடைந்தது கொள்ளிடம் பாலம்
  • BREAKING-NEWS கேரள வெள்ளச்சேதத்தை தேசியப் பேரிடராக அறிவிக்க வேண்டும்- ராகுல்
  • BREAKING-NEWS 18-வது ஆசிய விளையாட்டு போட்டி இன்று தொடங்குகிறது
  • BREAKING-NEWS பாகிஸ்தான் பிரதமராக தெஹ்ரிக்-இ-இன்சாஃப் கட்சித் தலைவர் இம்ரான்கான் தேர்வு செய்யப்பட்டுள்ளார்
  • BREAKING-NEWS கேரளாவில் கனமழை, வெள்ளம், நிலச்சரிவில் சிக்கி உயிரிழந்தவர்களின் எண்ணிக்கை 324ஆக உயர்வு
  • BREAKING-NEWS டெல்லி ஸ்மிருதி ஸ்தலில் முன்னாள் பிரதமர் வாஜ்பாயின் உடல் அரசு மரியாதையுடன் தகனம் செய்யப்பட்டது
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு

அதிவேக ‘1000’ - உலக சாதனை படைத்த பாக். வீரர் பஹர் ஜமான்

fakhar-zaman-breaks-viv-richards-record-of-fastest-to-1000-odi-runs

சர்வதேச ஒருநாள் போட்டியில் அதிவேகமாக ஆயிரம் ரன்கள் எடுத்த வீரர் என்ற உலக சாதனையை பாகிஸ்தான் வீரர் பஹர் ஜமான் படைத்துள்ளார். 28 வயதான ஜமான் வெறும் 18 போட்டிகளில் இந்த சாதனையை நிகழ்த்தியுள்ளார். முன்னதாக வெஸ்ட் இண்டீஸ் அணியின் முன்னாள் வீரர் விவிட் ரிச்சர்ஸ்ட், கெவின் பீட்டர்ஸ்சன், ட்ரோட், டி காக், பாபர் அசாம் ஆகியோர் 21 இன்னிங்சில் 1000 ரன்களை எட்டியதே இதுவரை சாதனையாக இருந்தது. இந்திய அணியைப் பொறுத்தவரை கேப்டன் விராட் கோலி, ஷிகர் தவான் 24 இன்னிங்சில் 1000 ரன் எடுத்திருந்தனர்.

               

( இதனையும் படியுங்கள்.. இரட்டை சதம் விளாசிய பகர் ஜமான் - வரலாறு படைத்த பாகிஸ்தான் வீரர்கள்)

பாகிஸ்தான் ஜிம்பாப்வே அணிகளுக்கு இடையில் 5வது ஒருநாள் போட்டி இன்று நடைபெற்று வருகிறது. இந்தப் போட்டியில் 37 ரன் எடுத்திருந்த போது சர்வதேச ஒருநாள் போட்டியில் ஜமான் 1000 ரன்களை எட்டினார். இந்தப் போட்டியில் பஹர் ஜமான் 85 ரன்கள் எடுத்த நிலையில் ஆட்டமிழந்தார். கடந்தப் போட்டியில் இரட்டை சதம் (210) விளாசி இருந்தார்.

                          

பஹர் ஜமான் 1000 ரன்கள் எட்டுவதற்கு ஒரு இரட்டை சதம், 3 சதம், 6 அரைசதம் அடித்துள்ளார். இந்த தொடரில் மட்டும் பஹர் ஜமான் 515 ரன்கள் எடுத்துள்ளார். 

    

( இதனையும் படியுங்கள்.. ’டபுள் செஞ்சுரி அடி’ என்றார், அடித்தேன்: சாதனை ஜமான் ஜாலி!)

இருநாடுகளுக்கு இடையிலான ஒருநாள் தொடரில் அதிக ரன்கள் குவித்தவர் என்ற பட்டியலில் இந்தியாவின் ரோகித் சர்மாவை பின்னுக்கு தள்ளி இரண்டாம் இடத்திற்கு சென்றுள்ளார். முதல் இடத்தில் இந்திய அணியின் கேப்டன் விராட் கோலி உள்ளார். விராட் கோலி 558 ரன்கள் குவித்ததே இதுவரை சாதனையாக உள்ளது. அதற்கு 6 இன்னிங்ஸ் விளையாடினார் கோலி. ஆனால், பஹர் ஜமான் 5 இன்னிங்சில் 515 ரன்கள் எடுத்துள்ளார். 5 போட்டிகள் கொண்ட ஒருநாள் தொடரில் இதுதான் அதிக ரன்கள் ஆகும்.

                       

Advertisement:
இது தொடர்பான செய்திகள் :
Advertisement:
Advertisement:
[X] Close