[X] Close
JUST IN
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்
  • BREAKING-NEWS சென்னையில் பெட்ரோல் லிட்டருக்கு ரூ.80.42 காசுகளாகவும், டீசல் லிட்டருக்கு ரூ.76.30 காசுகளாகவும் விலை நிர்ணயம்
  • BREAKING-NEWS ஆறுமுகசாமி ஆணையத்தின் விசாரணைக்கு உதவும் வகையில் காவல் ஆய்வாளரை நியமிக்க அரசு ஒப்புதல்
  • BREAKING-NEWS இலங்கை நாடாளுமன்றம் ஏற்கனவே அறிவித்தபடி நாளை காலை 10 மணிக்கு கூடுகிறது
  • BREAKING-NEWS இலங்கை நாடாளுமன்றம் கலைக்கப்பட்டதற்கு இடைக்கால தடை விதித்தது இலங்கை உச்சநீதிமன்றம்
  • BREAKING-NEWS கூவம், அடையாறு ஆற்றை பராமரிப்பு செய்யாத வழக்கில் அரசுக்கு விதித்த ரூ.2 கோடி அபராதத்துக்கு தடை

ஒருநாள் கிரிக்கெட் கேரியரில் முதல்முறையாக 911 புள்ளிகள் பெற்ற விராட் கோலி..!

virat-kohli-touches-career-high-911-points-sixth-best-ever-in-odi-rankings

இங்கிலாந்துக்கு எதிரான ஒருநாள் கிரிக்கெட் தொடரில் இந்திய அணி தோல்வியை தழுவினாலும் இந்திய அணியின் கேப்டன் விராட் கோலி  ஒருநாள் கிரிக்கெட்டிற்கான ஐசிசியின் பேட்ஸ்மேன்கள் தரநிலை பட்டியலில் தொடர்ந்து முதலிடத்தில் நீடிக்கிறார்.

இங்கிலாந்துக்கு சுற்றுப் பயணம் மேற்கொண்ட இந்திய அணி மூன்று போட்டிகள் கொண்ட ஒருநாள் கிரிக்கெட் போட்டியில் விளையாடியது. முதல் போட்டியில் இந்திய அணியும், இரண்டாவது போட்டியில் இங்கிலாந்து அணியும் வெற்றி பெற்றன. இதனால், நேற்று நடைபெற்ற மூன்றாவது போட்டியில் அதிக எதிர்பார்ப்பு இருந்தது. இந்நிலையில் மூன்றாவது போட்டியிலும் இங்கிலாந்து அணி வெற்றி பெற்று தொடரை கைப்பற்றியது.

இந்நிலையில் ஒருநாள் கிரிக்கெட் போட்டிக்கான தரவரிசைப் பட்டியலை ஐசிசி வெளியிட்டுள்ளது. இதில் இந்திய அணியின் கேப்டன் விராட் கோலி 911 புள்ளிகளுடன் பேட்ஸ்மேன்களுக்கான தரநிலைப் பட்டியலில் தொடர்ந்து முதலிடத்தில் நீடிக்கிறார். 911 புள்ளிகள் என்பது விராட் கோலியின் ஒருநாள் கிரிக்கெட் போட்டிக்கான வரலாற்றில் முதல்முறையாக பெறும் அதிகப்பட்ச புள்ளியாகும். இங்கிலாந்து எதிரான ஒருநாள் கிரிக்கெட் தொடரில் விராட் கோலி முறையே 75, 45, 71 ரன்கள் குவித்திருந்தார். இதனால் அவருக்கு 2 புள்ளிகள் அதிகமாக கிடைத்துள்ளது. அதன்மூலம் 911 புள்ளிகளை எட்டியுள்ளார். ஆஸ்திரேலியாவின் டீன் ஜோன்ஸ், 1991 மார்ச்சில் 918 புள்ளிகள் பெற்றிருந்தார். இதுவே ஒருநாள் போட்டிக்கான அதிகப்பட்ச புள்ளி ஆகும்.

அதேசமயம் இடது கை சுழற்பந்து வீச்சாளரான குல்தீப் யாதவ், தனது கிரிக்கெட் வரலாற்றில் முதல்முறையாக ஐசிசி தரவரிசைப் பட்டியலில் 6-வது இடத்திற்கு முன்னேறியுள்ளார். ஐசிசியின் பந்துவீச்சாளருக்கான தரவரிசைப் பட்டியலில் அவர் இந்த இடத்தை பிடித்துள்ளார். இவர் இங்கிலாந்துக்கு எதிரான ஒருநாள் கிரிக்கெட் போட்டியில் மொத்தமாக 9 விக்கெட்டுகளை வீழ்த்தியிருந்தார். அதேபோல நடந்து முடிந்த தொடரில் சிறப்பாக விளையாடிய இங்கிலாந்து அணியின் ஜோ ரூட் 34 புள்ளிகள் அதிகம் பெற்று  பேட்ஸ்மேன்களுக்கான ஐசிசி தரநிலைப் பட்டியலில் 2-வது இடத்திற்கு முன்னேறியுள்ளார். இவர் முறையே 3, 113 (அவுட் இல்லை), 100 (அவுட் இல்லை) ரன்கள் அடித்திருந்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close