[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

இது நியாயமா ரசிகர்களே.. வீரர்களின் நல்ல பண்புகளை நாமே மட்டுப்படுத்தலாமா..?

mohammad-kaif-trolled-for-praising-pakistans-fakhar-zaman-shoaib-akhtar-slammed-for-congratulating-rohit-sharma

இந்தியா - பாகிஸ்தானைச் சேர்ந்த சில ரசிகர்களிடையே இது ஒரு தீராத வியாதியாகவே இருந்து வருகிறது. ஒரு நாட்டு வீரர், மற்றொரு நாட்டை புகழ்ந்து பேசி விட்டால் உடனே பொங்கி எழுந்துவிடுகிறார்கள். இது மிகவும் ஆரோக்கியமற்ற விஷயம். 

இந்தியா அணியின் சச்சின், தோனி, கோலி போன்ற வீரர்களுக்கு பாகிஸ்தானில் நிறைய ரசிகர்கள் இருக்கிறார்கள். அதேபோல், வாசிம் அக்தர், இன்சமாம் உல் ஹாக், சையித் அப்ரிதி உள்ளிட்ட பாகிஸ்தான் வீரர்களுக்கும் இந்தியாவில் ரசிகர்கள் இருக்கிறார்கள். இரு நாடுகளுக்கு இடையிலான பிரச்னைகளை கடந்து ரசிகர்கள் தங்களது அன்பினை வெளிப்படுத்தி வருகிறார்கள். 

                                              

இது ஒருபுறம் இருக்க, இந்திய வீரர்கள் பாகிஸ்தான் வீரர்கள் நன்றாக விளையாடும் போதும் பாராட்டுவதும், இந்திய வீரர்கள் விளையாடும் போது பாகிஸ்தான் வீரர்கள் பாராட்டுவதும் நல்ல பழக்கம்தான். ஆனால், இப்படியான பாராட்டும் குணத்திற்காக முகமது கைஃப், சோயிப் அக்தரை  இந்திய, பாகிஸ்தான் வீரர்கள் ட்ரோல் செய்து இருக்கிறார்கள். 

ஞாயிற்றுக்கிழமை(ஜூலை8) அன்று இரண்டு டி20 தொடர்களின் இறுதிப் போட்டிகள் நடைபெற்றன. இதில், இங்கிலாந்து அணிக்கு எதிரான 3வது டி20 போட்டியில் வெற்றி பெற்று இந்திய அணி தொடரை வென்றது. அதேபோல், ஆஸ்திரேலியா அணிக்கு எதிரான டி20 தொடரை பாகிஸ்தான் அணி வென்றுள்ளது.

                                

இந்தத் தொடர்களில் பாகிஸ்தானில் சிறப்பாக விளையாடிய பஃக்கார் ஜமாமை இந்திய அணியின் முன்னாள் வீரர் முகமது கைஃபும், இந்திய அணியில் சிறப்பாக விளையாடிய ரோகித் சர்மாவை சோயிப் அக்தரும் பாராட்டி ட்விட்டரில் கருத்து பதிவிட்டனர். இதற்காக, கைஃபை இந்திய ரசிர்களும், அக்தரை பாகிஸ்தான் ரசிகரும் ட்ரோல் செய்து இருக்கிறார்கள்.

                                 

பெரும்பாலானவர்கள் கைஃபின் ட்விட்டர் பதிவிற்கு பாராட்டு தெரிவித்து இருந்தாலும், சிலர் தேசத் துரோகி என்றும் பாகிஸ்தானுக்கே செல்லுங்கள் என்று கூறி பதிவிட்டிருந்தார்கள். ரோகித் சர்மாவையும், இந்திய அணியையும் அக்தர் பாராட்டி இருந்த நிலையில், ஆஸ்திரேலியாவுக்கு எதிரான தொடரில் நன்றாக விளையாடிய பஃக்கார் ஜமாமை ஏன் பாராட்டவில்லை என்று கூறி ட்ரோல் செய்து இருக்கிறார்கள். 

             

பாகிஸ்தான் வீரர் இந்திய அணியையும், இந்திய வீரர் பாகிஸ்தான் அணியையும் பாராட்டுவது ஆரோக்கியமான விஷயம் தானே. எல்லையில் இருநாடுகளுக்கு இடையில் நடக்கும் பிரச்னைகளை கடந்து இதுபோன்ற சில விஷயங்கள் ஒற்றுமையுணர்வுக்கு வழிவகுக்கும். அதனை ஏன் நாம் தேவையில்லாமல் சர்ச்சையை கிளப்ப வேண்டும். நாளை வேறு யாரேனும் இதுபோன்று கருத்து பதிவிட யோசித்து விடக் கூடாது. இருநாட்டு வீரர்களும் ஒருவரை ஒருவர் தயங்காமல் பாராட்டிக் கொள்ள வேண்டும். 

                           

இந்திய அணியும், பாகிஸ்தான் அணியும் டி20 கிரிக்கெட்டில் கலக்கி வருகிறார்கள். பாகிஸ்தான் முதலிடத்திலும், இந்திய அணி இரண்டாம் இடத்திலும் உள்ளது.

           

Advertisement:
Advertisement:
Advertisement:
[X] Close