[X] Close
JUST IN
  • BREAKING-NEWS திமுகவுக்கு எதிராக வரும் 25ம் தேதி மாவட்ட தலைநகரங்களில் கண்டன ஆர்ப்பாட்டம் - முதல்வர் பழனிசாமி
  • BREAKING-NEWS விழுப்புரத்தில் லஞ்ச புகாரில் கைதான மோட்டார் வாகன ஆய்வாளரின் வங்கி லாக்கரில் ஒரு கிலோவுக்கும் அதிகமான தங்கம் பறிமுதல்
  • BREAKING-NEWS சென்னை ராயப்பேட்டையில் அதிமுக மாவட்ட செயலாளர்கள் கூட்டம் தொடங்கியது
  • BREAKING-NEWS ஆசிய கோப்பை கிரிக்கெட் தொடர்: பாகிஸ்தான் அணிக்கு எதிரான போட்டியில் இந்திய அணி பந்து வீச்சு
  • BREAKING-NEWS ஜெயலலிதா மருத்துவமனையில் அனுமதிக்கப்பட்டபோது பதிவான சிசிடிவி காட்சிகள் இல்லை - அப்போலோ தரப்
  • BREAKING-NEWS உலகில் 5 விநாடிக்கு ஒரு குழந்தை மரணம்- ஐநா பகீர் தகவல்
  • BREAKING-NEWS கட்டாய ஹெல்மெட், சீட்பெல்ட் வழக்கில் நாளை உத்தரவு

என்னா மேட்ச் இது..! - பெனால்டி ஷூட்டில் ஸ்பெயினை வீழ்த்திய ரஷ்யா

world-cup-2018-spain-vs-russia-highlights-russia-beat-spain-4-3-in-penalties-qualify-for-quarters

உலகக் கோப்பை கால்பந்து நாக் அவுட் சுற்று போட்டியில் ஸ்பெயினை தோற்கடித்து ரஷ்யா காலிறுதிக்கு முன்னேறியது. 

இன்று இரவு 7.30 மணிக்கு நடைபெற்ற போட்டியில், உலகத் தரவரிசையில் 10ஆவது இடத்தில் உள்ள ஸ்பெயின் அணி, போட்டியை நடத்தும் ரஷ்ய அணியை எதிர்கொண்டது. போட்டி தொடங்கிய 11வது நிமிடத்தில் ஸ்பெயின் அணியின் செர்ஜியோ ரமோஸ் ஒரு கோல் அடித்தார். பின்னர் இரு அணி வீரர்களும் கோல் அடிக்க நீண்ட நேரம் போராடினர். ஒரு வழியாக ரஷ்ய வீரர் அர்டெம் ட்ஸுபா கோல் அடிக்க போட்டி சமன் ஆனது. அதன் பிறகு முதல் பாதியில் யாரும் கோல் அடிக்கவில்லை. 

இரண்டாவது பாதியிலும் இரு அணி வீரர்களும் உக்கிரமாக விளையாடினர். இரு அணி வீரர்களின் முயற்சிக்கும் பலன் கிடைக்கவில்லை. அதனால், இரண்டாவது பாதி முடிவில் போட்டி 1-1 என்ற கோல் கணக்கில் சமனில் இருந்தது. இதனால், கூடுதல் நேரம் கொடுக்கப்பட்டது. ஆனால், கூடுதல் நேரத்திலும் இரு அணிகளும் கோல் அடிக்கவில்லை. இதனால் போட்டியில் பரபரப்பு ஏற்பட்டது. ரசிகர்கள் எதிர்பார்ப்பின் உச்சத்திற்கே சென்றனர். 

பின்னர், போட்டி பெனால்டி ஷுட் முறைக்கு சென்றது. இரு அணிகளுக்கும் தலா 5 வாய்ப்புகள் வழங்கப்பட்டன. முதல் இரண்டு வாய்ப்பில் இரு அணிகளும் கோல் அடித்தன. ஆனால், ஸ்பெயின் அணி 3வது வாய்ப்பை தவறவிட்டது. அதேபோல், 4வது வாய்ப்பில் கோல் அடித்தாலும் 5வது வாய்ப்பை ஸ்பெயின்  கோட்டை விட்டது. ரஷ்யா அணி முதல் 4 வாய்ப்பிலும் கோல் அடித்து அசத்தியது. இதனால், ரஷ்ய அணி 4-3 என்ற கோல் கணக்கில் வெற்றி பெற்று காலியுறுதிக்கு முன்னேறியது. இதில் மேஜிக் என்னவென்றால் வெற்றியை உறுதி செய்யும் ஸ்பெயின் அணியின் 5வது வாய்ப்பில் கோல் கீப்பர் பந்தை கோட்டை விட்டாலும் அவரது காலில் எதிர்பாராமல் பந்து பட்டு வெளியே சென்றுவிட்டது. 

உலகக் கோப்பையில் மிகவும் எதிர்ப்பார்க்கப்பட்ட அர்ஜெண்டினா, போர்ச்சுகல் அணிகள் வெளியேறிவிட்ட நிலையில், தற்போது அனுபவம் வாய்ந்த ஸ்பெயின் அணியும் நாக் அவுட் சுற்றில் தோல்வி அடைந்து வெளியேறியது. தரவரிசையில் 70வது இடத்தில் உள்ள ரஷ்ய அணி ஸ்பெயின் அணியை வெளியேற்றியது அந்நாட்டு ரசிகர்களிடையே ஏமாற்றத்தை ஏற்படுத்தியுள்ளது.

Advertisement:
Advertisement:
Advertisement:
[X] Close