[X] Close
JUST IN
  • BREAKING-NEWS டெல்லியில் காங்கிரஸ் தலைவர் ராகுல் காந்தியுடன் ஆந்திர முதல்வர் சந்திரபாபு நாயுடு மீண்டும் ஆலோசனை
  • BREAKING-NEWS கேதார்நாத்தில் வழிபட்டதை நான் அதிர்ஷ்டமாக நினைக்கிறேன்; எனக்கும் கேதார்நாத்துக்கும் ஒரு உணர்வுப்பூர்வமான உறவு உள்ளது - பிரதமர் மோடி
  • BREAKING-NEWS சூலூர்: கருமத்தம்பட்டியில் வேறு வாக்குப்பதிவு இயந்திரம் கொண்டுவரப்பட்டு தாமதமாக வாக்குப்பதிவு தொடக்கம்; வாக்குப்பதிவு இயந்திரத்தில் ஏற்பட்ட கோளாறினால் வாக்குப்பதிவு தொடங்காமல் இருந்தது
  • BREAKING-NEWS 7ம் கட்ட மக்களவை தேர்தல் - பீகார் முதல்வர் நிதீஷ் குமார் பாட்னாவில் வாக்களித்தார்
  • BREAKING-NEWS இறுதிக்கட்ட மக்களவை தேர்தலில் உத்தரப்பிரதேச முதல்வர் யோகி ஆதித்யநாத் கோரக்பூரில் வாக்களித்தார்
  • BREAKING-NEWS மக்களவை தேர்தலுக்கான இறுதிக்கட்ட வாக்குப்பதிவு தொடங்கியது. இந்த 7 ஆம் கட்ட வாக்குப்பதிவு 8 மாநிலங்களில் உள்ள 59 தொகுதிகளில் நடைபெறுகிறது
  • BREAKING-NEWS சூலூர் கருமத்தம்பட்டியில் மாதிரி வாக்குப்பதிவின்போது வாக்கு இயந்திரத்தின் 2 பட்டன் வேலை செய்யவில்லை; 116வது வாக்குச்சாவடியில் மக்கள் நீதி மய்யம், உழைப்பாளி மக்கள் கட்சியின் பட்டன் வேலை செய்யவில்லை

யோ-யோ-வில் ஷமியும் அவுட்: நவ்தீப் சைனி, இஷான் கிஷான் சேர்ப்பு!

shami-out-of-afghanistan-test-after-failing-fitness-test

’யோ - யோ’ உடற்தகுதி தேர்வில் தோல்வி அடைந்ததால், டெஸ்ட் அணியில் இருந்து வேகப்பந்துவீச்சாளர் முகமது ஷமி இருந்து நீக்கப்பட்டுள்ளார். அவருக்குப் பதிலாக அறிமுக வீரராக நவ்தீப் சைனி சேர்க்கப்பட்டுள்ளார்.

இந்திய கிரிக்கெட் அணி, ஜூலை மாதம் இங்கிலாந்தில் சுற்றுப்பயணம் செய்து கிரிக்கெட் விளையாட இருக்கிறது. அங்கு மூன்று டி20 தொடர், மூன்று ஒரு நாள் போட்டி, ஐந்து டெஸ்ட் தொடரில் பங்கேற்கிறது. அதற்கு முன்பாக, அயர்லாந்து அணியுடன் இரண்டு டி20 போட்டிகளிலும் இந்திய அணி விளையாடுகிறது. 

(இஷான் கிஷான்)

டி20, ஒரு நாள் தொடர், டெஸ்ட் தொடர் ஆகியவற்றுக்குத் தனித்தனியாக கிரிக்கெட் வீரர்கள் தேர்வு செய்யப்பட்டுள்ளனர். மேலும் இந்திய ’ஏ’ அணிக்கும் வீரர்கள் தேர்வு செய்யப்பட்டுள்ளனர். அனைத்து வீரர்களுக்கும் யோ யோ உடல் தகுதி தேர்வு கடந்த சனி மற்றும் ஞாயிற்றுக் கிழமைகளில் பெங்களூர் தேசிய கிரிக்கெட் அகாடமியில் நடத்தப்பட்டது. இதில் தேர்வு பெற்றால் மட்டுமே அணியில் இடம்பெற முடியும் என்பதால் வீரர்கள் தீவிர பயிற்சியில் ஈடுபட்டு வந்தனர்.

இந்நிலையில் இந்திய ஏ அணியில் இடம்பெற்றிருந்த சஞ்சு சாம்சன், யோ யோ உடல் தகுதி தேர்வில் தேர்வு பெறவில்லை. இதனால் அவர் நீக்கப்பட்டார். அவருக்கு பதிலாக விக்கெட் கீப்பர் பேட்ஸ்மேன் இஷான் கிஷான் சேர்க்கப்பட்டுள்ளார். இந்திய ஏ அணி, இங்கிலாந்தில் முத்தரப்புத் தொடரில் வரும் 22-ம் தேதி பங்கேற்கிறது. இதற்காக ஞாயிற்றுக்கிழமை புறப்பட்டுச் சென்றுள்ளது. 

(நவ்தீப் சைனி)

டெஸ்ட் அணி வீரர்களுக்கான யோ-யோ தகுதி தேர்வில் வேகப்பந்துவீச்சாளர் முகமது ஷமி தோல்வி அடைந்தார். அதனால் அவர் நீக்கப்பட் டுள்ளார். அவருக்கு பதிலாக டெல்லியை சேர்ந்த வேகப்பந்து வீச்சாளர் நவ்தீப் சைனி அறிமுக வீரராக சேர்க்கப்பட்டுள்ளார். சைனி 31 முதல் தர போட்டியில் விளையாடி 96 விக்கெட்டுகள் வீழ்த்தியுள்ளார்.

இந்தியா- ஆப்கானிஸ்தான் அணிகளுக்கு இடையிலான டெஸ்ட் போட்டி வரும் 14-ம் தேதி பெங்களூரில் நடக்கிறது. இதற்காக இரு அணி வீரர்களும் கடும் பயிற்சியில் ஈடுபட்டு வருகின்றனர்.


 

Advertisement:
Advertisement:
Advertisement:
[X] Close