[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

ஆத்தாடி, என்னா அடி: நியூசி. பெண்கள் கிரிக்கெட் ஆஹா சாதனை!

new-zealand-make-the-highest-odi-total-of-all-time

நியூசிலாந்து பெண்கள் கிரிக்கெட் அணி, 50 ஓவர்களில் 490 ரன்கள் குவித்து சாதனை படைத்துள்ளது. இதையடுத்து அந்த அணிக்கு பாராட்டுகள் குவிந்து வருகிறது.

நியூசிலாந்து பெண்கள் கிரிக்கெட் அணி, அயர்லாந்தில் சுற்றுப்பயணம் செய்து விளையாடி வருகிறது. இரு அணிகளுக்கு இடையிலான முதல் ஒரு நாள் போட்டி டப்ளினில் நேற்று நடந்தது. டாஸ் வென்ற நியூசிலாந்து முதலில் பேட்டிங்கை தேர்வு செய்தது. 

அதன்படி களமிறங்கிய நியூசிலாந்து அணி, அயர்லாந்தின் பந்துவீச்சை விளாசி தள்ளியது. இதையடுத்து நிர்ணயிக்கப்பட்ட 50 ஓவர்களில் 4 விக்கெட் இழப்புக்கு 490 ரன்கள் குவித்து சாதனைப் படைத்தது. ஒட்டுமொத்த ஒரு நாள் போட்டியின் அதிகப்பட்ச ஸ்கோர், இதுதான்!
நியூசிலாந்து அணியின் கேப்டன் ஸூசி பேட்ஸ், 94 பந்துகளில் 151 ரன்கள் குவித்து ஆட்டமிழந்தார். மேடி கிரீன் 77 பந்துகளில் 121 ரன்களும், அமெலியா கெர் 45 பந்துகளில் 81 ரன்களும் குவித்தனர்.

பெண்கள் ஒரு நாள் போட்டியில் நியூசிலாந்து அணி 1997 ஆம் ஆண்டு பாகிஸ்தானுக்கு எதிராக 455 ரன்கள் எடுத்ததே அதிகபட்சமாக இருந்தது. தங்களது முந்தைய உலக சாதனையை, அந்த அணியே இப்போது முறியடித்துள்ளது. ஆண்கள் ஒரு நாள் கிரிக்கெட்டில் 2016 ஆம் ஆண்டு இங்கிலாந்து அணி பாகிஸ்தானுக்கு எதிராக 3 விக்கெட்டுக்கு 444 ரன்கள் எடுத்ததுதான் அதிகபட்சமாக இருக்கிறது.

அயர்லாந்து தரப்பில் அறிமுக சுழற்பந்து வீச்சாளர் கேரா முர்ரே 10 ஓவர்களில் 119 ரன்களையும் லிட்டில், மார்டிஸ், லெவிஸ் ஆகியோர் தலா 92 ரன்களையும் வாரி வழங்கினர். இதையடுத்து களமிறங்கிய அயர்லாந்து அணி, 35.3 ஓவர்களில் 144 ரன்களுக்கு ஆல் அவுட் ஆனது. லெய் காஸ்பரக் 2.3 ஓவர்கள் வீசி, 17 ரன்களை விட்டுக்கொடுத்து 4 விக்கெட்டுகளை வீழ்த்தினார்.

சாதனை நிகழ்த்தியுள்ள நியூசிலாந்து பெண்கள் கிரிக்கெட் அணிக்கு பாராட்டுகள் குவிந்துவருகிறது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close