[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

சிறந்த பந்துவீச்சாளர் என்பதை பும்ரா நிரூபித்துவிட்டார்: புகழ்கிறார் ’பஞ்சாப்’ அஸ்வின்!

bumrah-once-again-proved-what-a-good-bowler-he-is-ashwin

தான் சிறந்த பந்துவீச்சாளர் என்பதை பும்ரா மீண்டும் நிரூபித்திருப்பதாக கிங்ஸ் லெவன் பஞ்சாப் அணியின் கேப்டன் ரவிச்சந்திரன் அஸ்வின் சொன்னார்.

ஐபிஎல் கிரிக்கெட் போட்டியில் நேற்று நடந்த 50வது லீக் போட்டியில் கிங்ஸ் லெவன் பஞ்சாப் -மும்பை அணிகள் மோதின. மும்பை வான்கடே மைதானத்தில் நடந்த இந்தப் போட்டியில், மும்பை அணியில் டுமினிக்கு பதிலாக பொல்லார்ட் சேர்க்கப்பட்டார். பஞ்சாப் அணியில் கருண் நாயர், மயங்க் அகர்வால் நீக்கப்பட்டு யுவராஜ்சிங், மனோஜ் திவாரி இடம் பிடித்தனர்.

‘டாஸ்’ வென்ற பஞ்சாப் கேப்டன் அஸ்வின், பந்து வீச்சை தேர்வு செய்தார். இதன்படி முதலில் பேட் செய்த மும்பை அணி, 8 விக்கெட் இழப்புக்கு 186 ரன்கள் குவித்தது. பொல்லார்ட் 50 ரன்களும் குணால் பாண்ட்யா 32 ரன்களும் எடுத்தனர். பஞ்சாப் தரப்பில் ஆண்ட்ரூ டை 4 விக்கெட்டையும் அஷ்வின் 2 விக்கெட்டையும் விழ்த்தினர். பின்னர் ஆடிய பஞ்சாப் அணி வெற்றியின் விளிம்பில் தோல்வி அடைந்தது. அந்த அணியின்
கே.எல்.ராகுல் 60 பந்துகளில் 94 ரன்கள் குவித்தார். ஆரோன் பின்ச் 46 ரன்கள் எடுத்தார். பஞ்சாப் அணியால் நிர்ணயிக்கப்பட்ட 20 ஓவர்களில் 5 விக்கெட்டுக்கு 183 ரன்களே எடுக்க முடிந்தது. இதன் மூலம் மும்பை அணி 3 ரன் வித்தியாசத்தில் வெற்றி பெற்று பிளே-ஆப் சுற்றை தக்க வைத்துக் கொண்டது. பும்ரா 4 ஓவர்களில் 15 ரன்கள் கொடுத்து 3 விக்கெட்டுகளை கைப்பற்றினார். பஞ்சாப் அணியின் பிளே-ஆப் வாய்ப்பு மங்கிவிட்டது.

தோல்விக்குப் பின் பேசிய பஞ்சாப் கேப்டன் அஸ்வின், ’இந்த நேரம் ஒன்றும் தோன்றவில்லை. மனம் வெறுமையாக இருக்கிறது. நாங்கள் சிறப்பாகவே சேஸிங் செய்துகொண்டிருந்தோம். இந்தப் போட்டியில் தொழில்முறை பேட்டிங் செயல்பாட்டைக் காட்டினோம். இருந்தாலும் இறுதியில் அது எங்களுக்கு சாதமாக நடக்கவில்லை. இதற்கான புகழ் பும்ராவையே சேரும். தான் சிறந்த பந்துவீச்சாளர் என்பதை அவர் மீண்டும் நிரூபித்திருக்கிறார். இந்தத் தோல்வியை அடுத்து அதிர்ஷ்டத்தை நம்பி இருக்கிறோம். கடந்த போட்டியில் எங்கள் செயல்பாடு பற்றி வீரர்களுடன் விவாதித்தோம். அதையடுத்து இந்தப் போட்டியில் நன்றாகவே விளையாடினோம். ராகுலும் ஆரோன் பின்ச்சும் சிறப்பாக செயல்பட்டனர். கடைக்கட்டத்தில் ராகுல் செய்தது (பும்ரா பந்தை தூக்கி அடித்தது) தவறா சரியா என்பது பற்றி சொல்வது கடினம்’ என்றார்.
 

Advertisement:
Advertisement:
Advertisement:
[X] Close