[X] Close
JUST IN
  • BREAKING-NEWS கவுரவ டாக்டர் பட்டம் பெற்றார் முதலமைச்சர் பழனிசாமி
  • BREAKING-NEWS நாங்குநேரி இடைத்தேர்தல் பணப்பட்டுவாடா விவகாரம்: திமுக எம்எல்ஏ சரவணகுமார் மீது மேலும் ஒரு வழக்குப்பதிவு
  • BREAKING-NEWS தொடர் மழை: ஓராண்டுக்குப் பிறகு 100 அடியை எட்டியது பவானி சாகர் அணை
  • BREAKING-NEWS தமிழகத்தில் மேலும் நான்கு நாட்களுக்கு மழை நீடிக்கும் என வானிலை மையம் தகவல்
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.

“இனி சம்பளம் வேண்டாம்”- கம்பீர்

gautam-gambhir-says-no-to-rs-2-8-crore-salary-after-stepping-down-twitterati-hail-the-former-captain-s-decision

ஐபிஎல் தொடரில் டெல்லி அணியின் முன்னாள் கேப்டன் கவுதம் கம்பிர், இனி விளையாட இருக்கும் போட்டிகளுக்கான ரூ. 2.8 கோடி சம்பளத்தை வாங்காமல் விளையாட உள்ளதாக தகவல் வெளியாகியுள்ளது.

2018 ஐபிஎல் தொடரில் டெல்லி அணி கேப்டனாக நியமிக்கப்பட்டவர் கவுதம் கம்பீர். கடந்த கால ஐபிஎல் தொடரில் கொல்கத்தா அணியின் கேப்டனாக செயல்பட்டு வந்த அவர், 2012 மற்றும் 2014ம் ஆண்டுகளில் அந்த அணிக்கு கோப்பையை வென்றுக் கொடுத்தார். ஆனால் இந்தமுறை டெல்லி அணியால் ஏலத்திற்கு எடுக்கப்பட்டு கேப்டனாக நியமிக்கப்பட்ட அவர், தொடக்கத்தில் இருந்தே பேட்டிங்கில் சொதப்பி வந்தார். 

இதுவரை 6 போட்டிகளில் விளையாடியுள்ள டெல்லி அணி அவற்றில் 5 போட்டிகளில் தோல்வியடைந்து புள்ளிப் பட்டியலில் கடைசி இடத்தையே பெற்றுள்ளது. 

இந்நிலையில் சில தினங்களுக்கு முன்பு செய்தியாளர்களை சந்தித்த கம்பீர் “டெல்லி அணி தற்போது உள்ள நிலைக்கு நான் முழுப் பொறுப்பை ஏற்கிறேன். இதனால் கேப்டன் பதவியிலிருந்து விலக முடிவு செய்துள்ளேன். இது எனது தனிப்பட்ட முடிவு. இளம் வீரர் ஸ்ரேயாஸ் ஐயர், அணியை வழிநடத்துவார். மேலும் டெல்லி அணி தொடர் தோல்வியில் இருந்து மீண்டு வெற்றி பாதைக்கு திரும்பும் என்ற நம்பிக்கையும் உள்ளது” என தெரிவித்து இருந்தார். 

இதனிடையே இந்த சீசன் ஐபிஎல் தொடரில் டெல்லி அணிக்காக இனி விளையாட இருக்கும் போட்டிகளில் சம்பளம் வாங்காமல் விளையாட கம்பிர் முடிவு செய்திருப்பதாக தகவல் வெளியாகி உள்ளது. இதன்மூலம் டெல்லி அணியிடம் சம்பளமாக அவர் பெற இருந்த ரூ. 2.8 கோடி சம்பளத்தை அணிக்காக விட்டு கொடுத்து இருப்பது குறிப்பிடத்தக்கது

Advertisement:
இது தொடர்பான செய்திகள் :
Advertisement:
Advertisement:
[X] Close