[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

வரலாற்று சாதனை படைத்தது இந்திய அணி

indias-first-ever-odi-series-victory-in-south-africa-9th-consecutive-odi-series-win

தென்னாப்பிரிக்கா மண்ணில் முதல்முறையாக ஒருநாள் போட்டி தொடரை கைப்பற்றி, விராட் கோலி தலைமையிலான இந்திய அணி வரலாற்று சாதனை படைத்துள்ளது.

தென்னாப்பிரிக்காவில் சுற்றுப்பயணம் மேற்கொண்டுள்ள இந்திய அணி 3 டெஸ்ட், 6 ஒருநாள் மற்றும் 3 டி20 போட்டிகளில் விளையாடி வருகின்றது. ஏற்கனவே நடந்து முடிந்த டெஸ்ட் தொடரை 2-1 என இந்திய அணி இழந்தாலும், நடந்து முடிந்த 4 ஒரு நாள் போட்டிகளில் 3ல் வெற்றி பெற்று 6 போட்டிகள் கொண்ட தொடரை 3-1 என்று முன்னிலை பெற்றிருந்தது. இதையடுத்து, போர்ட் எலிசபெத்தில் நேற்று நடைபெற்ற 5வது ஒரு நாள் போட்டியில் இந்திய அணி 73 ரன்கள் வித்தியாசத்தில் வெற்றி பெற்று தொடரை கைப்பற்றியுள்ளது. இந்த வெற்றியின் மூலம், விராட் கோலி தலைமையிலான இந்திய அணி வரலாற்று சாதனை படைத்துள்ளது.. 

இந்திய அணி தென்னாப்பிரிக்கா மண்ணில் 1992-ம் ஆண்டு முதல் 6 முறை சுற்றுப் பயணம் மேற்கொண்டுள்ளது. ஆனால், இதுவரை இந்திய அணி ஒருமுறை கூட ஒருநாள் தொடரை வென்றதில்லை. 1992-ம் ஆண்டு 5-2 ஆம் ஆண்டில் தொடரை இழந்த இந்திய அணி, 1996-97 ஆம் ஆண்டில் 0-4 என்ற கணக்கில் முழுவதுமாக தோல்வியை தழுவியது. 2000-01 ஆம் ஆண்டில் கென்யா, தென்னாப்பிரிக்கா மற்றும் இந்தியா இடையிலான முத்தரப்பு தொடர் தென்னாப்பிரிக்காவில் நடைபெற்றது. இதில் இறுதிப்போட்டியில் இந்திய அணி தோற்றது. அதேபோல், 2006-07, 2013-14 ஆம் ஆண்டுகளில் நடைபெற்ற தொடர்களை இந்திய அணி முறையே 0-4, 0-2 என்ற கணக்கில் தொடர்களை தோற்றது. முன்னாள் கேப்டன் சவுரங் கங்குலி தலைமையிலான இந்திய அணி 2003-ல் நடைபெற்ற ஐசிசி உலகக் கோப்பையில் இறுதிப் போட்டி வரை சென்று ஆஸ்திரேலியாவிடம் தோற்றது. இந்த நிலையில், தற்போது அந்த வரலாற்றை மாற்றி புதிய வரலாற்றை விராட் கோலி தலைமையிலான அணி படைத்துள்ளது.

          

இந்த தொடரை கைப்பற்றியதன் மூலம் இந்திய அணி தொடர்ச்சியாக 9 தொடர்களை கைப்பற்றி ஆஸ்திரேலியாவின் சாதனையை முறியடித்து இரண்டாம் இடத்துக்கு முன்னேறியுள்ளார். தொடர்ச்சியாக 14 ஒருநாள் தொடர்களை கைப்பற்றி வெஸ்ட் இண்டீஸ் அணி(மே 1980-1988) முதல் இடத்தில் உள்ளது. ஆஸ்திரேலியா அணி தொடர்ச்சியாக 8 ஒருநாள் தொடர்களை(ஏப்ரல் 2009-ஜூன் 2010) வென்று இரண்டாவது இடத்தில் இருந்தது. அதனை இந்திய அணி பின்னுக்கு தள்ளி இரண்டாவது இடத்திற்கு வந்துள்ளது. 7 ஒருநாள் தொடர்களை தொடர்ச்சியாக வென்று பாகிஸ்தான் மற்றும் தென்னாப்பிரிக்கா அணிகள் 4வது இடத்தில் உள்ளன. 

          

இதனிடையே, தென்னாப்பிரிக்கா அணி தனது சொந்த மண்ணில் இரண்டாவது முறையாக ஒருநாள் தொடரை இழந்துள்ளது. முன்னதாக 2013-ம் ஆண்டு பாகிஸ்தானுக்கு எதிராக தொடரை இழந்து இருந்தது. தற்போது இந்திய அணி உடன் 4-1 என்ற கணக்கில் இழந்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close