[X] Close
JUST IN
  • BREAKING-NEWS கேரள வெள்ளச்சேதத்தை தேசியப் பேரிடராக அறிவிக்க வேண்டும்- ராகுல்
  • BREAKING-NEWS 18-வது ஆசிய விளையாட்டு போட்டி இன்று தொடங்குகிறது
  • BREAKING-NEWS பாகிஸ்தான் பிரதமராக தெஹ்ரிக்-இ-இன்சாஃப் கட்சித் தலைவர் இம்ரான்கான் தேர்வு செய்யப்பட்டுள்ளார்
  • BREAKING-NEWS கேரளாவில் கனமழை, வெள்ளம், நிலச்சரிவில் சிக்கி உயிரிழந்தவர்களின் எண்ணிக்கை 324ஆக உயர்வு
  • BREAKING-NEWS டெல்லி ஸ்மிருதி ஸ்தலில் முன்னாள் பிரதமர் வாஜ்பாயின் உடல் அரசு மரியாதையுடன் தகனம் செய்யப்பட்டது
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு
  • BREAKING-NEWS கொச்சி விமான நிலையம் மூடல்

விராட் கோலியின் புதிய மைல்கல்கள்..!

virat-kohli-reached-most-runs-by-a-captain-on-a-tour-to-south-africa-all-3-int-formats

தென்னாப்பிரிக்காவுக்கு எதிரான தொடரில் இந்திய அணியின் கேப்டன் விராட் கோலி பல்வேறு மைல்கல்களை எட்டியுள்ளார்.

இந்திய அணி தென்னாப்பிரிக்காவில் சுற்றுப் பயணம் மேற்கொண்டு விளையாடி வருகிறது. 3 டெஸ்ட் போட்டிகள் கொண்ட டெஸ்ட் தொடர் முடிவடைந்தது. இதனையடுத்து 6 போட்டிகள் கொண்ட ஒருநாள் தொடர் தற்போது நடைபெற்று வருகிறது. ஜோகன்னஸ்பர்க் நகரில் இன்று 4வது ஒருநாள் போட்டி நடைபெற்று வருகிறது. இதில் கேப்டன் விராட் கோலி 75 ரன்கள் எடுத்து ஆட்டமிழந்தார். 

இந்த ஒருநாள் தொடரில் 4 இன்னிங்சில் விராட் கோலி இதுவரை 393 ரன்கள் எடுத்துள்ளார். இதில் இரண்டு சதங்களும், ஒரு அரைசதமும் அடங்கும். ரன் சராசரி 196.50. ஸ்டிரைக் ரேட் 95.0. இன்னும் இரண்டு ஒருநாள் போட்டிகள் மீதமுள்ளது. 

இந்நிலையில், தென்னாபிரிக்காவுக்கு எதிரான இந்த தொடரில் கோலி மொத்தம் 628* ரன்கள் எடுத்துள்ளார். தென்னாப்பிரிக்காவுக்கு எதிரான தொடரில் கேப்டனாக அடிக்கப்பட்ட அதிக ரன்கள் இதுதான். கோலிக்கு அடுத்தபடியாக பிரைன் லாரா 2003-04 ஆண்டில் 627 ரன்கள் எடுத்ததே இதுவரை சாதனையாக இருந்தது. 

அதேபோல், தென்னாப்பிரிக்காவுக்கு எதிரான ஒருநாள் தொடரில் அதிக பேட்டிங் சராசரியை கோலி வைத்துள்ளார். அவரது சராசரி 61.33 ஆகும். அவருக்கு அடுத்தபடியாக இந்திய அணியின் முன்னாள் கேப்டன் சவுரங் கங்குலி 50.50 சராசரி வைத்துள்ளார். சங்ககாரா(45.87), தில்ஷான்(45.04), மைக் ஹசி(44.83), மைக்கேல் பெவன்(44.73) சராசரி எடுத்துள்ளார்கள். 

          

இந்தியா தென்னாப்பிரிக்கா அணிகளுக்கு இடையிலான ஒருநாள் தொடரில் அதிக ரன்கள் அடித்த இந்தியர் கோலி(393*) ஆவார். அவருக்கு அடுத்தபடியாக கங்குலி(285), சச்சின்(274), தவான்(269*) ரன்கள் எடுத்துள்ளனர்.

Advertisement:
Advertisement:
Advertisement:
[X] Close