[X] Close
JUST IN
  • BREAKING-NEWS தமிழக அரசுக்கு ஆலோசனை வழங்காமல் இருக்க மோடி ஒன்றும் பீடா விற்பவர் அல்ல நாட்டின் பிரதமர் - அமைச்சர் ராஜேந்திர பாலாஜி
  • BREAKING-NEWS வாக்காளர் அட்டையுடன் ஆதாரை இணைக்கக்கோரும் மனுவை விசாரணைக்கு ஏற்றது உச்சநீதிமன்ற
  • BREAKING-NEWS நீதிமன்ற தீர்ப்பை எதிர்த்து தஷ்வந்த் மேல்முறையீடு செய்தால் எதிர்கொள்வோம் - சிறுமி தரப்பு வழக்கறிஞர் கண்ணதாசன்
  • BREAKING-NEWS எனது மகளுக்கு ஏற்பட்டது போல் யாருக்கும் ஏற்படக்கூடாது - போரூர் சிறுமியின் தந்தை பாபு
  • BREAKING-NEWS சிறுமி வன்கொடுமை செய்யப்பட்டு எரித்து கொல்லப்பட்ட வழக்கில் தஷ்வந்துக்கு தூக்கு தண்டனை அறிவிப்பு
  • BREAKING-NEWS தினகரன் தனது அணிக்கு குக்கர் சின்னம், பெயர் வழங்கக் கோரிய வழக்கில் தீர்ப்பை ஒத்திவைத்தது டெல்லி உயர்நீதிமன்றம்
  • BREAKING-NEWS காவிரி விவகாரத்தில் 23ஆம் தேதி நடைபெறவிருந்த திமுகவின் அனைத்துக்கட்சி கூட்டம் ரத்து -ஸ்டாலின்

சவாலான பிட்ச்தான். ஆனால், அபாயகரமானது இல்லை: ரஹானே பேட்டி

challenging-pitch-but-not-dangerous-rahane

ஜோகன்னஸ்பர்க் பிட்ச் சவாலானதாக இருந்தது என்றும் அது அபாயகரமானதாக இல்லை என்று, இந்திய அணி வீரர் ரஹானே கூறினார்.

ஜோகன்னஸ்பர்க்கில் நடக்கும் மூன்றாவது டெஸ்ட் போட்டியில் இரண்டாவது இன்னிங்ஸில் இந்திய அணி 247 ரன்கள் எடுத்தது. அதிகபட்சமாக ரஹானே 48 ரன்கள் எடுத்தார். பின்னர்  இரண்டாவது இன்னிங்ஸை தொடங்கிய தென்னாப்பிரிக்கா, 17 ரன்களுக்கு ஒரு விக்கெட்டை இழந்த நிலையில் ஆட்டம் முடித்துக் கொள்ளப்படுவதாக நடுவர்களால் அறிவிக்கப்பட்டது. பந்து தாறுமாறாக எகிறிய நிலையில், பும்ரா வீசிய பந்து தென்னாப்பிரிக்க தொடக்‌க ஆட்டக்காரர் டீன் எல்கரின் நெற்றியை பதம் பார்த்தது. இதனால் அவருக்கு காயம் ஏற்பட்டது. பின்னர் நடுவர்கள் ஆடுகளம் குறித்து விவாதித்தனர். பேட்ஸ்மேன்களுக்கு பாதிப்பு ஏற்படக்கூடும் என்பதால் போட்டி நிறுத்தப்பட்டதாகக் கூறப்பட்டது. 

இதுபற்றி ரஹானே கூறும்போது, ‘ இந்த பிட்ச் சவாலானதாக இருந்தது. இருந்தும் நமது தொடக்க ஆட்டக்காரர்கள் சிறப்பாக விளையாடினார்கள். முரளி விஜய் 127 பந்துகளை சந்தித்து 25 ரன்கள் எடுத்தார். இதே நிலைமைதான் மற்ற வீரர்களுக்கும். இந்த போட்டியில் வெற்றி பெற வேண்டும் என்ற உந்துதலில் எல்லோருமே விளையாடினோம். நானும் புவனேஷ்வர்குமாரும் பேட்டிங் செய்யும் போது கூட பிட்ச் பற்றி நினைக்கவில்லை. பந்துகளை எப்படி அடிக்க வேண்டும் என்றுதான் யோசித்தோம். சில பந்துகள் எங்களை தாக்கியது உண்மைதான். விளையாட்டில் இதுவும் ஓர் அங்கம். வழக்கமானதை விட பந்து அதிகமாக பவுன்ஸ் ஆனதா என்று கேட்கிறார்கள். எனக்கு அப்படித் தெரியவில்லை. இந்த மாதிரியான பிட்சில் பந்து பவுன்ஸ் ஆவது வழக்கமானதுதான். புதிய பந்தை எதிர்கொண்டு முரளி விஜய் விளையாடியதும் நானும் புவனேஷ்வர்குமார் ஆடியதும் அப்படித்தான். இது அபாயகரமான பிட்ச் என்று தெரியவில்லை. இரண்டு அணிக்கும் ஒரே மாதிரியான பிட்ச்தானே. என் முழங்கையில் பந்து பட்டபோது, நடுவர் விசாரித்தார். ’உங்கள் பிசியோ-வை அழைத்துக்கொள்ளுங்கள். உங்களுக்கு எவ்வளவு நேரம் தேவையோ, எடுத்துக்கொண்டு பிறகு விளையாட்டைத் தொடருங்கள். ஒன்றும் அவசரமில்லை’ என்றார். அதன்படியே விளையாடினோம்’ என்றார் ரஹானே. 


 

Advertisement:
Advertisement:
Advertisement:
[X] Close