[X] Close
JUST IN
  • BREAKING-NEWS மத்திய மாநில ஆட்சியில் சட்டம்-ஒழுங்கை நிலைநாட்டும் பொறுப்பில் இருப்போர் முகிலனை மீட்க வேண்டும் - மு.க.ஸ்டாலின்
  • BREAKING-NEWS 21 தொகுதி இடைத்தேர்தலில் திமுக சார்பில் போட்டியிட விருப்பம் உள்ளவர்கள் விருப்ப மனு அளிக்கலாம் - திமுக பொதுச்செயலாளர் க.அன்பழகன்
  • BREAKING-NEWS மக்களவை தேர்தலை முன்னிட்டு திமுக சார்பில் 25ம் தேதி முதல் அண்ணா அறிவாலயத்தில் விருப்ப மனு விநியோகம் - திமுக பொதுச்செயலாளர் க.அன்பழகன்
  • BREAKING-NEWS திண்டிவனம் அருகே நிகழ்ந்த சாலை விபத்தில் விழுப்புரம் அதிமுக எம்.பி. ராஜேந்திரன் (வயது 62) உயிரிழப்பு
  • BREAKING-NEWS சென்னையில் பெட்ரோல் லிட்டருக்கு ரூ. 74.08 காசுகளாகவும், டீசல் லிட்டருக்கு ரூ. 70.32 காசுகளாகவும் விலை நிர்ணயம்

இதுபோன்ற பிட்ச்-களில் ஆடியதில்லை: ’மேஜிக்’ பும்ரா பேட்டி

match-is-in-balance-right-now-jasprit-bumrah

ஜோகன்னஸ்பர்க் ஆடுகளம் பந்துவீச்சாளர்களுக்கு சாதகமாக இருந்தது என்று இந்திய அணியின் வேகப்பந்து வீச்சாளர் பும்ரா கூறினார்.

ஜோகன்னஸ்பர்க்கில் நடைபெறும் கடைசி டெஸ்ட் போட்டியில் முதல் இன்னிங்ஸில் இந்திய அணி 187 ரன்களுக்கு ஆட்டமிழந்தது. இரண்டாவது நாளில் பும்ரா, புவனேஷ்வர் குமார் ஆகியோரின் சிறப்பான பந்துவீச்சால் தென்னாப்பிரிக்க அணி 194 ரன்களுக்கு ஆட்டமிழந்தது. அதிகபட்சமாக ஆம்லா 61 ரன்களும், பிலாண்டர் 35 ரன்களும் எடுத்தனர். ரபடா 30 ரன்கள் எடுத்தார். பும்ரா 5 விக்கெட்டுகளையும், புவனேஷ்வர் குமார் 3 விக்கெட்டுகளையும் வீழ்த்தினர். 7 ரன்கள் பின்தங்கிய நிலையில் இரண்டாவது இன்னிங்ஸை விளையாடிய இந்திய அணி, இரண்டாம் நாள் முடிவில் ஒரு விக்கெட் இழப்புக்கு 49 ரன்கள் எடுத்துள்ளது. பார்த்திவ் படேல் 16 ரன்கள் எடுத்து ஆட்டமிழந்தார். முரளி விஜய் 13 ரன்களுடனும், ராகுல் 16 ரன்களுடனும் களத்தில் உள்ளனர்.

இதுபற்றி பும்ரா கூறும்போது, ‘டெஸ்ட் போட்டியில் முதன்முறையாக 5 விக்கெட் எடுத்தது பற்றி கேட்கிறார்கள். நான் சீனியர் வீரர்களிடம் பேசும்போது, அவர்களின் ஆலோசனைகளை கேட்பேன். அப்படி கேட்டுக் கற்றுக்கொண்டது அதிகம். அதை வைத்தே பந்துவீசினேன். இதுபோன்ற பிட்ச்-களில் இதற்கு முன் ஆடியதில்லை. இந்த பிட்ச் பந்துவீச்சாளர்களுக்கு சாதகமாக இருந்தது. சரியான இடத்தில் பந்துவீசினால் விக்கெட் கிடைக்கும் என்று நம்பினேன். அதன்படி விக்கெட் வீழ்த்தினோம். ’நைட்வாட்ச்மேன்’ ரபாடா நீண்ட நேரம் நின்று ரன் சேர்த்தது பற்றி கேட்கிறார்கள். அவர் சிறப்பாக பேட்டிங் செய்தார். அதை ஏற்றுக்கொள்ளதான் வேண்டும். இந்த மாதிரியான ஆடுகளத்தில் அதிகமான விக்கெட் விழும் என்று எதிர்பார்த்தோம். அதை நோக்கியே எங்கள் திட்டத்தை செயல்படுத்தினோம். ஹாசிம் அம்லாவும் சிறப்பாக விளையாடினார். அவர் விக்கெட்டை வீழ்த்தியது மகிழ்ச்சியாக இருந்தது. இப்போது ஆட்டம் இரண்டு அணிக்குமே சாதகமாக இருக்கிறது’ என்றார்.

Advertisement:
Advertisement:
Advertisement:
[X] Close