[X] Close
JUST IN
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்
  • BREAKING-NEWS சேலம்-சென்னை 8 வழிச்சாலை திட்டத்திற்காக நிலம் தர விருப்பம் இல்லாத விவசாயிகளை துன்புறுத்தக்கூடாது - உயர்நீதிமன்றம்
  • BREAKING-NEWS கேரளாவில் கன்னியாஸ்திரி பாலியல் வன்கொடுமை வழக்கில் குற்றம் சாட்டப்பட்டுள்ள பிஷப் பிராங்கோ பணியிடை நீக்கம் - வாடிகன் நிர்வாகம்
  • BREAKING-NEWS மொஹரம் பண்டிகையை முன்னிட்டு புதுச்சேரி, காரைக்கால், ஏனாம் பகுதிகளுக்கு நாளை அரசு பொது விடுமுறை - புதுச்சேரி அரசு
  • BREAKING-NEWS இந்திய கிரிக்கெட் அணியின் கேப்டன் விராட் கோலிக்கு ராஜீவ் காந்தி கேல் ரத்னா விருது அறிவிப்பு

பிலாண்டர் வேகத்தில் சரிந்தது இந்தியா: முதல் டெஸ்டில் தோல்வி

south-africa-won-by-72-runs

தென்னாப்பிரிக்காவுக்கு எதிரான முதலாவது டெஸ்ட் போட்டியில் இந்திய அணி தோல்வி அடைந்தது.

இந்தியா, தென்னாப்பிரிக்கா அணிகளுக்கு இடையிலான முதலாவது டெஸ்ட் போட்டி கேப்டவுன் நகரில் நடைபெற்றது. இதில் முதல் இன்னிங்சில் தென்னாப்பிரிக்கா 286, இந்தியா 209 ரன்கள் எடுத்தனர். தென்னாப்பிரிக்கா இரண்டாவது இன்னிங்சில் 130 ரன்களுக்கு ஆட்டமிழந்தது. இதனையடுத்து இந்திய அணி 208 ரன்கள் என்ற இலக்குடன் தனது இரண்டாவது இன்னிங்சை விளையாடியது. 

தொடக்க வீரர்களாக களமிறங்கிய முரளி விஜய்யும், ஷிகர் தவானும் சிறிது நேரம் தாக்குப்பிடித்து ஆடினர். 30 ரன்கள் எடுத்திருந்த போது தவான் 16 ரன்னில் ஆட்டமிழந்தார். அடுத்து முரளி விஜய் 13, புஜாரா 4 ரன்னில் அடுத்தடுத்து ஆட்டமிழந்தனர். இதனால், 39 ரன்களுக்கு இந்திய அணி 3 விக்கெட்டுகளை இழந்தது. கோலி சற்று நேரம் தாக்குபிடித்து விளையாடி 28 ரன்கள் எடுத்து நடையைக் கட்டினார். கோலி ஆட்டமிழந்த போது இந்திய அணி 71 ரன்கள் எடுத்திருந்தது. கோலி ஆட்டமிழந்து 11 ரன்கள் எடுப்பதற்குள் இந்திய அணி 3 விக்கெட்டுகளை இழந்தது. ரோகித் சர்மா 10, சஹா 8, பாண்ட்யா 1 ரன்களில் வந்த வேகத்தில் பெவிலியன் திரும்பினர். 

82 ரன்களுக்குள் இந்திய அணி 7 விக்கெட்டுகளை இழந்தது. இதனால் இந்திய அணி 100 ரன்கள் எடுப்பதற்கு அனைத்து விக்கெட்டுகளையும் இழந்துவிடும் என்று எதிர்பார்க்கப்பட்டது. ஆனால் அஸ்வின், புவனேஷ்குமார் இருவரும் இணைந்து தென்னாப்பிரிக்க வீரர்களின் பந்துவீச்சை சிறப்பாக எதிர்கொண்டனர். இதனால் சற்று நேரம் விக்கெட் விழாமல் இருந்தது. இந்த ஜோடி 49 ரன்கள் சேர்ந்தது. சிறப்பாக விளையாடிய அஸ்வின் 37 ரன்னில் ஆட்டமிழந்தார். அஸ்வின் ஆட்டமிழந்த உடனே முகமது சமி, பும்ரா வந்த வேகத்தில் ஆட்டமிழந்தனர். இதனால் இந்திய அணி 135 ரன்னிற்கு அனைத்து விக்கெட்டுகளையும் இழந்து ஆட்டமிழந்தது. 4-வது நாளிலேயே ஆட்டம் முடிவடைந்தது. 

          

தென்னாப்பிரிக்க அணி 72 ரன்கள் வித்தியாசத்தில் வெற்றி பெற்றது. அந்த அணியின் பிலாண்டர்  42 ரன்களை விட்டுக் கொடுத்து 6 விக்கெட்டுகளை சாய்த்தார். 3 டெஸ்ட் போட்டிகள் கொண்ட தொடரில் தென்னாப்பிரிக்கா அணி 1-0 என்ற கணக்கில் முன்னிலை பெற்றுள்ளது. மிகவும் எதிர்பார்க்கப்பட்ட இந்திய அணி தோல்வியடைந்தது ரசிகர்களுக்கு ஏமாற்றத்தை அளித்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close