[X] Close
JUST IN
  • BREAKING-NEWS ஊடகங்களிடம் பேச அஞ்சும் பிரதமராக நான் இருக்கவில்லை; ஒவ்வொரு வெளிநாட்டு பயணம் முடிந்ததும் பத்திரிகையாளர் சந்திப்பு நடத்தியிருக்கிறேன் - முன்னாள் பிரதமர் மன்மோகன் சிங்
  • BREAKING-NEWS ரூ.1,258 கோடியில் மதுரையில் எய்ம்ஸ் அமைக்க மத்திய அமைச்சரவை ஒப்புதல் அளித்தது
  • BREAKING-NEWS 2 லட்சம் ரூபாய் வரையிலான விவசாயக் கடன்கள் தள்ளுபடி - மத்திய பிரதேச முதல்வர் கமல்நாத் அறிவிப்பு
  • BREAKING-NEWS மோடிதான் இந்தியாவின் அடுத்த பிரதமராக வருவார் - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி

130 ரன்னில் தென்னாப்பிரிக்கா ஆல்-அவுட்

india-vs-south-africa-live-cricket-score-1st-test-day-4-visitors-bowl-out-proteas-for-130-need-208-to-win

இந்தியாவுக்கு எதிரான முதலாவது டெஸ்ட் போட்டியில் தென்னாப்பிரிக்கா அணி இரண்டாவது இன்னிங்சில் 130 ரன்களுக்கு ஆட்டமிழந்தது.

இந்தியா-தென்னாப்பிரிக்கா அணிகளுக்கு இடையிலான முதலாவது டெஸ்ட் போட்டி கேப் டவுனில் ஜனவரி 5-ம் தேதி தொடங்கியது. டாஸ் வென்ற தென்னாப்பிரிக்கா முதலில் பேட்டிங் செய்து, 286 ரன்கள் எடுத்து ஆட்டமிழந்தது. புவனேஷ்வர்குமார் 4 விக்கெட்டுகளை வீழ்த்தினார். பின்னர் விளையாடிய இந்திய அணி 209 ரன்களுக்கு அனைத்து விக்கெட்டுகளையும் இழந்தது. ஹர்திக் பாண்ட்யா மட்டும் தனி ஆளாக போராடி 93 ரன்கள் எடுத்து ஆட்டமிழந்தார். மற்ற வீரர்கள் சொற்ப ரன்னில் ஆட்டமிழந்தனர்.

இதனையடுத்து 77 ரன்கள் முன்னிலையுடன் தென்னாப்பிரிக்கா தனது இரண்டாவது இன்னிங்சை தொடங்கியது. இரண்டாம் நாள் ஆட்டநேர முடிவில் அந்த அணி 65 ரன்களுக்கு இரண்டு விக்கெட்டுகளை இழந்தது. 3-வது நாளான நேற்று முற்றிலும் மழையால் தடைபட்டது. இந்நிலையில் 4-வது நாளான இன்று தென்னாப்பிரிக்கா அணி தொடர்ந்து விளையாடியது.

மேற்கொண்டு ஒரு ரன் எடுப்பதற்குள் ஆம்லா 4 ரன்னில் ஆட்டமிழந்தார். அவரை தொடர்ந்து, ரபாடா 5 ரன்னில் நடையைக் கட்டினார். இந்த இரண்டு விக்கெட்டுகளையும் முகமது சமி கைப்பற்றினார். பின்னர், டிவில்லியர்ஸ் மட்டும் நிலைத்து நின்று ஆட மற்றவர்கள் அடுத்தடுத்து ஆட்டமிழந்த வண்ணம் இருந்தனர். இறுதியில் தென்னாப்பிரிக்கா அணி 130 ரன்னில் அனைத்து விக்கெட்டுகளையும் இழந்தது. டிவில்லியர்ஸ் 35 ரன்கள் எடுத்து கடைசியாக ஆட்டமிழந்தார். முகமது சமி, பும்ரா தலா 3 விக்கெட்டுகளை சாய்த்தனர். பாண்டியா, புவனேஷ்வர் குமார் தலா 2 விக்கெட்டுகளை எடுத்தனர்.  

          

65 ரன்களுக்கு 2 விக்கெட்டுகள் என்ற நிலையில் களமிறங்கிய தென்னாப்பிரிக்கா, மேற்கொண்டு 65 ரன்கள் சேர்ப்பதற்குள் மீதமுள்ள 8 விக்கெட்டுகளை இழந்தது. தென்னாப்பிரிக்கா அணி 207 ரன்கள் முன்னிலை பெற்றுள்ளது. இதனால், இந்திய அணிக்கு 208 ரன்கள் இலக்காக நிர்ணையிக்கப்பட்டுள்ளது. 

Advertisement:
Advertisement:
Advertisement:
[X] Close