[X] Close
JUST IN
  • BREAKING-NEWS டெல்லியில் காங்கிரஸ் தலைவர் ராகுல் காந்தியுடன் மக்கள் நீதி மய்யம் கட்சித் தலைவர் கமல்ஹாசன் சந்திப்பு
  • BREAKING-NEWS ஹாக்கியை தேசிய விளையாட்டாக அரசிதழில் வெளியிட வேண்டும் - ஒடிஷா முதல்வர் நவீன் பட்நாயக் பிரதமருக்கு கடிதம்
  • BREAKING-NEWS போராடினாலே கைது என்பதை ஏற்றுக்கொள்ள முடியாது - கமல் ஹாசன்
  • BREAKING-NEWS வெப்பச்சலனம் காரணமாக தமிழகம், புதுச்சேரியில் ஒரு சில இடங்களில் மழை பெய்ய வாய்ப்பு: வானிலை ஆய்வு மையம்
  • BREAKING-NEWS மதுரை காமராஜர் பல்கலை. துணை வேந்தரை நீக்கிய உத்தரவுக்கு தடைவிதிக்க உச்சநீதிமன்றம் மறுப்பு
  • BREAKING-NEWS சுதந்திரமான நீதிமன்றங்களே மக்களுக்கு பெரும் பாதுகாப்பு - ப. சிதம்பரம்
  • BREAKING-NEWS கர்நாடகா: சித்ரதுர்கா அருகே ஜவஹனள்ளி பகுதியில் லாரியும், காரும் நேருக்கு நேர் மோதியதில் 5 பேர் பலி

பேட்டிங், பந்துவீச்சில் கலக்கிய பாண்ட்யா

hardik-pandya-scores-93-runs-and-takes-two-wickets-but-its-south-africa-who-are-in-control-at-newlands-with-a-lead-of-142

தென்னாப்பிரிக்காவுக்கு எதிரான முதல் டெஸ்ட் போட்டியில் ஹர்திக் பாண்ட்யா பேட்டிங், பந்துவீச்சில் களக்கியுள்ளார்.

இந்தியா-தென்னாப்பிரிக்கா அணிகளுக்கு இடையிலான முதலாவது டெஸ்ட் போட்டி கேப் டவுனில் நேற்று தொடங்கியது. டாஸ் வென்ற தென்னாப்பிரிக்கா முதலில் பேட்டிங் செய்து, 286 ரன்களுக்குள் அனைத்து விக்கெட்டையும் இழந்தது. இந்திய வேகப்பந்துவீச்சாளர் புவனேஷ்வர்குமார் 4 விக்கெட்டுகளை வீழ்த்தினார். இதனையடுத்து விளையாடிய இந்திய அணி முதல் நாள் முடிவில் 28 ரன்களுக்கு 3 விக்கெட்டுகளை இழந்தது. 

இதனையடுத்து, இரண்டாம் நாள் ஆட்டத்தை தொடர்ந்த இந்திய வீரர்கள் அடுத்தடுத்து ஆட்டமிழந்தனர்.  இதனால் இந்திய அணி 92 ரன்களுக்குள் 7 விக்கெட்டுகளை இழந்து தடுமாறியது. முரளி விஜய்(1), ஷிகர் தவான்(16), விராட் கோலி(5), ரோகித்(11), புஜாரா(26), அஸ்வின்(12), சாஹா(0) என சொற்ப ரன்களில் விக்கெட்டை பறிகொடுத்தனர்.

பின்னர், ஹர்திக் பாண்ட்யா தனது அதிரடியால் ஆட்டத்தின் போக்கையே மாற்றினார். பவுண்டரிகளாக விளாசிய அவர் 46 பந்துகளில் அரைசதம் விளாசினார். இதனால் இந்திய அணி சரிவில் இருந்து மீண்டது. பாண்ட்யாவுக்கு புவனேஷ்குமார் ஒத்துழைப்பு கொடுத்தார். இந்த ஜோடி 8-வது விக்கெட்டுக்கு 99 ரன்கள் குவித்தது. புவனேஷ்குமார் 25(112) ரன்களில் ஆட்டமிழந்தார். அவரை தொடர்ந்து சதம் அடிப்பார் என்று எதிர்பார்த்த பாண்ட்யா 93(95) ரன்னில் ஆட்டமிழந்தார். இதில் ஒரு சிக்ஸரும், 14 பவுண்டரிகளும் அடங்கும். பாண்ட்யா ஆட்டமிழந்த போது இந்திய அணி 199 ரன்கள் எடுத்திருந்தது. அடுத்த 10 ரன்கள் சேர்ப்பதற்கு இந்திய அணி மீதமுள்ள விக்கெட்டையையும் இழந்தது. 209 ரன்களுக்கு இந்திய அணி ஆல் அவுட் ஆனது. 

       

இதனையடுத்து 77 ரன்கள் முன்னிலையுடன் தென்னாப்பிரிக்கா தனது இரண்டாவது இன்னிங்சை தொடங்கியது. இரண்டாம் நாள் ஆட்டநேர முடிவில் அந்த அணி 65 ரன்களுக்கு இரண்டு விக்கெட்டுகளை இழந்தது. மார்க்ரம் 34(43), எல்கர் 25(54) ரன்களில் ஆட்டமிழந்தனர். இந்த இரண்டு விக்கெட்டுகளையும் ஹர்திக் பாண்ட்யா வீழ்த்தினார். தென்னாப்பிரிக்கா அணி மொத்தம் 142 ரன்கள் முன்னிலையில் உள்ளது. இன்னும் 3 நாட்கள் மீதமுள்ள நிலையில் நாளை மீண்டும் தென்னாப்பிரிக்கா வீரர்கள் பேட்டிங்கை தொடர்வார்கள். 

Advertisement:
Advertisement:
Advertisement:
[X] Close