[X] Close
JUST IN
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது

ஓராண்டிற்கு பிறகு களமிறங்கி புதிய மைல்கல்லை எட்டினார் டிவில்லியர்ஸ்

ab-de-villiers-makes-grand-comeback-in-tests-goes-past-10-000-first-class-runs

முதல்தர கிரிக்கெட் போட்டியில் 10 ஆயிரம் ரன்கள் என்ற புதிய மைல்கல்லை தென் ஆப்ரிக்க அணியின் அதிரடி ஆட்டக்காரர் ஏபி டிவில்லியர்ஸ் எட்டியுள்ளார்.

கிரிக்கெட் வரலாற்றில் முதன்முறையாக நான்கு நாள் பகல் இரவு டெஸ்ட் கிரிக்கெட் போட்டி நேற்று தென் ஆப்ரிக்கா - ஜிம்பாப்வே அணிகளுக்கு இடையில் தொடங்கியது. தென் ஆப்ரிக்காவில் உள்ள போர்ட் எலிசபெத் மைதானத்தில் இந்தப்போட்டி நடைபெற்று வருகிறது. காயம் காரணமாக தென் ஆப்ரிக்க அணி கேப்டன் டூபிளிசிஸ் இடம்பெறாததால், அவருக்குப் பதிலாக டிவில்லியர்ஸ் கேப்டனாக களம் இறங்கினார்.

டாஸ் வென்ற டிவில்லியர்ஸ் பேட்டிங் தேர்வு செய்தார். தென் ஆப்ரிக்கா அணி 78.3 ஓவர்களில் 9 விக்கெட் இழப்புக்கு 309 ரன்கள் எடுத்து டிக்ளேர் செய்துள்ளது. ஏய்டன் மார்கிராம் 125 (204) ரன்கள் எடுத்தார். டிவில்லியர்ஸ் அதிரடியாக விளையாடி 65 பந்துகளில் ஒரு சிக்ஸர், 5 பவுண்டரிகளுடன் 53 ரன்கள் குவித்தார்.

இந்த 4 நாள் டெஸ்ட் போட்டி சர்வதேச முதல் தர போட்டிகளில்தான் வரும். டிவில்லியர்ஸ் 3 ரன்கள் எடுத்தபோது முதல்தர போட்டியில் 10 ஆயிரம் ரன்கள் என்ற புதிய மைல்கல்லை எட்டினார். ஏற்கனவே கிராம் ஸ்மித், ஹசீம் ஆம்லா, ஜேக் காலீஸ், ஹன்சி குரோனி, பேர்ரி ரிச்சர்டு மற்றும் கெப்ளர் வெஸ்ஸல்ஸ் ஆகிய தென் ஆப்பிரிக்க வீரர்கள் இந்த மைல்கல்லை எட்டியுள்ளர். டிவில்லியர்ஸ் ஏற்கனவே டெஸ்ட் போட்டியில் 8074 ரன்களும், ஒருநாள் போட்டியில் 9515 ரன்களும், டி20 போட்டியில் 1672 ரன்களும் குவித்துள்ளார்.

இதனையடுத்து விளையாடிய ஜிம்பாப்வே அணி 16 ஓவர்களுக்கு 4 விக்கெட் இழப்புக்கு 30 ரன்கள் எடுத்து திணறி வருகிறது. தென் ஆப்ரிக்கா அணி சார்பில் மோனே மார்கல் 3 விக்கெட்டும், பிளெண்டர் ஒரு விக்கெட்டும் வீழ்த்தியுள்ளனர்.

Advertisement:
Advertisement:
Advertisement:
[X] Close