[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

2வது டி20யில் 88 ரன்கள் வித்தியாசத்தில் இந்தியா வெற்றி

indvssl-2nd-t20-india-won-by-88-runs

இலங்கைக்கு எதிரான 2வது டி20 போட்டியில் 88 ரன்கள் வித்தியாசத்தில் இந்திய அணி வெற்றி பெற்றது.

இந்தியா-இலங்கை அணிகள் இடையிலான 2வது டி20 போட்டி மத்தியபிரதேசத்தில் உள்ள இந்தூரில் இன்று நடைபெற்றது. இதில் டாஸ் வென்ற இலங்கை அணி முதலில் பந்துவீச்சை தேர்வு செய்தது. இதனையடுத்து களமிறங்கிய இந்திய அணியின் தொடக்க வீரர்களான ரோஹித் சர்மா மற்றும் லோகேஷ் ராகுல் ஆகியோர் ஆரம்பம் முதலே அதிரடியாக விளையாடினர். இலங்கை வீரர்களின் பந்துகளை சூறையாடிய ரோஹித் சர்மா 35 பந்துகளில் சதம் அடித்து உலக சாதனையை சமன் செய்தார். அவருடன் அதிரடியாய் விளையாடிய லோகேஷ் ராகுல் 89(49) ரன்கள் எடுத்தார். இதனால் மளமளவென உயர்ந்த இந்திய அணியின் ரன்கள், கடைசி ஓவரில் தொடர் விக்கெட்டுகளால் தடுமாறியது. அத்துடன் 4 ரன்களில் உலக சாதனையையும் தவறவிட்டது. இந்திய அணியில் தோனி 28(21), பாண்டியா 10(3) ரன்கள் எடுத்தனர். 20 ஓவர்களில் 5 விக்கெட்டுகள் இழப்பிற்கு 260 ரன்கள் குவித்தது. 

இதைத்தொடர்ந்து களமிறங்கியுள்ள இலங்கை அணியும் தொடக்கம் முதலே அதிரடியான ஆட்டத்தை வெளிப்படுத்தியது. ஆனால் வேகமாக ரன் குவித்து வந்த திக்வெல்லா 25 ரன்கள் ஆட்டமிழந்தார். இருப்பினும் களத்தில் இருந்த தரங்காவுடன் அடுத்ததாக வந்த குசல் பெராரா இணை சேர மீண்டும் இலங்கையின் ரன்கள் வேகமாக உயரத்தொடங்கியது. ஒரு கட்டத்தில் வெற்றி யாருக்கு என்ற சந்தேகம் எழும் நிலை ஏற்பட்டது. அந்தச் சமயத்தில் இந்திய அணியின் ‘சைனாமேன்’ குல்தீப் யாதவ் அடுத்தடுத்து மூன்று விக்கெட்டுகளை வீழ்த்தி இந்தியாவை வெற்றி பாதைக்கு அழைத்து சென்றார். இதையடுத்து தொடர்ந்து விக்கெட்டுகள் விழ 20 ஓவர்கள் முடிவில் அனைத்து விக்கெட்டுகளையும் இழந்த இலங்கை அணி 172 ரன்கள் எடுத்தது. இதனால் இந்திய அணி 88 ரன்கள் வித்தியாசத்தில் அபார வெற்றி பெற்றது. இதன்மூலம் 3 டி20 போட்டிகள் கொண்ட தொடரை 2-0 என்ற கணக்கில் இந்திய அணி கைப்பற்றியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close