[X] Close
JUST IN
  • BREAKING-NEWS வடக்கு அந்தமான், கிழக்கு வங்கக்கடல் பகுதிக்கு அடுத்த 12 மணி நேரத்திற்கு மீனவர்கள் செல்ல வேண்டாம் - சென்னை வானிலை ஆய்வு மையம்
  • BREAKING-NEWS பணத்திற்காக வாக்களிப்பது தன்னைத்தானே விற்பதற்கு சமம்: வைகோ
  • BREAKING-NEWS பாஜக நோட்டுகள், டோக்கன்களை தந்து வாக்கு கேட்காது; திட்டங்களை தந்து மட்டுமே வாக்கு கேட்கும் - தமிழிசை
  • BREAKING-NEWS நீதிமன்ற அவமதிப்பு வழக்கு: மன்னிப்புக் கேட்டார் ஹெச்.ராஜா!
  • BREAKING-NEWS பெண்கள் கரும்பல்ல; இரும்பு என்பதை நிரூபிக்கும் காலம் வந்துவிட்டது! - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.84.64 காசுகளாகவும், டீசல் லிட்டருக்கு ரூ.79.22 காசுகளாகவும் விலை நிர்ணயம்
  • BREAKING-NEWS வைகை அணையின் நீர்மட்டம் 69 அடியை எட்டியதால் மதுரை, திண்டுக்கல், சிவகங்கை, ராமநாதபுரம், தேனி மாவட்ட மக்களுக்கு 3ஆம் கட்ட வெள்ள அபாய எச்சரிக்கை

விராத் கோலி மீண்டும் இரட்டை சதம்

virat-kohli-slams-6th-double-hundred

இலங்கைக்கு எதிரான கடைசி டெஸ்டில் இந்திய கிரிக்கெட் அணியின் கேப்டன் விராத் கோலி மீண்டும் இரட்டை சதம் அடித்தார்.

இலங்கை அணியுடனான மூன்றாவது டெஸ்ட் கிரிக்கெட் போட்டி டெல்லியில் நடந்து வருகிறது. டாஸ் வென்ற இந்திய அணி பேட்டிங்கை தேர்ந்தெடுத்தது. தொடக்க வீரர்  தவன், புஜாரா ஆகியோர் தலா 23 ரன்கள் எடுத்து வெளியேறினர். மற்றொரு தொடக்க வீரரான முரளி விஜயும், கேப்டன் கோலியும் இணைந்து, இலங்கை அணியின் பந்துவீச்சை நாலாதிசைகளிலும் விரட்டி நேர்த்தியாக ரன்கள் சேர்த்தனர். முரளி விஜய், சர்வதேச டெஸ்ட் போட்டிகளில் 11-ஆவது சதத்தை அடித்‌தார். அவரைத் தொடர்ந்து கேப்டன் கோலியும் சதமடித்தார். டெஸ்ட் போட்டிகளில் கோலியின் இருபதாவது சதமாக இது அமைந்தது.

முரளி விஜய் 155 ரன்களிலும் அவரைத் தொடர்ந்து களமிறங்கிய ரஹானே ஒரு ரன்னிலும் வெளியேறினர். கோலி 156 ரன்களுடனும், ரோகித் ஷர்மா 6 ரன்களுடனும் களத்தில் இருந்தனர். முதல் நாளில் இந்திய அணி 4 விக்கெட் இழப்புக்கு 371 ரன்கள் குவித்திருந்தது.

இரண்டாவது நாள் ஆட்டம் இன்று தொடங்கியது.  சிறப்பாக ஆடிய விராத் கோலி இரட்டை சதம் அடித்தார். இது அவரது 6-வது இரட்டை சதம். கடந்த போட்டியிலும் அவர் இரட்டை சதம் அடித்திருந்தார் என்பது குறிப்பிடத்தக்கது. 

10.50 மணி நிலவரப்படி இந்திய அணி 4 விக்கெட் இழப்புக்கு 456 ரன்கள் குவித்திருக்கிறது. கோலி 205 ரன்களுடனும் ரோகித் சர்மா 41 ரன்களுடனும் ஆடி வருகின்றனர்.

Advertisement:
Advertisement:
Advertisement:
[X] Close