[X] Close
JUST IN
  • BREAKING-NEWS டெல்லியில் 28 ஆவது ஜிஎஸ்டி கூட்டம் அமைச்சர் பியூஷ் கோயல் தலைமையில் தொடங்கியது
  • BREAKING-NEWS இந்தியா திருக்கோயில் என்றால், கடவுள் இருக்கும் இடம் தமிழ்நாடு- முதலமைச்சர் பழனிசாமி
  • BREAKING-NEWS நிதி மசோதாவுக்கு ஒப்புதல் பெறப்பட்டு நிறைவேற்றப்படும்- புதுச்சேரி துணைநிலை ஆளுநர் கிரண்பேடி
  • BREAKING-NEWS ராமநாதபுரம்: மண்டபம் அருகே முயல் தீவுப் பகுதியில் ரூ.4 கோடி மதிப்புள்ள கடல் அட்டைகள் பறிமுதல்
  • BREAKING-NEWS நாடு முழுவதும் அகில இந்திய மோட்டார் காங்கிரஸ் சார்பில் 2 ஆவது நாளாக லாரிகள் வேலைநிறுத்தம்
  • BREAKING-NEWS விருதுநகர்: ராஜபாளையம் அருகே திருவள்ளூர் நகரில் பாலியல் புகாரில் பள்ளி தலைமை ஆசிரியர் கைது

ஆஷஸ் தொடர்: இங்கிலாந்து ஆல்-அவுட், தடுமாற்றத்தில் ஆஸி!

australia-battle-back-as-england-rue-missed-opportunities

இங்கிலாந்து–ஆஸ்திரேலியா அணிகள் இடையிலான முதல் டெஸ்ட் போட்டியின் முதல் இன்னிங்ஸில் இங்கிலாந்து அணி, 302 ரன்கள் எடுத்துள்ளது.

இங்கிலாந்து–ஆஸ்திரேலியா அணிகள் இடையிலான 5 ஆட்டங்கள் கொண்ட ஆ‌ஷஸ் டெஸ்ட் போட்டி தொடரின் முதலாவது டெஸ்ட் கிரிக்கெட், ஆஸ்திரேலியாவில் உள்ள பிரிஸ்பேனில் நேற்று தொடங்கியது. ‘டாஸ்’ ஜெயித்த இங்கிலாந்து அணி பேட்டிங்கை தேர்ந்தெடுத்தது. அதன்படி தொடக்க ஆட்டக்காரர்களாக குக், ஸ்டோன்மேன் களம் இறங்கினர். 3வது ஓவரில் ஸ்டார்க் பந்து வீச்சில் குக் (2 ரன்) கேட்ச் ஆனார்.

தொடர்ந்து வின்ஸ், ஸ்டோன்மேனுடன் இணைந்தார். இங்கிலாந்து அணி 29 ஓவர்களில் ஒரு விக்கெட்டுக்கு 59 ரன்கள் எடுத்திருந்த போது மழை குறுக்கிட்டதால் ஆட்டம் பாதிக்கப்பட்டது. பின்னர் ஆட்டம் தொடங்கியதும் இருவரும் அரை சதத்தை எடுத்தனர். ஸ்கோர் 127 ரன்னாக உயர்ந்த போது ஸ்டோன்மேன் (53 ரன்) கம்மின்ஸ் பந்து வீச்சில் போல்டானார். அடுத்து, கேப்டன் ஜோ ரூட் வின்ஸுடன் இணைந்தார். வின்ஸ், 83 ரன்களில் ரன் அவுட் ஆனார். ஜோ ரூட் 15 ரன்னில் எல்.பி.டபிள்யூ. முறையில் ஆட்டம் இழந்தார். நேற்றைய ஆட்ட நேரம் முடிவில் இங்கிலாந்து அணி, முதல் இன்னிங்சில் 80.3 ஓவர்களில் 4 விக்கெட் இழப்புக்கு 196 ரன்கள் எடுத்தது. மலனும், மொயீன் அலியும் களத்தில் இருந்தனர். 

2-ம் நாள் ஆட்டம் இன்று தொடங்கியது. மலன் 56 ரன்களும் மொயின் அலி 38 ரன்களிலும் ஆட்டமிழக்க, அடுத்து வந்தவர்கள் வரிசையாக நடையை கட்டினர். இதையடுத்து இங்கிலாந்து அணி 302 ரன்களுக்கு அனைத்து விக்கெட்டுகளையும் இழந்தது. ஆஸ்திரேலிய தரப்பில் ஸ்டார், கம்மின்ஸ் தலா 3 விக்கெட்டுகளை வீழ்த்தினர். லியான் 2 விக்கெட்டுகளையும் ஹசல்வுட் ஒரு விக்கெட்டும் எடுத்தனர். பின்னர் ஆஸ்திரேலிய அணி பேட்டிங்கை தொடங்கியது. பென்கிராப்டும் வார்னரும் தொடக்க ஆட்டக்காரர்களாக களமிறங்கினர். இங்கிலாந்தின் சிறப்பான பந்துவீச்சில் பென்கிராப்ட் 5 ரன்னின் அவுட்டாகி அதிர்ச்சி கொடுத்தார். வார்னர் 26 ரன், கவாஜா 11 ரன்களில் அவுட் ஆக, ஆஸ்திரேலிய தடுமாறி வருகிறது. அந்த அணியின் கேப்டன் ஸ்மித்தும், ஹெண்ட்ஸ்கோம்பும் ஆடி வருகின்றனர். 

Advertisement:
Advertisement:
Advertisement:
[X] Close