[X] Close
JUST IN
  • BREAKING-NEWS நீட் தேர்வை எதிர்கொள்ளும் வகையில் மொபைல் ஆப்-ஐ அறிமுகம் செய்ய உள்ளோம் - ஜி.வி.பிரகாஷ்
  • BREAKING-NEWS கரிகாலன் என்ற அடைமொழியுடன் 'காலா' படத்தை வெளியிட தடை விதிக்கக்கோரிய மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS பேராசிரியை நிர்மலா தேவியை காவலில் எடுத்து விசாரிக்க அனுமதி கோரி சாத்தூர் நீதிமன்றத்தில் சிபிசிஐடி மனுதாக்கல்
  • BREAKING-NEWS பேராசிரியை நிர்மலா தேவி விவகாரத்தில் விசாரணைக்கு உதவ 2 பெண் அதிகாரிகள் நியமனம் - விசாரணை அதிகாரி சந்தானம்
  • BREAKING-NEWS ஹெச். ராஜா மீது புகார் அளிக்கப்பட்டால் நடவடிக்கை எடுக்க சட்டத்தில் இடமுண்டு- அமைச்சர் ஜெயக்குமார்
  • BREAKING-NEWS பேராசிரியை நிர்மலாதேவி விவகாரம் தொடர்பாக விசாரிக்க சிபிசிஐடி சார்பில் 7 குழுக்கள் அமைப்பு
  • BREAKING-NEWS திரையரங்குகளில் ரூ.150க்கு மேல் டிக்கெட் விற்பனை செய்யப்படாது - விஷால்

38 வயசுல சச்சின் ஆடியபோது ஏதும் சொன்னீர்களா? தோனிக்கு ஆதரவாக கபில் வாய்ஸ்!

kapil-dev-support-ms-dhoni

’38 வயதில் உலகக் கோப்பையை வென்ற அணியில் சச்சின் டெண்டுல்கர் ஆடிய போது ஏதும் பேசாதவர்கள் இப்போது தோனிக்கு எதிராக ஏன் பேச வேண்டும்?’ என்று இந்திய கிரிக்கெட் அணியின் முன்னாள் கேப்டன் கபில்தேவ் கேட்டார்.

இந்திய கிரிக்கெட் அணியின் முன்னாள் கேப்டன் தோனி, டி20 போட்டிகளில் சரியாக ஆடவில்லை என்று கூறி அவருக்கு எதிராக முன்னாள் வீரர்கள் கருத்துக் கூறி வருகின்றனர். அகர்கர், லட்சுமண், ஆகாஷ் சோப்ரா போன்றோர், ’ஒரு நாள் கிரிக்கெட் போட்டியில் அவர் தொடரலாம், ஆனால் டி20 போட்டிகளில் மற்றவருக்கு அவர் வழிவிட வேண்டும்’ என்று தெரிவித்திருந்தனர். இந்நிலையில் தோனிக்கு, கேப்டன் விராத் கோலியும் பயிற்சியாளர் ரவி சாஸ்திரியும் ஆதரவு தெரிவித்து வருகின்றனர்.

இந்நிலையில் இந்திய கிரிக்கெட் அணியின் முன்னாள் கேப்டனும் 1983-ல் உலக கோப்பையை வென்ற இந்திய அணியின் கேப்டனுமான கபில்தேவ் கூறும்போது, ’ஏன் இதை பெரிய விஷயமாக பேசுகிறார்கள் என்று தெரியவில்லை. வீரர்களுக்கு திறமைதான் முக்கியம். வயது பிரச்னை இல்லை. உலகக் கோப்பையை வென்ற இந்திய அணியில் சச்சின் ஆடிய போது அவருக்கு வயது 38. அப்போது யாரும் கேள்வி கேட்காதபோது இப்போது ஏன் கேட்க வேண்டும்? தோனியை அணியில் இருந்து நீக்கச் சொல்கிறார்கள். அப்படி செய்தால் அவருக்கு சரியான மாற்று வீரராக யாரைச் சேர்ப்பீர்கள்? தோனியின் திறமை இந்திய அணிக்கு முக்கியம். ஹர்திக் பாண்ட்யா பற்றி கேட்கிறார்கள். பாண்ட்யாவிடம் திறமை இருக்கிறது. அவர் என்னைவிட சிறந்த வீரராக வருவார். அவர், அவரது இயல்பான ஆட்டத்தை தொடர வேண்டும்’ என்றார்.  

Advertisement:
Advertisement:
Advertisement:
[X] Close