[X] Close
JUST IN
  • BREAKING-NEWS வைகை அணையின் நீர்மட்டம் 69 அடியை எட்டியதால் மதுரை, திண்டுக்கல், சிவகங்கை, ராமநாதபுரம், தேனி மாவட்ட மக்களுக்கு 3ஆம் கட்ட வெள்ள அபாய எச்சரிக்கை
  • BREAKING-NEWS சென்னையில் பெட்ரோல் லிட்டருக்கு ரூ.84.96 காசுகளாகவும், டீசல் லிட்டருக்கு ரூ.79.51 காசுகளாகவும் விலை நிர்ணயம்
  • BREAKING-NEWS டென்மார்க் ஓபன் பேட்மிண்டன் தொடரின் இறுதிப்போட்டிக்கு முன்னேறினார் இந்தியாவின் சாய்னா நேவால்
  • BREAKING-NEWS நீர் மேலாண்மை குறித்து தமிழக அரசு எந்த சிந்தனையும் இல்லாமல் இருப்பது பேராபத்தை ஏற்படுத்தும்- டிடிவி தினகரன்
  • BREAKING-NEWS முதலமைச்சரை அவதூறாக பேசியதாக திண்டுக்கல் லியோனி மீது வழக்கு
  • BREAKING-NEWS குண்டர் சட்ட முறைகளை புதுவை அரசு கடைபிடிக்கவில்லை: உயர்நீதிமன்றம்
  • BREAKING-NEWS கேரளா: பம்பை, நிலக்கல், சன்னிதானம், இலவுங்கல் பகுதிகளில் மேலும் 3 நாட்களுக்கு 144 தடை உத்தரவு நீட்டிப்பு - பத்தினம்திட்டா காவல்துறை கோரிக்கையை ஏற்று ஆட்சியர் நூஹ் உத்தரவு

பாண்ட்யா பிடித்த அந்த கேட்ச்: சிலிர்க்கிறார் கோலி

rohit-and-shikhar-were-outstanding-virat-kohli

’நியூசிலாந்து வீரர் குப்தில் அடித்த பந்தை ஹர்திக் பாண்ட்யா பிடித்த கேட்ச், நான் பார்த்த வகையில் சிறந்தது’ என்று இந்திய கிரிக்கெட் அணியின் கேப்டன் விராத் கோலி கூறினார். 

நியூசிலாந்து கிரிக்கெட் அணி, இந்தியாவில் சுற்றுப்பயணம் செய்து விளையாடி வருகிறது. ஒரு நாள் கிரிக்கெட் தொடரை இந்திய அணி வென்றது. இந்த அணிகளுக்கு இடையே மூன்று டி20 போட்டிகள் நடக்க இருக்கிறது. முதல் டி20 போட்டி டெல்லி பெரோஷா கோட்லா மைதானத்தில் நேற்று நடந்தது. இதில் இந்திய அணி, வெற்றி பெற்றது. 

வெற்றிக்குப் பின் பேசிய கேப்டன் விராத் கோலி, ’இந்த விக்கெட் கடினமான ஒன்று. இருந்தும் ரோகித்தும் தவானும் சிறப்பாக விளையாடினர். அணியின் ஒட்டு மொத்த பங்களிப்பில் நாங்கள் வெற்றிபெற்றுள்ளோம். எங்கள் பந்துவீச்சும் பீல்டிங்கும் கூட சிறப்பாக இருந்தது. குப்தீலை, ஹர்திக் பாண்டியா பிடித்த கேட்ச், நான் பார்த்த வகையில் சிறந்தது. ஒரு நாள் போட்டிகளில் தவான் சிறந்த வீரர். டி20 போட்டியிலும் அவர் தன்னை மாற்றிக்கொண்டு சிறப்பாக விளையாடுகிறார். 20 ஓவர் போட்டியில் விக்கெட்டை வீழ்த்தி வெற்றி பெறுவது முக்கியம். அதற்கு ஏற்ற மாதிரிதான் வீரர்கள் தேர்வும் இருக்கும். பாண்ட்யாவை 6 வது வீரராகவும் அக்‌ஷர் படேலை 7 வது வீரராகவும் வைத்திருந்தது அப்படித்தான். இந்தப் போட்டியுடன் ஆசிஷ் நெஹ்ரா ஓய்வு பெற்றுள்ளார். அவர் சிறந்த வீரர். 19 வருடமாக அணியில் இருப்பது கடினமானதுதான்’ என்றார்.

நியூசிலாந்து கேப்டன் கேன் வில்லியம்சன் கூறும்போது, ‘அனைத்து வகையிலும் எங்கள் செயல்பாடு மோசமாக இருந்தது. இந்திய வீரர்கள் சிறப்பாக பந்துவீசினர். அடுத்தப் போட்டியில் சிறப்பாக செயல்படுவோம்’ என்றார். 

வீடியோ

Advertisement:
Advertisement:
Advertisement:
[X] Close