[X] Close
JUST IN
  • BREAKING-NEWS சுங்கச்சாவடி தாக்குதல், என்.எல்.சி முற்றுகை போராட்ட வழக்கில் வேல்முருகனுக்கு நிபந்தனை ஜாமீன்
  • BREAKING-NEWS தமிழ் உள்ளிட்ட மொழிகளில் மத்திய ஆசிரியர் தகுதித் தேர்வு எழுத அனுமதிக்கப்படும்- மத்திய அமைச்சர் ஜவடேகர்
  • BREAKING-NEWS ஜூலை 12 இல் எஸ்.வி.சேகர் ஆஜராகவில்லை என்றால் பிடிவாரண்ட் பிறப்பிக்கப்படும்- நெல்லை நீதிமன்றம்
  • BREAKING-NEWS ஜம்மு- காஷ்மீரின் பந்திப்போரா பகுதியில் பாதுகாப்புப் படையினரால் 4 பயங்கரவாதிகள் சுட்டுக்கொலை
  • BREAKING-NEWS பி.எட் 2 ஆண்டு பட்டப்படிப்புக்கு 21 ஆம் தேதி முதல் 30 ஆம் தேதி வரை விண்ணப்ப விநியோகம்
  • BREAKING-NEWS தருமபுரி: ஒகேனக்கல்லுக்கு நீர்வரத்து 30,000 கன அடியில் இருந்து 26,000 கன அடியாக குறைந்தது
  • BREAKING-NEWS வேலூர்: ஆம்பூர் சுற்றுவட்டாரப் பகுதிகளில் வீசிய சூறைக்காற்றில் சுமார் 5,000 வாழைகள் சாய்ந்தன

சிக்ஸர்களால் ஆஸ்திரேலியாவை களங்கடித்த ஹர்திக் பாண்ட்யா

hardik-pandya-falls-after-blitzkrieg-ms-dhoni-key-for-india

சிக்ஸர்களாக விளாசி ஆஸ்திரேலிய வீரர்களை இந்திய வீரர் ஹர்திக் பாண்ட்யா களங்கடித்தார்.

இந்தியா ஆஸ்திரேலியா அணிகள் இடையிலான முதலாவது ஒருநாள் போட்டி சென்னை சேப்பாக்கம் மைதானத்தில் நடைபெற்று வருகிறது. இலங்கைக்கு எதிரான ஒருநாள் தொடரை 5-0 என்ற கணக்கில் வென்றதால் இந்திய அணி மீது மிகுந்த எதிர்பார்ப்பு இருந்தது.

டாஸ் வென்ற இந்திய அணி கேப்டன் விராட் கோலி முதலில் பேட்டிங் செய்வதாக அறிவித்தார். முதலில் விளையாடி இந்திய அணி 11 ரன்களுக்குள் 3 விக்கெட்டுகளை இழந்து பரிதாபமான நிலைக்கு சென்றது. கோலி, மணிஷ் பாண்டே டக் அவுட் ஆனார்கள். இந்த இக்கட்டான நிலையில் நிலையில் இருந்து ரோகித் சர்மாவும், கேதர் ஜாதவும் ஜோடி சேர்ந்து சற்று மீட்டனர். 

இருப்பினும், 87 ரன்களை எட்டுவதற்குள் இந்திய அணி 5 விக்கெட்டுகளை இழந்தது. ரோகித், கேதர் அடுத்தடுத்து ஆட்டமிழந்தனர். இதனையடுத்து முன்னாள் கேப்டன் தோனி, ஹர்திக் பாண்ட்யா ஜோடி சேர்ந்தனர். தோனி நிதானமாக விளையாட, பாண்ட்யா சீராக ரன்களை சேர்த்தார். இருவரும் இணைந்து சுமார் 10 ஓவர்களுக்கு மேல் நிதானமாக விளையாடி ரன்களை சேர்த்தனர்.

பின்னர் தனது பொறுமையை கைவிட்ட ஹர்திக் பாண்ட்யா, ஆஸ்திரேலிய வீரர் ஜம்பா வீசிய 37-வது ஓவரை பதம் பார்த்தார். அந்த ஓவரில் 3 சிக்ஸர்கள், ஒரு பவுண்டரி விளாசினார். அதுவும் ஹாட்ரிக் சிக்ஸர். தொடர்ந்து அதிரடியாக சிக்ஸர்களும், பவுண்டரிகளுமாக பாண்ட்யா விளாசினார். இதனால் இந்திய அணியின் ரன்கள் மளமளவென உயர்ந்தது. ஆஸ்திரேலிய வீரர்களால் பாண்ட்யாவை கட்டுப்படுத்த முடியவில்லை. அவரது அதிரடிக்கு பின் 5 ஓவர்களில் 50 ரன்கள் எடுக்கப்பட்டது.

அதிரடியாக ஆட்டத்தின் போக்கையை மாற்றிய பாண்ட்யா 65 பந்துகளில் 83 ரன்கள் எடுத்தபோது ஜம்பா ஓவரிலேயே கேட்ச் ஆகி ஆட்டமிழந்தார். மொத்தம் 5 சிக்ஸர்கள், 5 பவுண்டர்கள் அடித்தார். பாண்ட்யாவின் அதிரடியான ஆட்டத்தால் இந்திய அணி எளிதில் 200 ரன்களை எட்டியது. பாண்ட்யா ஆட்டமிழந்தபோது இந்திய அணி 40.5 ஓவர்களில் 205 ரன்கள் எடுத்திருந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close