[X] Close
JUST IN
  • BREAKING-NEWS இ-சிகரெட் விற்பனை, உற்பத்தி, ஏற்றுமதி இறக்குமதிக்கு தடை - மத்திய அமைச்சரவைக் கூட்டத்தில் முடிவு
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு
  • BREAKING-NEWS சென்னை உள்பட மாநிலத்தின் பல்வேறு பகுதிகளில் இடிமின்னலுடன் கனமழை. வளிமண்டல மேலடுக்குச் சுழற்சி காரணமாக மழை நீடிக்கும் எனத் தகவல்

ஆஸி. வீரர்கள் சென்ற பஸ் மீது கல்வீசி தாக்குதல்!

police-investigate-after-stone-damages-ausi-cricket-team-bus

பங்களாதேஷில், ஆஸ்திரேலிய கிரிக்கெட் வீரர்கள் சென்ற பஸ்சில் கல்வீசி தாக்குதல் நடந்ததாகக் கூறப்படுகிறது.
 
ஆஸ்திரேலிய அணி 2015-ம் ஆண்டு பங்களாதேஷில் கிரிக்கெட் விளையாட ஒப்புக்கொண்டிருந்தது. ஆனால், பாதுகாப்பு பிரச்னையை காரணம் காட்டி அங்கு விளையாடுவதை தவிர்த்து வந்தது. பலத்த பாதுகாப்புக்கு, பங்களாதேஷ் உறுதியளித்ததை அடுத்து ஆஸ்திரேலிய அணி இப்போது அங்கு சென்று விளையாடி வருகிறது. 

இந்த அணிகள் மோதும் இரண்டாவது டெஸ்ட் போட்டி சிட்டாகாங்கில் நேற்று தொடங்கியது. முதல் நாள் ஆட்டம் முடிந்ததும் ஆஸ்திரேலிய வீரர்கள் தங்களுக்கு ஒதுக்கப்பட்ட சொகுசு பேரூந்தில் தங்கியிருக்கும் ஓட்டலுக்கு திரும்பினர். அப்போது பஸ்சில் ஒரு கல் வந்து விழுந்தது. இதில் ஜன்னல் கண்ணாடி நொறுங்கியது. ஆனால் யாருக்கும் காயமில்லை. இந்தச் சம்பவத்தை அடுத்து ஆஸ்திரேலிய கிரிக்கெட் அணிக்கு பாதுகாப்பு பலப்படுத்தப்பட்டுள்ளது.

இதுபற்றி ஆஸ்திரேலிய கிரிக்கெட் வாரியம், ‘வீரர்கள் சென்ற பஸ்சில் சிறிய கல் விழுந்து கண்ணாடி உடைந்துள்ளது. இதையடுத்து வீரர்களுக்கான பாதுகாப்பு பலப்படுத்தப்பட்டிருக்கிறது. பங்களாதேஷ் மேற்கொண்டுள்ள பாதுகாப்பு ஏற்பாடுகள் திருப்திகரமாக இருக்கிறது’ என்று கூறியுள்ளது. 

ஆஸ்திரேலிய வீரர்கள் சென்ற பஸ் செல்லும் வழியில் சாலை சீரமைப்பு பணிகள் நடந்துவருவதாகவும் அதில் இருந்து கல் ஏதாவது விழுந்திருக்கும் என்றும் கூறப்படுகிறது. 

Advertisement:
Advertisement:
Advertisement:
[X] Close