[X] Close
JUST IN
  • BREAKING-NEWS 100 கிலோ தங்கம், ரூ.160 கோடி பணம் பறிமுதல்; ஒப்பந்ததாரரின் வீட்டில் தொடரும் சோதனை
  • BREAKING-NEWS கர்நாடகாவின் கிருஷ்ணராஜ சாகர் அணையில் விநாடிக்கு 60 ஆயிரம் கன அடி உபரி நீர் திறப்பு
  • BREAKING-NEWS சத்தீஸ்கர்: பர்தாபூரில் நக்சலைட்டுகள் நடத்திய தாக்குதலில் 2 பி.எஸ்.எப் வீரர்கள் உயிரிழப்பு
  • BREAKING-NEWS நியூட்ரினோ திட்டத்தால் சுற்றுச்சூழலுக்கு பாதிப்பு ஏற்படாது- திட்ட இயக்குநர் விவேக் தத்தார்
  • BREAKING-NEWS நெல்லை: குற்றாலம் பிரதான அருவியில் வெள்ளப்பெருக்கால் சுற்றுலா பயணிகள் குளிக்கத்தடை
  • BREAKING-NEWS காங்கிரஸ் கட்சி மூன்றாவது கூட்டணிக்கு முயற்சிப்பதாக வதந்தி பரப்பப்படுகின்றது- புதுச்சேரி முதலமைச்சர் நாராயணசாமி
  • BREAKING-NEWS ஆதார் திட்டத்தினால் இந்தியாவிற்கு ரூ.90,000 கோடி மிச்சம்- இந்திய தனித்துவ அடையாள ஆணையத்தின் தலைவர் சத்யநாராயணா

விளையாட வேண்டாம்னா சொல்லுங்க: கோபமானார் கோலி!

kohli-denies-rumours

ஒரு நாள் போட்டியில் நான் விளையாட வில்லை என்று யார் சொன்னது? என்று கேள்வி எழுப்பினார் இந்திய கிரிக்கெட் அணி கேப்டன் விராத் கோலி.

இந்தியா - இலங்கை அணிகள் இடையிலான மூன்றாவது மற்றும் கடைசி டெஸ்ட் கிரிக்கெட் போட்டி பல்லெகலேயில் இன்று தொடங்குகிறது. ஏற்கனவே தொடரைக் கைப்பற்றி விட்ட இந்திய அணி, ஹாட்ரிக் வெற்றியைப் பதிவு செய்யும் முனைப்பில் உள்ளது. 

இந்தப் போட்டி பற்றி இந்திய கிரிக்கெட் அணியின் கேப்டன் விராத் கோலி கூறும்போது, ‘இலங்கை அணியுடனான டெஸ்ட் தொடரை கைப்பற்றி விட்டாலும் இன்றைய போட்டியில் எதையும் எளிதாக எடுத்துக்கொள்ள விரும்பவில்லை. மெத்தனம் காட்டமாட்டோம். அணியில் அதிக மாற்றங்கள் இருக்காது. தாக்கத்தை ஏற்படுத்தக்கூடிய ஒரு பவுலர் குல்தீப் யாதவ். எந்தச் சூழல் நிலையிலும் அவர் சிறப்பாக பந்துவீசுவார். சுழற் பந்துவீச்சுக்கு சாதகமில்லாத தர்மசாலா மைதானத்தில் அதை அவர் நிரூபித்து காட்டியிருக்கிறார். இந்த டெஸ்டில் அவர் களம் காண நல்ல வாய்ப்புள்ளது’ என்றார்.

அப்போது இலங்கை அணியுடனான ஒரு நாள் போட்டியில் விளையாடப் போவதில்லை என்று வந்த தகவல் பற்றி கேட்டபோது, ‘யார் இதை சொன்னது என்று தெரியவில்லை. எங்கிருந்து இப்படி வதந்தி கிளம்பி வருகிறது என்றும் தெரியவில்லை. நான் விளையாடுவது உங்களுக்கு பிடிக்கவில்லை என்றால் சொல்லிவிடுங்கள்’ என்றார் கோலி கோபமாக.
 

Advertisement:
Advertisement:
Advertisement:
[X] Close