[X] Close
JUST IN
  • BREAKING-NEWS புதிய 100 ரூபாய் நோட்டின் மாதிரியை வெளியிட்டது ஆர்பிஐ
  • BREAKING-NEWS பாஜக அரசுக்கு எதிரான நம்பிக்கையில்லா தீர்மானத்தை அதிமுக ஆதரிக்காது- முதலமைச்சர்
  • BREAKING-NEWS டெல்டா பாசனத்திற்காக மேட்டூர் அணையிலிருந்து தண்ணீர் திறந்தார் முதலமைச்சர் பழனிசாமி
  • BREAKING-NEWS பாஜக அரசுக்கு எதிரான நம்பிக்கையில்லா தீர்மானத்திற்கு தார்மீக அடிப்படையில் திமுக முழு ஆதரவு- ஸ்டாலின்
  • BREAKING-NEWS கோவை: ஆழியார் அணை முழு கொள்ளளவான 120 அடியை எட்ட உள்ளதால் வெள்ள அபாய எச்சரிக்கை
  • BREAKING-NEWS சத்தீஸ்கர்: தான்டேவாடா- பிஜாப்பூர் எல்லைப்பகுதியில் நடந்த என்கவுன்டரில் 7 மாவோயிஸ்ட் சுட்டுக்கொலை
  • BREAKING-NEWS பாரதிய ஜனதா கட்சியின் தேசிய செயற்குழு கூட்டம் ஆகஸ்ட் 18,19 ஆம் தேதி டெல்லியில் நடக்கிறது

தோனிதான் ஆல்டைம் பெஸ்ட் கேப்டன்.. ஆனால் விராத் கோலியாலும் சாதிக்க முடியும்.. ரவி சாஸ்திரி

dhoni-greatest-ever-india-captain-but-kohli-may-catch-up-ravi-shastri

இந்திய அணியின் சிறந்த கேப்டன் தோனிதான், ஆனால் அவரது சாதனைகளை தற்போதைய கேப்டன் விராத் கோலியால் சமன் செய்ய முடியும் என்று தாம் நம்புவதாக தலைமைப் பயிற்சியாளர் ரவி சாஸ்திரி கருத்து தெரிவித்துள்ளார். 

இதுதொடர்பாக பெங்காலி பத்திரிகை ஒன்றுக்கு அவர் அளித்துள்ள பேட்டியில், கேப்டனாக மகேந்திரசிங் தோனியுடன், விராத் கோலியை ஒப்பிடுவது தற்போதைய சூழலில் சரியாக இருக்காது. ஆனால் தோனியின் சாதனையை அவர் எட்டிப்பிடிப்பார் என்று தாம் நம்புவதாகத் தெரிவித்தார். கடந்த 35 ஆண்டுகளாக கிரிக்கெட் விளையாட்டுடன் தொடர்ந்து பயணித்து வருவதாகக் கூறிய அவர், சச்சினைத் தவிர்த்துவிட்டு பார்த்தால் சர்வதேச கிரிக்கெட்டில் விராத் கோலியைத் தவிர மற்றெந்த வீரரும் இவ்வளவு சாதனைகளைத் தகர்ப்பதைப் பார்த்ததில்லை என்றும் ரவிசாஸ்திரி கூறியுள்ளார். 

தோனியே இந்தியாவின் ஆல்டைம் பெஸ்ட் கேப்டன் என்று கூறிய ரவிசாஸ்திரி, உலகக் கோப்பை, டி20 உலகக் கோப்பை ஆகிய தொடர்களை தோனி வென்றெடுத்திருக்கிறார். அதுமட்டுமல்ல, மற்றொரு உலகக் கோப்பை டி20 போட்டியில் இறுதிப் போட்டிவரை அணியை கொண்டு சென்றிருக்கிறார். மேலும், இரண்டு உலகக் கோப்பை மற்றும் உலகக் கோப்பை டி20 அரையிறுதிப் போட்டி வரை தோனி தலைமையிலான இந்திய அணி முன்னேறியிருக்கிறது என்று தெரிவித்தார். இந்த தலைமுறையின் ஆகச் சிறந்த கேப்டனாக உருவெடுக்கும் அனைத்து திறமைகளும் விராத் கோலிக்கு இருப்பதாகவும் ரவி சாஸ்திரி தெரிவித்துள்ளார். இந்திய அணியின் இயக்குனராக கடந்த 2014 முதல் 2016ம் ஆண்டு வரை பதவி வகித்த ரவி சாஸ்திரி தோனி மற்றும் விராத் கோலி ஆகிய இருவருடனும் பயணித்துள்ளார். ஒராண்டு இடைவெளிக்குப் பின்னர் இந்திய அணியின் தலைமைப் பயிற்சியாளராக ரவி சாஸ்திரி பொறுப்பேற்றுள்ளார். அவர் பதவியேற்ற பின்னர் இந்திய அணி தற்போது இலங்கையில் சுற்றுப்பயணம் மேற்கொண்டு விளையாடி வருகிறது. 
 

Advertisement:
Advertisement:
Advertisement:
[X] Close