[X] Close
JUST IN
  • BREAKING-NEWS மணிப்பூர் மாநிலத்தில் இந்தியா- மியான்மர் எல்லைப் பகுதியில் நிலநடுக்கம்- ரிக்டா அளவில் 4 ஆக பதிவு
  • BREAKING-NEWS யோகா பயிற்சியால் மன அமைதியை பெற முடியும், எதிர்காலத்தை கட்டமைக்க முடியும்- பிரதமர் நரேந்திர மோடி
  • BREAKING-NEWS வேதாரண்யம் பகுதியில் கடல்சீற்றம் காரணமாக 2 ஆவது நாளாக மீனவர்கள் மீன்பிடிக்க செல்லவில்லை
  • BREAKING-NEWS யோகா அரசியலோ, மதம் சார்ந்த ஒன்றோ அல்ல; யோகா மக்கள் இயக்கமாக வேண்டும்- வெங்கையா நாயுடு
  • BREAKING-NEWS டெல்லியில் காங்கிரஸ் தலைவர் ராகுல் காந்தியுடன் மக்கள் நீதி மய்யம் கட்சித் தலைவர் கமல்ஹாசன் சந்திப்பு
  • BREAKING-NEWS ஹாக்கியை தேசிய விளையாட்டாக அரசிதழில் வெளியிட வேண்டும் - ஒடிஷா முதல்வர் நவீன் பட்நாயக் பிரதமருக்கு கடிதம்
  • BREAKING-NEWS போராடினாலே கைது என்பதை ஏற்றுக்கொள்ள முடியாது - கமல் ஹாசன்

இலங்கை அணிக்கெதிரான டெஸ்ட்.. ஜிம்பாப்வே அணி 262 ரன்கள் முன்னிலை

zimbabwe-leads-262-runs-one-off-test-against-sri-lanka

இலங்கை அணிக்கெதிரான டெஸ்ட் போட்டியின் மூன்றாம் நாள் ஆட்டநேர முடிவில் ஜிம்பாப்வே அணி 262 ரன்கள் முன்னிலை பெற்றுள்ளது. 

கொழும்புவில் நடந்துவரும் இந்த போட்டியில் ஜிம்பாப்வே அணி முதல் இன்னிங்ஸில் 356 ரன்களும், இலங்கை அணி 346 ரன்களும் எடுத்தன. இதையடுத்து 10 ரன்கள் முன்னிலையுடன் இரண்டாவது இன்னிங்ஸைத் தொடங்கிய ஜிம்பாப்வே அணி 23 ரன்களுக்கு 4 விக்கெட்டுகளை இழந்து தடுமாறியது. இதையடுத்து சீன் வில்லியம்ஸுடன் கைகோர்த்த சிக்கந்தர் ராசா அணியை சரிவிலிருந்து மீட்க முயற்சி செய்தார். சீன் வில்லியம்ஸ் 22 ரன்களில் வெளியேற 59 ரன்களுக்கு 5 விக்கெட்டுகளை இழந்து ஜிம்பாப்வே அணி தடுமாறியது.

இந்தநிலையில், 6ஆவது விக்கெட்டுக்கு ஜோடி சேர்ந்த சிக்கந்தர் ராசா - பீட்டர் மோர் இணை 84 ரன்கள் குவித்தது. பீட்டர் மோர் 40 ரன்கள் எடுத்து ஆட்டமிழந்தார். இதனால் ஜிம்பாப்வே அணி 200 ரன்களை எட்டுவதே கடினம் என்று கணிக்கப்பட்ட நிலையில், சிக்கந்தர் ராசாவுடன் இணைந்து சிறப்பான ஆட்டத்தை வெளிப்படுத்திய மால்கம் வாலெர் மூன்றாம் நாள் இறுதிவரை விக்கெட் விழாமல் பார்த்துக் கொண்டனர். மூன்றாம் நாள் முடிவில் ஜிம்பாப்வே அணி 6 விக்கெட் இழப்புக்கு 252 ரன்கள் எடுத்தது. சிக்கந்தர் ராசா 97 ரன்களுடனும், மால்கம் வாலெர் 57 ரன்களுடனும் களத்தில் உள்ளனர். இதன்மூலம் இலங்கை அணியின் முதல் இன்னிங்ஸ் ஸ்கோரை விட ஜிம்பாப்வே அணி 262 ரன்கள் முன்னிலை பெற்றுள்ளது. ஒருநாள் தொடரை இழந்தநிலையில், ஒரு போட்டி மட்டுமே கொண்ட டெஸ்ட் தொடரைக் கைப்பற்றும் முனைப்பில் இலங்கை அணி விளையாடி வருகிறது.  

Advertisement:
இது தொடர்பான செய்திகள் :
Advertisement:
Advertisement:
[X] Close