[X] Close
JUST IN
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்
  • BREAKING-NEWS அடுத்த 2 நாட்களுக்கு திருவள்ளூர், வேலூர், தி.மலை, சென்னை, காஞ்சிபுரம், கடலூர், விழுப்புரம், திருச்சி உள்ளிட்ட இடங்களில் வெப்ப அலை வீச வாய்ப்பு- வானிலை ஆய்வு மையம்

விளாசினார் ரெய்னா: வீழ்ந்தது கொல்கத்தா

raina-performed-well-in-ipl-against-kolkatta

ஐபிஎல் கிரிக்கெட்டில் கொல்கத்தா அணிக்கு எதிரான போட்டியில் குஜராத் அணி வெற்றிபெற்றது.

கொல்கத்தா ஈடன்கார்டன் மைதானத்தில் நேற்று தொடங்கிய போட்டியில் டாஸ் ஜெயித்த குஜராத் கேப்டன் சுரேஷ் ரெய்னா முதலில் பந்து வீச்சைத் தேர்வுசெய்தார். இதையடுத்து கவுதம் கம்பீரும், சுனில் நரேனும் கொல்கத்தாவின் தொடக்க ஆட்டக்காரர்களாக களமிறங்கினர். சுழல் மன்னன் சுனில் பேட்டிங்கிலும் சுற்றிச் சுழன்றார். பிரவீன்குமார் வீசிய முதல் ஓவரிலேயே மூன்று பவுண்டரிகளை விளாசிய சுனில், பால்க்னெரின் அடுத்த ஓவரில் 4 பவுண்டரிகளை விளாசி, ரசிகர்களை குஷிபடுத்தினார். 4-வது ஓவரை சுரேஷ் ரெய்னா வீச, சுனில் கேட்ச் ஆனார். அவர் 42 ரன்கள் (17 பந்து, 9 பவுண்டரி, ஒரு சிக்சர்) எடுத்தார். அடுத்து ராபின் உத்தப்பா வந்தார். கேப்டன் கவுதம் கம்பீர் 33 ரன்கள் (28 பந்து, 2 பவுண்டரி, ஒரு சிக்சர்) எடுத்து பெவிலியன் திரும்ப, உத்தப்பாவுடன், மனிஷ் பாண்டே இணைந்தார். உத்தப்பா 72 ரன்கள் (48 பந்து, 8 பவுண்டரி, 2 சிக்சர்) விளாசி ஆட்டம் இழந்தார். நிர்ணயிக்கப்பட்ட 20 ஓவர்களில் கொல்கத்தா 5 விக்கெட் இழப்புக்கு 187 ரன்கள் குவித்தது.

பின்னர் குஜராத் அணி விளையாடியது. ஆரோன் பிஞ்ச் 31 ரன் (15 பந்து, 4 பவுண்டரி, 2 சிக்சர்) பிரன்டன் மெக்கல்லம் 33 ரன் (17 பந்து, 6 பவுண்டரி, ஒரு சிக்சர்) எடுத்து ஆவுட் ஆகினர். அடுத்து ரெய்னா களமிறங்கி ரன் மழை பொழிந்தார். அவர் 46 பந்துகளில் 4 சிக்சர், 9 பவுண்டரிகளை விளாசி, 84 ரன்கள் எடுத்து ஆட்டமிழந்தார். அடுத்த வந்தவர்களில் ஜடேஜா மட்டுமே 19 ரன்கள் எடுத்தார். மற்றவர்கள் ஒற்றை இலக்க ரன்களில் திருப்திப்பட்டு நடையை கட்டினர். இருந்தாலும் 18.2 ஓவர்களில் 188 ரன்கள் எடுத்து குஜராத் அணி வெற்றிப்பெற்றது. குஜராத் கேப்டன் சுரேஷ் ரெய்னா ஆட்டநாயகன் விருது பெற்றார்.

Advertisement:
இது தொடர்பான செய்திகள் :
Related Tags : Ipl raina gujarat kolkattagujarat ipl kolkatta raina
Advertisement:
Advertisement:
[X] Close