[X] Close
JUST IN
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி

சுரேஷ் ரெய்னா இல்லாத இந்திய அணியா?

tough-for-suresh-raina-to-return-to-indian-cricket-team

இந்திய கிரிக்கெட் வாரியம் புதிதாக அறிவித்துள்ள ஒப்பந்தப் பட்டியலில் சுரேஷ் ரெய்னாவின் பெயர் இல்லாததால், அவர் அணியில் இனி இடம்பிடிப்பதற்கான வாய்ப்புகள் குறைவு என்று கூறப்படுகிறது.

பேட்டிங் மற்றும் ஃபீல்டிங், பகுதி நேர ஸ்பின்னராகப் பயன்படுவது போன்றவற்றால் இந்திய கிரிக்கெட் அணியில் நிரந்தர இடத்தைப் பிடித்திருந்தார் சுரேஷ் ரெய்னா. மகேந்திர சிங் தோனி கேப்டனாக இருந்தபோது இந்திய அணியின் 6வது அல்லது 7வது வீரராக களம் இறங்கி அசத்தலான ஆட்டத்தை வெளிப்படுத்தி பல முறை இந்திய அணியை வெற்றியடைய வைத்தவர் இவர். மேலும், ஐபிஎலில் சென்னை சூப்பர் கிங்ஸ் அணியின், நிரந்தர 3வது வீரராக இருந்தவர். சென்னை அணிக்கு பல போட்டிகளை வெல்ல காரணமாக இருந்த ரெய்னா, சென்னையின் செல்ல பிள்ளை. தற்போது அவர் கிரிக்கெட் விளையாடுவதை குறைத்துள்ளது, சென்னை ரசிகர்கள் மத்தியில் ஏமாற்றத்தை ஏற்படுத்தியுள்ளது.

2015-ல் திருமணம் செய்து கொண்ட ரெய்னா, அதன் பிறகு கிரிக்கெட் போட்டிகளில் அதிக கவனம் செலுத்தவில்லை என்று கூறுகிறார் உத்தரப் பிரதேச அணியின் முன்னாள் ரஞ்சி கோப்பைக்கான பயிற்சியாளர் ஒருவர். உத்திரப் பிரதேச அணிக்காக, ரஞ்சி கோப்பையில் மூன்று போட்டிகளில் மட்டுமே பங்கேற்றார். விஜய் ஹசாரே கோப்பை போட்டிகளில் பங்கேற்கவில்லை. இதனால் சமீபத்தில் அறிவிக்கப்பட்ட தியோதர் கோப்பைக்கான அணிகளிலும் அவர் பெயர் இடம் பெறவில்லை. பல இளம் வீரர்கள் இந்திய அணியில் இடம்பெற கடுமையாக உழைத்து வருவதால், ரெய்னா இந்திய அணியில் இடம்பிடிப்பது மிக கடினம் எனவும் அவர் கூறியுள்ளார்.

ஆனால் ஐபிஎல் தொடரில், குஜராத் லயன்ஸ் கேப்டனாக இருக்கும் ரெய்னா போட்டிகளில் சிறப்பாக விளையாடும் பட்சத்தில் அவர் இந்திய அணிக்கு திரும்ப வாய்ப்புள்ளது.

Advertisement:
Advertisement:
Advertisement:
[X] Close