[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

சர்வதேச டெஸ்ட் கிரிக்கெட் தரவரிசை....இந்தியா ஆதிக்கம்

india-dominated-in-icc-test-rankings

சர்வதேச டெஸ்ட் கிரிக்கெட் தரவரிசையில் பந்துவீச்சாளர்கள் மற்றும் ஆல்ரவுண்டர்களுக்கான தரநிலையில் இந்திய வீரர் ரவிச்சந்திரன் அஸ்வின்
முதலிடம் பிடித்துள்ளார்.

இந்தியா-நியூசிலாந்து அணிகள் இடையிலான மூன்று போட்டிகள் கொண்ட டெஸ்ட் தொடர் முடிவடைந்தபின்னர் சர்வதேச டெஸ்ட் கிரிக்கெட் தரவரிசையினை ஐசிசி வெளியிட்டுள்ளது. இதில், 115 புள்ளிகளுடன் பாகிஸ்தானை பின்னுக்குத் தள்ளி இந்திய அணி முதலிடம் பிடித்துள்ளது. பாகிஸ்தான் அணி 111 புள்ளிகளுடன் 2ஆவது இடமும், 108 புள்ளிகளுடன் ஆஸ்திரேலியா அணி 3ஆவது இடம் பிடித்துள்ளது.

இதேபோல, பந்துவீச்சாளர்களுக்கான டெஸ்ட் தரவரிசைப் பட்டியலில் 900 புள்ளிகளுடன் இந்திய வீரர் ரவிச்சந்திரன் அஸ்வின் முதலிடம் பிடித்துள்ளார். மூன்றாவது இடம் பிடித்திருந்த அவர் நியூசிலாந்து தொடரில் 27 விக்கெட்டுகள் வீழ்த்தியதன் மூலம் மீண்டும் முதலிடம் பிடித்துள்ளார். இந்த பட்டியலில் தென்னாப்பிரிக்காவின் டேல் ஸ்டெயின் 2ஆவது இடமும், இங்கிலாந்தின் ஜேம்ஸ் ஆண்டர்சன் 3ஆவது இடமும் பிடித்துள்ளனர். மற்றொரு இந்திய வீரரான ரவீந்திர ஜடேஜா ஒரு இடம் சறுக்கி 7ஆவது இடம் பிடித்துள்ளார்.

பேட்ஸ்மேன்களுக்கான தரவரிசையில் ஆஸ்திரேலிய அணியின் கேப்டன் ஸ்டீவன் ஸ்மித் முதலிடமும், இங்கிலாந்தின் ஜோ ரூட் 2ஆவது இடமும்
பிடித்துள்ளனர். இந்திய வீரர்களைப் பொறுத்தவரை அஜிங்கியா ரஹானே 5 இடங்கள் முன்னேறி 6ஆவது இடமும், விராத் கோலி 4 இடங்கள்
முன்னேறி16ஆவது இடத்திலும் இருக்கின்றனர்.

ஆல்ரவுண்டர்களுக்கான தரவரிசைப் பட்டியலில் இந்திய வீரர் அஸ்வின் முதலிடத்திலும், ரவீந்திர ஜடேஜா 3ஆவது இடத்திலும் இருக்கின்றனர். வங்கதேசத்தைச் சேர்ந்த ஷகிப் அல் ஹசன் 2ஆவது இடத்தில் நீடிக்கிறார்.

Advertisement:
இது தொடர்பான செய்திகள் :
Advertisement:
Advertisement:
[X] Close