[X] Close
JUST IN
  • BREAKING-NEWS 4 தொகுதி இடைத்தேர்தலில் அமமுக வேட்பாளர்களுக்கு பரிசுப் பெட்டகம் சின்னம் ஒதுக்கியது தேர்தல் ஆணையம்
  • BREAKING-NEWS ஆபாச வீடியோக்கள், சமூக சீர்கேடு வீடியோக்களை பதிவிறக்கம் செய்யக்கூடாது என்ற நிபந்தனையோடு டிக் டாக் செயலி மீதான தடை நீக்கம் - உயர்நீதிமன்ற மதுரைக்கிளை
  • BREAKING-NEWS மு.க.அழகிரி மகன் தயாநிதிக்கு சொந்தமான ரூ.40 கோடி மதிப்புள்ள சொத்துகள் அமலாக்கத்துறையால் முடக்கம்; மதுரை கீழவளவில் கிரானைட் சுரங்க முறைகேட்டில் ஈடுபட்டதாக தயாநிதி உள்ளிட்டோர் மீது குற்றச்சாட்டு
  • BREAKING-NEWS ஓபிஎஸ் - ஈபிஎஸ்க்கு இரட்டை இலை சின்னம் வழங்கியதற்கு எதிராக உச்சநீதிமன்றத்தில் சசிகலா தரப்பில் சீராய்வு மனு
  • BREAKING-NEWS சென்னையில் பெட்ரோல் லிட்டருக்கு ரூ. 75.71 காசுகளாகவும், டீசல் லிட்டருக்கு ரூ. 70.17 காசுகளாகவும் விலை நிர்ணயம்

அக்டோபர் 15-ஆம் தேதி பிசிசிஐ பொதுக்குழு: லோதா குழு பரிந்துரை குறித்து ஆலோசிக்க திட்டம்

bcci-calls-for-sgm-on-october-15

இந்திய கிரிக்கெட் கட்டுப்பாட்டு வாரியத்தின் சிறப்பு பொதுக்குழு டெல்லியில் வரும் 15-ஆம் தேதி கூடுகிறது.

ஐபிஎல் கிரிக்கெட் சூதாட்ட வழக்கின் ஒருபகுதியாக பிசிசிஐயை சீரமைப்பதற்காக உச்சநீதிமன்ற முன்னாள் தலைமை நீதிபதி ஆர்.எம்.லோதா தலைமையிலான குழுவை உச்ச நீதிமன்றம் அமைத்தது. இந்தக் குழு பல்வேறு பரிந்துரைகளை பிசிசிஐ-க்கு வழங்கியுள்ளது.

கடந்த மாதம் இறுதியில் நடந்த பிசிசிஐ கூட்டத்தில், மாநிலத்திற்கு ஒரு வாக்குரிமை, 70 வயதிற்கு மேற்பட்டோர் நிர்வாகத்தில் பொறுப்பு வகிக்கத்தடை என்பன உள்ளிட்ட லோதா குழுவின் பரிந்துரைகளைத் தவிர்த்து, மற்ற பரிந்துரைகளை படிப்படியாக அமல்படுத்துவது என தீர்மானிக்கப்பட்டது.

ஆனால் இந்திய கிரிக்கெட்டில் சீர்திருத்தம் செய்வது தொடர்பான லோதா குழுவின் பரிந்துரைகளை நிபந்தனையின்றி பிசிசிஐ ஏற்குமாறும், அதுவரை மாநில கிரிக்கெட் சங்கங்களுக்கு நிதி வ‌ழங்கக்கூடாது என உச்சநீதிமன்றம் அண்மையில் உத்தரவு பிறப்பித்தது. இந்த வழக்கில் வரும் 17-ஆம் தேதி உச்சநீதிமன்றம் இறுதிஉத்தரவு பிறப்பிக்கும் என எதிர்பார்க்கப்படுகிறது.

இந்த நிலையில், லோதா குழுவின் பரிந்துரை தொடர்பான விவகாரத்தில் முக்கிய முடிவு எடுப்பதற்காக பிசிசிஐ சிறப்பு பொதுக்குழு வரும் 15-ஆம் தேதி கூடுகிறது. நிர்வாக சீர்திருத்தம் தொடர்பான லோதா கமிட்டியின் பரிந்துரைகளை அமல்படுத்த உச்சநீதிமன்றம் பிறப்பித்த இடைக்கால உத்தரவு குறித்து இந்தக்கூட்டத்தில் முக்கிய ஆலோசனை நடத்தப்படும் எனத் தெரிகிறது.

Advertisement:
Advertisement:
Advertisement:
[X] Close