[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.66 காசுகளாகவும், டீசல் லிட்டருக்கு ரூ.75.63 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது
  • BREAKING-NEWS கஜா புயலால் தமிழகம் முழுவதும் உயிரிழந்தோர் எண்ணிக்கை மதியம் 2 மணி நிலவரப்படி 40ஆக அதிகரிப்பு
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது

தமிழகத்தில் மாற்றுத்திறனாளிகளுக்கான சக்கர நாற்காலி கூடைப்பந்து போட்டி

erode-physically-challenged-person-basketball-competition

தமிழகத்தில் முதல்முறையாக ஈரோட்டில் மாற்றுதிறனாளிகள் பங்கேற்ற சற்கர நாற்காலி கூடைபந்து போட்டிகள் நடைபெற்றன. இதில் பங்கேற்ற மாற்றுத்திறனாளி வீரர்,வீராங்கனைகள் தங்களுக்கான அடிப்படை தேவைகளை பூர்த்தி செய்து கொடுத்தால் பாராலிம்பிக்கில் தங்கம் வெல்லக் காத்திருப்பதாக நம்பிக்கை தெரிவித்தனர்.

சீறிப்பாயும் சக்கர நாற்காலிகள்.பந்தை விரட்டிப்பிடிக்கும் கரங்கள்.கூடைகளை மட்டுமே நோக்கிய கண்கள். மாற்றுத்திறனாளிகள் என்றால் வீட்டிற்கு சுமையாக முடங்கி கிடப்பவர்கள் அல்ல.விண்ணை முட்ட சாதிக்கத் துடிப்பவர்கள் என்பதை கண்முன் காட்டுகிறது இந்த மாற்றுத்திறனாளி வீரர் வீராங்கனைகளின் கூடைப்பந்து மீதான ஆர்வமும் தன்னம்பிக்கையும்.உடலில் உள்ள ஊனம் உள்ளத்தில் இல்லை என்பதால் தான் இது போன்று தங்களால் விளையாட முடிவதாக பெருமிதத்துடன் கூறுகின்றனர் இவர்கள்.

என்ன தான் ஆர்வமும் தன்னம்பிக்கையும் வேரோடி இருந்தாலும் உலக அரங்கில் சாதிக்க துடிக்கும் தங்களுக்கு போதுமான பொருளாதார வசதிகள் இல்லை என்பதே இவர்களின் ஒருமித்த குரலாக ஒலிக்கிறது. மத்திய அரசும், மாநில அரசும் உதவிக்கரம் நீட்டினால் பன்னாட்டு வாய்ப்புகளை வசப்படுத்தி இந்தியாவை பாராலிம்பிக் பதக்கப் பட்டியலில் பங்கெடுக்க வைப்போம் என்றும் உறுதியளிக்கின்றனர்.

ஈரோட்டில் நடைபெற்ற மாற்றுத்திறனாளிகளுக்கான சக்கர நாற்காலி போட்டிதான் தமிழ்நாட்டில் நடத்தப்படும் முதலாவது போட்டி என்ற வகையில் பெருமைப்படும் நேரத்தில் போதுமான அளவிற்கு இதை யாரும்‌ ஊக்குவிப்பத்தில்லை என்ற குற்றச்சாட்டும் முன்நிற்கிறது.போதிய வசதிகளை ஏற்படுத்தி அரசும், அரசு சாரா அமைப்புகளும் உதவ முன்வரும் பட்சத்தில் பல மாரியப்பன்களை உருவாக்க தமிழகம் தயாராகும் என்கிறார் மாற்றுத்திறனாளிகள் சக்கர நாற்காலி கூடைப்பந்து சங்கத்தின் ஆலோசகர்.

Advertisement:
இது தொடர்பான செய்திகள் :
Advertisement:
Advertisement:
[X] Close