[X] Close
JUST IN
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.
  • BREAKING-NEWS திருச்சி லலிதா ஜூவல்லரி நகைக் கொள்ளை வழக்கில் மேலும் 6 கிலோ நகை சிக்கியது
  • BREAKING-NEWS அயோத்தியில் டிசம்பர் 10-ஆம் தேதி வரை 144 தடை உத்தரவு

கோலிவுட்டில் பரவும் ’கார்த்தி’ சென்டிமென்ட்!

karthi-sentiment-in-kollywood

சென்டிமென்ட்களால் நிறைந்தது கோலிவுட். பூஜைக்கு பூ வாங்குவதில் இருந்து பூசணிக்காய் உடைப்பது வரை எல்லாவற்றிலும் உண்டு ஏகப்பட்ட சென்டிமென்ட். பட டைட்டிலை கூட நெகட்டிவாக வைக்கமாட்டார்கள். பிச்சைக்காரன்,
சைக்கோ, எமன் என்று பெயர் வைத்ததெல்லாம் சமீபகால புரட்சிதான். இப்படி சில இயக்குனர்கள் சென்டிமென்ட்டை உடைத்தாலும் சினிமாவில் இருந்து முழுவதுமாக  அதை நீக்கிவிட முடியாது என்கிறார்கள் இயக்குனர்கள்.

சமீபத்தில் இயக்குனர்கள் மற்றும் உதவி இயக்குனர்கள் மத்தியில் பரபரப்பாகப் பேசப்பட்டு வருகிறது, ஒரு சின்சியர் சென்டிமென்ட். அதற்கு ’கார்த்தி சென்டிமென்ட்’ என்று பெயரும் வைத்துவிட்டார்கள்.

அதாவது, அவர் நடிக்கும் படத்தை இயக்கினால், அடுத்தப் படத்திலேயே பெரிய ஹீரோக்களின் படத்தை இயக்க வாய்ப்பு கிடைக்கும் என்பதுதான் அந்த சென்டிமென்ட்! இதற்கு ஆதாரமாக ஒரு லிஸ்ட்டையும் புரட்டி எடுத்து நீட்டுகிறார்கள்.

’வெண்ணிலா கபடி குழு’ படத்துக்கு பிறகு சுசீந்திரன் இயக்கிய படம், ‘நான் மகான் அல்ல’. கார்த்தி நடித்திருந்தார். இந்தப் படம் முடிந்ததுமே அடுத்து விக்ரம் நடித்த ’ராஜபாட்டை’யை இயக்கினார். ஒளிப்பதிவாளர் சிவா, தெலுங்கு படங்களை இயக்கிவிட்டு கார்த்தியின் ’சிறுத்தை’ மூலம் தமிழில் டைரக்டர் ஆனார். அடுத்தப் படத்திலேயே அஜீத்தின் ’வீரம்’ வாய்ப்பு. பிறகு அஜீத்-சிவா காம்பினேஷன் ’விஸ்வாசம்’ வரைத் தொடர்ந்தது. 

பா.ரஞ்சித், கார்த்தியின் ’மெட்ராஸ்’ படத்தை இயக்கினார். அடுத்து ரஜினியின் ’கபாலி’ வாய்ப்புக் கிடைத்தது. ’தீரன் அதிகாரம் ஒன்று’ படத்தை இயக்கிய ஹெச்.வினோத், அடுத்து அஜீத்தின் ‘நேர்கொண்ட பார்வை’ படத்தை இயக்கினார். இப்போதும் அஜீத் படத்தை இயக்க இருக்கிறார். கார்த்தியின் ’கைதி’ படத்தை இயக்கியுள்ள ’மாநகரம்’ லோகேஷ் கனகராஜ், அடுத்து விஜய் நடிக்கும் படத்தை இயக்க இருக்கிறார்.

’இப்ப சொல்லுங்க... இந்த சென்டிமென்ட் சரிதான?’ என்று கேட்கிறார்கள். 

கார்த்தியின் அடுத்த படத்தை ’ரெமோ’ பாக்யராஜ் கண்ணன் இயக்குகிறார். இவரும் அடுத்து பெரிய ஹீரோ ஒருவரது படத்தை இயக்குவார் என்று அடித்துச் சொல்கிறார்கள்.

எப்படிலாம் யோசிக்கிறாய்ங்க...?
 

Advertisement:
Advertisement:
Advertisement:
[X] Close