[X] Close
JUST IN
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்
  • BREAKING-NEWS புதிய தலைமைச் செயலக வழக்கை லஞ்ச ஒழிப்புத்துறைக்கு மாற்றிய அரசாணை ரத்து - உயர்நீதிமன்றம்
  • BREAKING-NEWS சென்னையில் பெட்ரோல் விலை லிட்டருக்கு 12 காசுகள் உயர்ந்து ரூ.72.94க்கு விற்பனை செய்யப்படுகிறது
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்

என்ன சொல்கிறது ரஜினியின் 2.0.. விமர்சனம்..!

rajinikanth-2-0-review

மனித வாழ்வியலின் அங்கமாகிப் போன செல்போன்கள் மனிதர்களுக்கு எதிராக திரும்பினால் என்னாகும், அவ்வாறு நடக்கக் காரணம் என்ன என்பதை தனக்கே உரிய பாணியில் இயக்குநர் ஷங்கர் பிரமாண்டத்துக்கு துளியும் பஞ்சம் வைக்காமல் உருவாகியிருக்கும் திரைப்படம் 2.0.

திடீரென மக்களின் எல்லா செல்போன்களும் காற்றில் பறக்க என்ன செய்வதென தவிக்கிறது அரசாங்கம். வேறு வழியில்லை சிட்டியால் தான் இந்த ஆபத்திலிருந்து காக்க முடியும் என வசீகரன் சொல்ல, முதல்பாகமான எந்திரனில் பிரித்து மியூசியத்தில் வைத்த ரோபோ சிட்டியை உயிர்பிக்கிறார். அதன்பிறகு, செல்போன்கள் பறக்க காரணம் என்ன, அக்சய்குமாரின் பிளாஷ்பேக் போன்றவற்றை கண்டறிந்து மக்களை காக்கும் கதையே 2.0

ரஜினிகாந்த் வசீகரன், சிட்டி, 2.0 என எல்லா தோற்றங்களிலும் பொலிவுடன் தோன்றி ரசிக்க வைக்கிறார். அதோடு, இன்னுமொரு ஸ்பெஷல் தோற்றம் ரஜினி ரசிகர்களுக்கு சர்ப்ரைஸ். அக்சய்குமார் பறவைகளின் காதலராக, கொடூர பறவையாக ஆச்சர்யப்படுத்துகிறார். எமி ஜாக்சனுக்கு ரஜினியுடன் இருக்கும் ஒரு ரோபோ கதாப்பாத்திரம்.

2.0 படத்தின் நாயகன் VFX. உலகின் முக்கியமான ஸ்டூடியோக்களில் 3000 கலைஞர்களால் உருவாக்கப்பட்ட அந்தக் காட்சிகள் ஒவ்வொன்றும் 3டியில் பிரமிக்க வைக்கின்றன. அந்தவகையில் VFX மேற்பார்வையில் சீனிவாசனின் பணி மகத்தானது. ஒரு திரைப்படத்திற்காக கிட்டத்தட்ட 4 ஆண்டுகள், கற்பனையை காட்சிகளாக்கிய துல்லியம் என இயக்குநர் ஷங்கரின் உழைப்பு வியக்கத்தக்கது.

மேலும், ஏ.ஆர்.ரகுமான் பின்னணி இசை படத்தோடு ஒன்ற வைக்கிறது. ஆண்டனியின் எடிட்டிங், நிரவ்ஷா ஒளிப்பதிவு பலம். வழக்கமான ரஜினி படங்களில் இருக்கும் அம்சங்கள் முதல் பாதியில் குறைவாக இருக்கின்றன. அதனால், ரசிகர்கள் ஆர்ப்பாட்டமின்றி படம் பார்க்கிறார்கள். அதனையே இரண்டாம் பாதியில் ஆக்சன், அதிரடி என சமன் செய்து விடுகிறார் இயக்குநர் ஷங்கர். அது எல்லாவற்றையும் தாண்டி எண்ணற்ற உயிர்கள் வாழும் இந்த உலகம் மனிதர்களுக்கானது  மட்டுமேயல்ல எனும் அன்பை 550 கோடி ரூபாய் செலவில் தூவிய விதத்தில் ரசிக்க வைக்கிறது 2.0.

Advertisement:
Advertisement:
Advertisement:
[X] Close