[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை
  • BREAKING-NEWS தீபாவளி அன்று தமிழகத்தில் பட்டாசு வெடிக்க காலை ஒரு மணி நேரம், மாலை ஒரு மணி நேரம் அரசு அனுமதி
  • BREAKING-NEWS பிசிசிஐ தலைவராக பொறுப்பேற்றுக் கொண்டார் சவுரவ் கங்குலி
  • BREAKING-NEWS ஐஎன்எக்ஸ் மீடியா விவகாரம்: அமலாக்கத்துறை தொடர்ந்த வழக்கில் ஜாமீன் கேட்டு ப.சிதம்பரம் மனு

'என்னாது 10 விக்கெட் எடுப்பியா' வாய்விட்ட பாக்.வீரரை வறுத்தெடுத்த மீம்ஸ்கள்

pakistan-fast-bowler-trolled-after-teams-defeat-with-india-for-his-earlier-comment-before-the-match

6 நாடுகள் பங்கேற்கும் ஆசிய கோப்பை 2018 கிரிக்கெட் போட்டிகள் துபாயில் நடைபெற்று வருகிறது. இதில் இந்தியா, பாகிஸ்தான், இலங்கை, பங்களாதேஷ், ஆப்கானிஸ்தான் மற்றும் ஹாங்காங் ஆகிய அணிகள் பங்கேற்றுள்ளன. இந்தத் தொடரின் தகுதிச்சுற்றுகளில் இலங்கை மற்றும் ஹாங்காங் ஆகிய அணிகள் தோல்வியடைந்து வெளியேறிவிட்டன.

இந்தியா - பாகிஸ்தான் இடையே நேற்று நடைபெற்ற ஆட்டத்தில் இந்தியா 8 விக்கெட்டுகள் வித்தியாசத்தில் அபார வெற்றிப் பெற்றது. டாஸ் வென்ற பாகிஸ்தான் அணி முதலில் பேட்டிங் செய்ய தீர்மானித்தது. ஆனால், இந்தியாவின் மிகப் பிரமாதமான பந்து வீச்சின் காரணமாக பாகிஸ்தான் அணி 162 ரன்களுக்கு ஆல் அவுட் ஆனது. பின்பு பேட்டிங் செய்த இந்தியா ரோகித் சர்மா, ஷிகர் தவாண் ஆகியோரின் சிறப்பான பேட்டிங் காரணமா 29 ஆவது ஓவரிலேயே வெற்றி இலக்கை எட்டியது.

இந்த வெற்றியை சமூக வலைத்தளங்களில் இந்திய ரசிகர்கள் மீம்ஸ் போட்டு கொண்டாடிக்கொண்டு இருக்கிறார்கள். இந்த மீம் கிண்டல்களுக்கு வழி கொடுக்கும் வகையில் போட்டி தொடங்குவதற்கு முன்பு பாகிஸ்தான் அணியின் வேகப்பந்து வீச்சாளர் ஹசன் அலி "இந்தியாவின் 10 விக்கெட்டுகளையும் வீழ்த்த ஆசைப்படுகிறேன்" என பேட்டி கொடுத்திருந்தார்.

ஆனால் நேற்றையப் போட்டியில் ஹசன் அலி பவுலிங்கை ரோகித் சர்மாவும், ஷிகர் தவானும் சிதறடித்தார்கள். 4 ஓவர்களை வீசிய ஹசன் அலி 33 ரன்களை கொடுத்தார். போட்டிக்கு முன்பு வாய்விட்டு மாட்டிக்கொண்ட ஹசன் அலியை கலாய்த்து வருகின்றனர் ரசிகர்கள்.

மேலும் சென்ற ஆண்டி நடைபெற்ற சாம்பியன்ஸ் கோப்பை இறுதி ஆட்டத்தைதான் பாகிஸ்தான் ரசிகர்கள் தொடர்ந்து பார்த்து பெருமையாக பேசி வருகின்றனர். ஏனென்றால் அந்த இறுதிப் போட்டியில் இந்தியாவை பாகிஸ்தான் வீழ்த்தியது.

நேற்றைய போட்டியின் தோல்வியை மறக்க பாகிஸ்தான் ரசிகர்கள் தொடர்ந்து சாம்பியன்ஸ் கோப்பை இறுதிப் போட்டி ஹைலைட்ஸ் ரசித்துக்கொண்டு இருக்கின்றனர்.

அதேபோல இந்தியாவுடனான போட்டியில் ஹாங்காங்கின் முதல் விக்கெட் 174 ரன்களுக்குதான் விழுந்தது. ஆனால், பாகிஸ்தான் 162 ரன்களுக்குள்ளாகவே அனைத்து விக்கெட்டும் இழந்தது. இதனால் ஹாங்காங் ரசிகர்கள் பாகிஸ்தானை கிண்டலடித்து வம்புக்கு இழுப்பது போல மீம்களும் பறக்கிறது.

அதேபோல ஹாங்காங்கிடம் விக்கெட் எடுத்த திணறிய இந்தியா, எப்படி பாகிஸ்தானை விரட்டியது ? எங்க கேரக்டரை புரிஞ்சுக்க மாட்டீயே என சொல்லும் மீம்களும் பறக்கிறது.

Advertisement:
Advertisement:
Advertisement:
[X] Close