[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

 “முதலில் சமூகசேவை; அடுத்து அரசியல்தான்” - ஆல் ரவுண்டர் அஸ்விதா

first-social-service-next-politics

நெல்லை மாவட்டத்தில்  முக்கூடல் கிராமத்தைச் சேர்ந்த இளம்பெண் அஸ்விதா. இவரது தாய் தந்தை பீடி சுற்றும் தொழில் செய்கின்றனர். மிகவும் ஏழ்மையான குடும்பத்தைச் சேர்ந்தவர். தனது தாய் தந்தையருக்கு 3 வது பெண் குழந்தையான இவர் வீட்டில் முதல் பட்டதாரி பெண் ஆவார். படிக்கும் போதே வாழ்வில் முன்னேற வேண்டும் என்ற கனவுடன் படித்துள்ளார். ஒரு கட்டத்தில் உயர்கல்வி குறித்த குழப்பத்தின்போது,  அவருக்கு புதிய தலைமுறை கல்வி எனும் வாரஇதழ் உறுதுணையாக இருந்துள்ளது என்கிறார். அதில் கிடைத்த உதவியால் டெல்லி சென்று ஒரு வருடம் young India fellowshipல்  படித்துள்ளார். 

டெல்லியில் சென்று படிக்கும் போது, படிக்கும் 97 பேரில் தான் ஒருவர் மட்டுமே கிராமத்தில் இருந்து வந்த பெண் என்றும், இது தனக்குள் பெரிய தாக்கத்தை ஏற்படுத்தியதாகவும் கூறுகின்றார். 

இந்தியாவின் முதுகெலும்பு கிராமங்கள்தான் என்ற நிலையில் கிராமப்புற மாணவர்கள் வாழ்வில் முன்னேற சாதனை படைக்க ஏன் தயக்கம் காட்டுகின்றனர் என்ற கேள்வி தனக்குள் எழுந்ததால் அதுவே மாணவர்கள் மத்தியில் விழிப்புணர்வை ஏற்படுத்த வேண்டும் என்ற எண்ணத்தை தூண்டியதாக கூறுகின்றார் அஸ்விதா.

இதற்காக தொண்டு நிறுவனம் ஒன்றை உருவாக்கி அதன் மூலம் கிராமப்புறத்தில் உள்ள பல்வேறு கல்லூரி மற்றும் கிராமங்களுக்கு சென்று கடந்த 4 வருடமாக விழிப்புணர்வை ஏற்படுத்தி வருகிறார். 35க்கும் மேற்பட்ட கல்லூரிகளுக்கு சென்று மாணவர்களுக்கிடையே உள்ள  திறமைகளை வெளிக்கொண்டு வருதல், தன்னம்பிக்கையை வளர்த்தல், கிராமப்புற மாணவர்களுக்காக கொட்டி கிடக்கும் வாய்ப்பையும் பயன்படுத்திக் கொள்ள அவர்களுக்கு ஊக்கத்தை அளித்தல் என களப்பணி செய்து வருகிறார். 

இவரின் இந்தச் சமூக சேவை பணிக்காக வருகின்ற 15 ஆம் தேதி சுதந்திர தினத்தன்று முதலமைச்சர் மாநில இளைஞர் விருது மாவட்ட நிர்வாகம் தரப்பில் வழங்கப்பட உள்ளது. இது தனக்கு கிடைத்த முதல் விருது என்றும், இது மேலும் தனது சமூகப் பணியை ஊக்குவிக்கும் வகையில் அமைந்துள்ளதாகவும் பெருமிதம் கொள்கிறார் இளம் பெண் அஸ்விதா.

தற்போது செய்து வரும் சமூக பணியில் இருந்து தொடர்ந்து சமூகத்தில் பெரிய அளவில் மாற்றத்தை கொண்டு வர வேண்டும் என்று எண்ணுவதாகவும், அதற்கு இன்னும் இளைய சமூதாயத்தினர் மனதை படிக்க வேண்டும், அவர்களுக்கான விழிப்புணர்வை தொடர்ந்து ஏற்படுத்த வேண்டும், அதன் பின்னர் அரசியலில் ஈடுபட வேண்டும் என்று கூறுகின்றார். அரசியலில் பெண் ஆளுமைகள் மிகமிகக் குறைவு என்றும் தான் அரசியலுக்கு வந்தால் பெண்களுக்கு முக்கியத்துவம் கொடுப்பேன் என்றும் இதுதான் தனது  வாழ்நாள் குறிக்கோள் என்றும் கூறுகின்றார் அஸ்விதா.
 

Advertisement:
இது தொடர்பான செய்திகள் :
Advertisement:
Advertisement:
[X] Close