[X] Close
JUST IN
  • BREAKING-NEWS இந்தியாவின் 72வது சுதந்திர தினம் - கோலாகல கொண்டாட்டம்
  • BREAKING-NEWS இன்று கூடுகிறது திமுக அவசர செயற்குழு
  • BREAKING-NEWS மெரினாவில் கருணாநிதிக்கு இடம் கொடுத்த தீர்ப்புக்கு எதிராக அரசு மேல்முறையீடு செய்திருந்தால் நானே போராட்டத்தில் இறங்கியிருப்பேன் -ரஜினிகாந்த்
  • BREAKING-NEWS சென்னையில் நடிகர் சங்கம் சார்பில் மறைந்த திமுக தலைவர் கருணாநிதிக்கு நினைவேந்தல் நிகழ்ச்சி
  • BREAKING-NEWS ஆகஸ்ட் 20ம் தேதி அதிமுக செயற்குழு கூட்டம் நடைபெறுகிறது
  • BREAKING-NEWS கேரளாவில் பெய்து வரும் கனமழையால் சபரிமலைக்கு பக்தர்கள் வர வேண்டாம்: தேவசம் போர்டு அறிவிப்பு
  • BREAKING-NEWS சுதந்திர தின விழாவை முன்னிட்டு சென்னை விமான நிலையத்திற்கு 7 அடுக்கு போலீஸ் பாதுகாப்பு

வகை வகையான வாழ்த்து அட்டை

lot-of-greetings-card-memories-will-continue

இப்போது எல்லாம் முகத்துக்கு நேரா வாழ்த்து சொல்றவங்கள விட முகநூலிலும் வாட்ஸ் அப்பிலும் தான் வாழ்த்து சொல்றவங்கள அதிகமா பாக்குறோம். happy Pongal ,happy birthday என ஒற்றை வரியில் அத்தனைபேருக்கும் எளிதாக வாழ்த்து சொல்லிவிட முடிகிறது. தெரிந்தவர் தெரியாதவர் என்ற பேதமெல்லாம் இல்லை.

இதுவும் நல்ல விஷயம்தான். ஆனால் உறவுகளுக்கு கூட அதே வாட்ஸ் அப் வாழ்த்து தான். எதுக்கு ஒவ்வொருத்தருக்கா ஃபோன்ல பேசிகிட்டு… ஒரு group கிரியேட் பண்ணி வாழ்த்து சொல்லிவிட்டால் போகுது என்கிற ஒரு சோம்பேறித்தனம் தான் நமக்கு. ஆனால் ஆறுதல் கொள்ள வேண்டிய விஷயம் இதை கூட சிலர் செய்ய முன்வருவதில்லை என்பதுதான்.

இதையும் படிக்கலாமே...பழைய சோறு... பழைய சாதம்... கூடவே கொஞ்சம் பழைய கதை...

இதையெல்லாம் பார்க்கும் போது அப்போதெல்லாம் ஒரு வாழ்த்து சொல்ல எவ்வளவு சிரத்தை எடுத்திருக்கிறார்கள் என்பதை நினைக்க தோன்றுகிறது. வாழ்த்து அட்டைகள் பற்றி கேள்வி படாதவர்களே இருக்க முடியாது. வகைவகையான வாழ்த்து அட்டைகள்… ஏராளமாய் குவிந்து கிடக்கும் கடைகளில். வாழ்த்து அட்டைகளுக்காக மட்டுமே கடைகள் நிறைய இருந்தன.

நடிகர், நடிகைகள் மற்றும் தலைவர்களின் படங்கள் இயற்கை காட்சிகள் என எண்ணற்ற படங்களுடன் வாழ்த்து அட்டைகளை பார்க்க முடியும். வாழ்த்து அட்டையில் உள்ளே உள்ள ஒரே ஒரு பக்கத்தில் இருக்கும் வார்த்தைகளை படித்து பார்த்து பிடித்தவர்களுக்கு தரும் ஆனந்தம் இருக்கிறதே… அது ஒரு தனி சந்தோஷம்தான்.

பண்டிகையோ… பிறந்த நாளோ… நெருங்கி விட்டால் போதும் போஸ்ட்மேன்கள் வாழ்த்து அட்டை கொடுத்தே அசதியாகிவிடுவார்கள். கிராமங்களை காட்டிலும் நகர் புறங்களில் இந்த வழக்கம் அதிகமாக இருந்தது. அதற்கு அத்தகைய கடைகள் அவர்களுக்கு அருகிலேயே இருந்தது கூட காரணமாக இருக்கலாம்.

சிலர் இந்த வாழ்த்து அட்டைகளை தபால் தலைகள் மாதிரி சேர்த்து வைத்திருப்பார்கள். பாருங்கள்! எனக்கு எத்தனை பேர் அன்பு காட்டுகிறார்கள் என்று பெருமை அடித்த கொள்ள அல்லது அவர்களின் நினைவாக…!  அப்போது வந்த திரைப்படங்களில் பெரும்பாலும் கதாநாயகன் தன் காதலை கதாநாயகியிடம் சொல்ல போகிறான் என்றால்… அந்தக் காட்சிகளில் கண்டிப்பாக ஒற்றை ரோஜாவுடன் ஒட்டி இருக்கும் இந்த வாழ்த்து அட்டைகள்.

வாழ்த்து அட்டைகள் இன்னும் இருக்கின்றன. கடைகளிலும் ஆன்லைன் ஷாப்பிங்கிலும் நாம் பார்க்கலாம். ஆனால் அதனை எத்தனை பேர் விரும்பி வாங்குகிறார்கள் என்பது கேள்வியே…! வாழ்த்து அட்டை என்பது வெறும் காகிதம் அல்ல. அது அன்பின் வெளிப்பாடு. தன் நண்பனுக்காவவோ உறவுக்காகவோ ஒருத்தன் அலைந்து திரிந்து தேடி எடுத்து வாழ்த்து அட்டையை அனுப்புகிறான் என்றால்….அதில் எத்தனை அக்கறையும் அன்பும் இருக்க வேண்டும் !!!

இந்த அன்பு பொத்தம் பொதுவாக முகநூலிலும் வாட்ஸ் அப்பிலும் நாம் சொல்லும் வாழ்த்துகளில் இருக்குமா என்பது சந்தேகமே !!!

(ஞாபகம் வருதே தொடரும்)

Advertisement:
Advertisement:
Advertisement:
[X] Close