[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது

இன்று உலக எமோஜி தினம்... உலகத்திற்கான பொது மொழியா எமோஜி?

world-emoji-day-2018

இன்று உலக எமோஜி தினம். உலகெங்கும் பரவலாகப் பயன்படுத்தப்படும் எமோஜியின் வரலாறு என்ன? பயன்பாடு என்ன? – பார்ப்போம்.

உணர்வை, தகவலை, தேவையைச் சொல்லும் எளிய குறியீட்டுப் படங்களே எமோஜிக்கள் ஆகும். இவை தற்போது முகநூல், ட்விட்டர், வாட்ஸ் அப் போன்ற சமூக வலைத்தளங்களில் பரவலாகப் பயன்படுத்தப்படுகின்றன.

ஜப்பானியர்களின் மொழியே சித்திர எழுத்துகள்தான் என்பதால், அவர்களே எமோஜிக்கு முன்னோடிகளாக உள்ளனர். 1998ல் ஜப்பானைச் சேர்ந்த எண்டிடி டொகொமோ என்ற நிறுவனம்தான் எமோஜிக்கு செயல்வடிவம் கொடுத்தது.

அந்த நிறுவனத்தில் இருந்த ஷிகேடிகா குரிடா என்பவர்  செய்திகளைப் படங்களாகச் சொல்ல நினைத்தார், அப்போது அளவில் பெரிய விரிவான படங்களைப் பயன்படுத்த தொழில்நுட்பம் இடம் கொடுக்காததால் அவர் உருவாகியதுதான் எளிமையான எமோஜி.

முதலில் மக்கள் அன்றாடம் வெளிப்படுத்தும் 180 உணர்வுகளைப் பட்டியலிட்டு அவற்றுக்கான எமோஜிக்களை உருவாக்கினார் குரிடா. இப்போது இன்னும் பல நூறு எமோஜிக்கள் வந்துவிட்டன.

இன்றைக்கு எமோஜிக்களை வைத்து மட்டுமே கவிதைகளை எழுதலாம் என்னும் அளவுக்கு எமோஜிக்களின் பயன்பாடுகள் மறுவடிவம் பெற்று உள்ளன. அதற்காக என்றே பிரத்யேக வலைத்தளங்களும் உள்ளன.

உலகில் ஆறாயிரத்துக்கும் மேற்பட்ட மொழிகள் பயன்படுத்தப்படும் இன்றைய சூழலில், அனைவருக்குமான ஒரே மொழியாக எமோஜிக்கள் உள்ளன. எதிர்காலத்தில் எமோஜிக்கள் அனைவருக்குமான பொது மொழியாக உருவெடுக்குமோ என்று உலகளாவிய ஆய்வுகளும் நடந்து வருகின்றன.

இன்னொரு பக்கம் இயற்கைப் பேரிடர்களுக்கான குறியீடுகளை எமோஜிக்களாக உருவாக்கினால், அனைவருக்கும் எச்சரிக்கைகளை விடுப்பது எளிதாக இருக்கும் என்பதால், அது குறித்த ஆய்வுகளும் நிறைவடையும் நிலையில் உள்ளன.

Advertisement:
Advertisement:
Advertisement:
[X] Close