[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

ரெட் கார்னர் நோட்டீஸ் என்றால் என்ன?

what-is-red-corner-notice-what-does-the-8-types-of-interpolations-say

நீரவ் மோடிக்கு ரெட் கார்னர் நோட்டீஸ் அளிக்க வேண்டும் என்ற சி.பி.ஐ.யின் கோரிக்கையை இன்று ஏற்றுள்ளது இண்டர்போல். ரெட் கார்னர் நோட்டீஸ் என்றால் என்ன? இண்டர்போலின் பல வண்ண நோட்டீஸ்களுக்கு அர்த்தங்கள் என்ன? பார்க்கலாம்.

இண்டர்போல் என்பது சர்வதேச புலனாய்வு அமைப்பு. இதில் இந்தியா உட்பட 190 உறுப்பு நாடுகள் உள்ளன. இதன் தலைமையிடம் பிரான்ஸ் நாட்டின் லியான் நகரில் உள்ளது.

எல்லைகளைத் தாண்டிய காவல் நடவடிக்கைகளுக்காக இண்டர்போல் 8 வகையான நோட்டீஸ்களைப் பிறப்பிக்கும். அவற்றில் ஒரு நோட்டீசே ரெட் கார்னர் நோட்டீஸ் ஆகும்.

ரெட்கார்னர் நோட்டீஸ் அளிக்கப்பட்ட ஒரு நபர் எந்த நாட்டில் இருந்தாலும் அவரைக் கண்டுபிடித்து சரணடைய வைத்து, உரிய நாட்டிடம் ஒப்படைக்கும் பொறுப்பை இண்டர்போல் ஏற்கிறது என்பதே இதன் அர்த்தம்.

இது தவிர காணாமல் போனவர்களைக் கண்டுபிடிக்கும் யெல்லோ கார்னர் நோட்டீஸ், குற்றவழக்குகளில் தொடர்புடையவர்கள் தங்கள் அடையாளத்தையும் இருப்பிடத்தையும் வெளிப்படுத்தக் கோரும் ப்ளூ கார்னர் நோட்டீஸ், தொடர் குற்றங்களில் ஈடுபடுபவர்கள் குறித்து உறுப்பு நாடுகளுக்கு எச்சரிக்கை செய்யும் கிரீன் கார்னர் நோட்டீஸ், அடையாளம் தெரியாத உடல்களைக் கண்டறியும் பிளாக் கார்னர் நோட்டீஸ், குற்றவாளிகளின் சாதனங்கள், தொழில்நுட்பங்கள் குறித்து எச்சரிக்கை செய்யும் பர்பிள் கார்னர் நோட்டீஸ், பொதுமக்களுக்கு தீங்கு விளைவிக்கும் நபர், நிகழ்வு அல்லது பொருள் பற்றிய எச்சரிக்க்கை செய்யும் ஆரஞ்ச் கார்னர் நோட்டீஸ் மற்றும் அமெரிக்க பாதுகாப்பு கவுன்சிலால் தேடப்படுபவர்கள் குறித்த சிறப்பு நோட்டீஸ் ஆகிய வேறு 7 நோட்டீஸ்களையும் இண்டர்போல் வெளியிடுகிறது.

 

வேறு தேசங்களுக்குச் சென்ற குற்றவாளிகள் மீது காவல் நடவடிக்கைகள் எடுக்கப்படும்போது, நாடுகளுக்கு இடையிலான நல்லுறவு கெடாமல் இருக்கவே இந்த நோட்டீஸ்கள் பயன்படுத்தப்படுகின்றன. முன்னதாக கடந்த 2015ல் லலித் மோடிக்கு எதிராக இண்டர்போல் புளூ கார்னர் நோட்டீஸ் அளித்தது குறிப்பிடத் தக்கது.

Advertisement:
Advertisement:
Advertisement:
[X] Close