[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

ஐபிஎல் அறிமுகம்: அதிரடி வேகம் ஆர்ச்சர்!

ipl-player-introduction-jofra-archer

ஏப்ரலில் தொடங்க இருக்கிறது, ஐபிஎல் கிரிக்கெட் திருவிழா. ’ஆத்தாடி’ என்று வாய்பிளக்கக் கோடிகளின் ஏலம் கோலாகலமாக நடந்து முடிந்திருக்கிறது. ஒவ்வொரு அணியும் வேண்டிய வீரர்களை, வேண்டிய விலைக்கு எடுத்து முடித்திருக்கிறது. அணியில் 20-க்கும் மேற்பட்ட வீரர்கள் இருந்தாலும் அறிமுகம் இல்லாத பல வீரர்கள் இந்த வருடமும் இடம் பிடித்திருக்கிறார்கள் அனைத்து அணியிலும். ஐபிஎல்-க்குப் பிறகு இவர்களும் பிரபலம் ஆவார்கள் என்பதற்கு இவர்களின் முந்தைய ரெக்கார்டுகள் சாட்சி. அதில் ஒருவர், ஜோஃப்ரா ஆர்ச்சர் (Jofra Archer).

ராஜஸ்தான் ராயல்ஸ் அணி அள்ளியிருக்கிறது இந்த பார்படாஸ் வேகத்தை. வேகமென்றால், சும்மா இல்லை. ஆர்ச்சர் வீசினால் 150 கி.மீ வேகத்தில் பறக்கிறது பந்து. இவரது ஆக்ரோஷத்தை ஆஸ்திரேலியாவில் நடந்த பிக்பாஷ் போட்டியில் பார்த்து மிரண்டு போயிருக்கிறார்கள் பேட்ஸ்மேன்கள். இங்கிலாந்தின் கவுண்டி அணியான சசெக்ஸ் அணியில் அறிமுகமான முதல் போட்டியிலேயே பாகிஸ்தானுக்கு எதிராக 4 விக்கெட் எடுத்து மிரட்டியவர் இந்த 22 வயது வேகம். 

பிக்பாஸ் கிரிக்கெட் போட்டியில் ஹோபர்ட் ஹரிகேன் அணிக்காக விளையாடிய ஆர்ச்சர் கவனிக்கத்தக்க வீரராக உருவானது அங்குதான். பிக்பாஷ் போட்டியில் பந்துவீச்சாளர்கள் அதிகப்படியாக ரன்களை அள்ளிக் கொடுக்க, குறைந்த ரன்களை விட்டுக்கொடுத்து விக்கெட் வீழ்த்தியவர் ஆர்ச்சர்தான் என்று அதிசயிக்கிறார்கள் அங்கு. இந்தத் தொடரில் அங்கு அதிகம் பேசப்பட்ட வீரர் இவர்தான். அப்படியே பங்களாதேஷ் பிரீமியர் லீக்கிலும் ஆச்சரிய தடம் பதித்த ஆர்ச்சர், பாகிஸ்தான் லீக்கிலும் விளையடிவிட்டு ஐபிஎல் -லுக்கு வந்திருக்கிறார். 

பொதுவாக டி20 போட்டி என்பதே பேட்ஸ்மேன்களுக்கானது என்றாலும் அவர்களை நிலைகுலைய வைப்பது ஒரு சில பந்துவீச்சாளர்கள்தான். அதில் ஒருவராக ஆர்ச்சர்,  ஆச்சரியப்படுத்துவார் என்கிறார்கள் கிரிக்கெட் விமர்சகர்கள்.


 

Advertisement:
Advertisement:
Advertisement:
[X] Close