[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

அப்போலோவில் ஜெயலலிதா சிகிச்சை பெற்ற வீடியோ வெளியீடு

jayalalithaa-treatment-video-released

அப்போலோ மருத்துவமனையில் ஜெயலலிதா சிகிச்சை பெற்றபோது அவர் பழச்சாறு அருந்தும் வீடியோவை டிடிவி தினகரன் ஆதரவாளர் வெற்றிவேல் வெளியிட்டார்.

மறைந்த முன்னாள் முதலமைச்சர் ஜெயலலிதா உடல்நலக் குறைவு காரணமான கடந்த 2016-ஆம் ஆண்டு செப்டம்பர் மாதம் 22-ஆம் தேதி சென்னை கிரீம்ஸ் சாலையில் உள்ள அப்போலோ மருத்துவமனையில் சிகிச்சைக்காக அனுமதிக்கப்பட்டார். கிட்டத்தட்ட 75 நாட்கள் சிகிச்சை பெற்ற அவர், டிசம்பர் 5-ஆம் தேதி நள்ளிரவு உயிரிழந்தார். ஆனால் இடைப்பட்ட காலத்தில் ஜெயலலிதாவின் எந்தவொரு புகைப்படமும் வெளியாகவில்லை. ஜெயலலிதாவை மருத்துவமனையில் சந்திக்க சென்ற காங்கிரஸ் தலைவர் ராகுல்காந்தி, மத்திய அமைச்சர்கள் உள்பட யாருக்கும் அவரை சந்திக்க அனுமதி வழங்கப்படவில்லை. மருத்துவமனையில் சசிகலாதான் ஜெயலலிதாவை உடனிருந்து கவனித்து வந்தார். சிகிச்சை பெற்றபோது ஜெயலலிதாவை ஒருநாளும் தான் சந்திக்கவில்லை என முன்னாள் முதலமைச்சர் ஓபிஎஸ் கூட தெரிவித்திருந்தார். தமிழக அமைச்சர்கள் அனைவரும் இதே கருத்தையே கூறி வந்தனர்.

இதனிடையே ஜெயலலிதா மரணத்தில் சந்தேகம் எழும்புவதால் அவரது மரணம் தொடர்பாக விசாரிக்க வேண்டும் என ஓபிஎஸ் உள்பட பலதரப்பிலும் கோரிக்கை எழுந்தது. இதனையடுத்து ஜெயலலிதா மரணம் தொடர்பாக விசாரிக்க ஓய்வுபெற்ற நீதிபதி ஆறுமுகசாமி தலைமையில் விசாரணை ஆணையத்தை முதலமைச்சர் பழனிசாமி அமைத்து உத்தரவிட்டார். விசாரணை ஆணையம் முன் திமுக மருத்துவர் அணியை சேர்ந்த சரவணன், ஜெயலலிதாவின் அண்ணன் மகள் தீபா, அவரது சகோதரர் தீபக் உள்ளிட்டோர் ஆஜராகி விளக்கம் அளித்தனர். ஆணையம் இன்னும் தனது விசாரணையை தொடர்ந்து கொண்டு உள்ளது.

இந்நிலையில் அப்போலோ மருத்துவமனையில் ஜெயலலிதா சிகிச்சை பெற்றபோது அவர் பழச்சாறு அருந்தும் வீடியோ வெளியாகி உள்ளது. வீடியோவில், படுக்கையில் கண் விழித்து சாய்திருந்தபடி, தனது இடது கையால் பழச்சாறு அருந்துகிறார். இந்த வீடியோவை டிடிவி தினகரன் ஆதரவாளரான வெற்றிவேல் சென்னையில் வெளியிட்டுள்ளார். ஜெயலலிதா மருத்துவமனையில் அனுமதிக்கப்பட்டபோதே மயக்க நிலையில்தான் இருந்தார் என கூறப்பட்டது. எனவே மருத்துவமனையில் அவருக்கு சுயநினைவு திரும்பியதா..? என்னென்ன சிசிக்சைகள் வழங்கப்பட்டது என பலதரப்பிலும் கேள்வி எழும்பிய நிலையில் தற்போது ஜெயலலிதா சிகிச்சை பெறும் வீடியோ வெளியாகி உள்ளது. ஆனால் இந்த வீடியோ எந்த தேதியில் எடுக்கப்பட்டது என்ற விவரம் தெரியவரவில்லை. ஜெயலலிதா மறைந்தே ஒரு வருடம் தாண்டிவிட்ட நிலையில் தற்போதுதான் ஜெயலலிதா சிகிச்சை பெற்ற வீடியோ வெளியாகி உள்ளது குறிப்பிடத்தக்கது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close