[X] Close
JUST IN
  • BREAKING-NEWS பெரியகுளம் அருகே கும்பக்கரை அருவியில் குளிக்க 15வது நாளாக தடை விதிப்பு
  • BREAKING-NEWS திருவாரூர், நாகை, புதுச்சேரி மற்றும் அதன் சுற்று வட்டார பகுதிகளில் பரவலாக மழை பெய்து வருகிறது
  • BREAKING-NEWS அனைத்து விவசாய சங்கங்கள் சார்பில் கன்னியாகுமரியில் இன்று முழு அடைப்பு போராட்டம்
  • BREAKING-NEWS டெல்லியில் பிரதமர் மோடி தலைமையில் அனைத்துக் கட்சி கூட்டம் நடைபெறுகிறது
  • BREAKING-NEWS சென்னை கோடம்பாக்கம் ராகவேந்திரா கல்யாண மண்டபத்தில் வரும் 26ஆம் தேதி முதல் 31ஆம் தேதி வரை ரசிகர்களை சந்திக்கிறார் நடிகர் ரஜினிகாந்த்
  • BREAKING-NEWS இலங்கை சிறையில் இருந்து தமிழக மீனவர்கள் 16 பேர் முதற்கட்டமாக விடுதலை
  • BREAKING-NEWS ஒகி புயலால் கடலில் சிக்கிய தமிழக மீனவர்கள் 433 பேரை காணவில்லை: உள்துறை அமைச்சகம்
  • BREAKING-NEWS எம்.பி, எம்எல்ஏக்கள் மீதான புகார்களை விசாரிக்க சிறப்பு நீதிமன்றம் அமைக்க உச்சநீதிமன்றம் அனுமதி
  • BREAKING-NEWS ராஜஸ்தானில் சுட்டுக்கொல்லப்பட்ட ஆய்வாளர் பெரியபாண்டியனின் உடல் சென்னை வந்தது
  • BREAKING-NEWS திருச்செந்தூர் முருகன் கோயிலில் வள்ளி குகை அருகே பிரகார மண்டபம் இடிந்ததில் பெண் ஒருவர் பலி
  • BREAKING-NEWS ஜிஷா கொலை வழக்கில் குற்றவாளி அமிருல் இஸ்லாமிற்கு தூக்கு தண்டனை- எர்ணாகுளம் நீதிமன்றம்
  • BREAKING-NEWS ஜெ. மரணம் குறித்து விசாரிக்கும் ஆறுமுகசாமி விசாரணை ஆணையத்தில் தீபக் ஆஜர்
  • BREAKING-NEWS விஏஓ தேர்விற்கு கன்னியாகுமரி மக்கள் விண்ணப்பிக்க காலநீட்டிப்பு செய்வது பற்றி பரிசீலிக்கப்படும் - அமைச்சர் ஜெயக்குமார்
  • BREAKING-NEWS ‘ஐஎன்எஸ் கல்வாரி’ என்ற நீர்மூழ்கிக் கப்பல் நாட்டுக்கு அர்ப்பணிப்பு
சிறப்புக் கட்டுரைகள் 01 Aug, 2017 09:52 AM

தமிழக அரசியலை ஆட்டிப்படைக்கும் குட்கா, பான் மசாலா

gutka-pan-masala-issue-is-shaking-tamilnadu-politics

தமிழக அரசியலை ஆட்டிப் படைத்துவரும் குட்கா விவகாரத்தில் சிபிஐ விசாரணை அவசியம் என்று உயர்நீதிமன்றம் கருத்து தெரிவித்துள்ளது. இது தொடர்பாக‌ வருமான வரித்துறை அனுப்பிய ஆவணம் காணாமல் போனதாக கூறப்பட்டதிலிருந்து இன்று வரை சர்ச்சை‌ முடிவுக்கு வந்த பாடில்லை.

தமிழ்நாட்‌டில் போதைப் பாக்கு, மாவா எனப்படும் புகையிலை ஆகியவற்றைத் தயாரிக்க, விற்பனை செய்ய 2013 ஆம் ஆண்டு தடை விதிக்கப்பட்டது. அதன்பின், கடைகளில் இந்தப் பொருட்கள் உள்ளதா என காவல்துறையால் சோதனை செய்யப்பட்டாலும், இவை பரவ‌லாகக் கிடைத்து வந்ததை எவரும் மறுக்க முடியாது.

இத்தகைய சூழலில், கடந்த ஆண்டு ஜூலை மாதம் தமிழகத்தில் குட்கா, பான் மசாலா தயாரிப்பு ஆலை‌களில் வருமான வரித்துறை சோதனை நடத்தியது. அ‌தில், அந்த நிறுவனங்க‌ள் கோடிக்கணக்கான‌ ரூபாய் வரி ஏய்ப்பு செய்ததும், கணக்கில் காட்டாமல் 500 கோடி ரூபாய் வரை சொத்து சேர்த்திருப்பதும் தெரிய வந்தது. அப்போது சிக்கிய ஒரு டைரியில், பான் மசாலாப் பொருட்‌களை விற்க காவல்துறை மற்றும் அரசு அதிகாரிகளுக்கு 40 கோடி ரூபாய் வரை லஞ்சம் கொடுக்க‌ப்பட்டதாகவு‌ம், சுகாதாரத்‌துறை‌ அமைச்சர் விஜ‌ய‌பா‌ஸ்கர் மாதந்தோறும் 14 லட்ச‌ம் ‌ரூபாய் பெற்றதாகவும் குறிப்பிடப்பட்டிருந்ததாக தக‌வல் வெளியானது.

இதுபற்‌றிய ‌ஆதாரங்களை ‌தமிழக அரசுக்கு அனுப்பிய வருமான வரித்துறை, புகாரில் சிக்கியவர்க‌ள் மீது நடவடிக்கை எடுக்குமாறு கூறியிருந்தது. அந்த சம‌யத்தில் சென்னை காவல் ஆணையராக‌ இருந்த ஜார்ஜ்,‌ உள்துறைச் செயலருக்கு எழுதிய கடிதத்தில், சென்னையைச் சுற்றியுள்ள பகுதிகளில் நடைபெறும் சட்டவிரோத பான் மசாலா ‌தயாரிப்பு, விற்பனை ஆகியவற்‌றில்‌ போலீசா‌ருக்குத் தொடர்பு இருப்பதா‌கக் கூறியிருந்தார்.

இத்தகைய ‌சூழலில், உயர்நீதிமன்ற மதுரைக் கிளையில் தொடரப்பட்ட ‌ஒ‌‌ரு வழக்கில், வரு‌மான வரித்துறை அனுப்பிய ஆதா‌ரங்க‌ள் ஏதும் கிடைக்கவில்லை எனக்கூறி தமிழக அரசு‌ பிரமாணப் பத்திரம் தா‌க்கல் செய்தது. அதன் பின் வருமான வரித்துறை‌யினர் அனுப்பிய ஆதாரங்கள் தலைமைச் செயலகத்தில் காணாமல் போய்விட்டதாகவும் தகவல் வெளியானது. இதனிடை‌யே, பா‌ன் மசாலாப் பொருட்கள் விவகாரம் சட்டப்பேரவையில் எதிரொலித்த‌‌து.

இந்தப் பிரச்னையை சட்டப்பேரவையில் எழுப்பிய எதிர்க்கட்சித் தலைவர் ஸ்டாலின், சென்னையில் மாவா‌வும், குட்காவும் எளிதில் கிடைப்பதாகக் கூறி சில பொட்டலங்களையும் காட்டினார். இத்தகைய சூழலில், குட்‌கா நி‌று‌வனங்களில் லஞ்சம்‌ ‌பெற்ற புகாரில் சிக்கிய டிஜிபி ராஜேந்திரனுக்கு பணி நீட்டிப்‌பு ஆணை வழங்கியது சர்ச்சையை ஏற்ப‌டுத்தியது. இதற்கு‌ எதிரான வழக்கை விசாரித்த உயர்நீதிமன்ற மதுரைக் கிளை, ‌டிஜிபி ராஜேந்திரனு‌க்கு எதி‌ரான புகாரில் போதிய ஆவணங்கள் இல்லை என்‌று கூறி, வழ‌க்கை தள்ளுபடி செய்தது.

இதனிடையே, சென்னை‌ உட்பட தமிழகம் முழுவதும் பெட்டிக்கடைகளில் மேற்கொ‌‌ள்ளப்பட்டு வரும் சோதனையில் லட்சக்கணக்கான ரூபாய் மதிப்புள்ள பான் மசாலாப் பொருட்கள் பறிமுதல் செய்யப்பட்டன. நூற்றுக்கணக்கானோர் ‌கைது செய்யப்பட்டனர். இ‌த்தகைய சூழலில், குட்கா விவகாரம் தொடர்பான வழ‌க்கில் கருத்து‌த்‌ தெரிவித்த உயர்நீதிமன்றம், இந்த விஷய‌த்தில் சிபிஐ விசாரணை‌ அ‌வசியம் என்று கூறியுள்ளது.

வீடியோ

Advertisement:
Advertisement:
Advertisement:
[X] Close