[X] Close
JUST IN
  • BREAKING-NEWS தீபாவளி பண்டிகையை முன்னிட்டு தமிழக ஆளுநர் பன்வாரிலால் புரோஹித் மக்களுக்கு வாழ்த்து
  • BREAKING-NEWS மேட்டூர் அணைக்கு நீர்வரத்து 23,327 கன அடியில் இருந்து 15,667 கன அடியாக குறைவு
  • BREAKING-NEWS உலகின் இளம் பிரதமருக்கு தலைவர்கள் வாழ்த்து
  • BREAKING-NEWS எல்லைத்தாண்டி மீன்பிடித்ததாக தமிழக மீனவர்கள் 8 பேர் இலங்கை கடற்படையால் கைது
  • BREAKING-NEWS ஊத்தங்கரை அடுத்த நாகனூரில் வைரஸ் காய்ச்சலுக்கு ராஜா என்பவர் உயிரிழப்பு
  • BREAKING-NEWS டெல்லியில் பிரதமர் அலுவலகத்தில் 2 ஆவது தளத்தில் உள்ள அறை எண் 242 இல் தீ விபத்து
  • BREAKING-NEWS திரையரங்குகளுக்கு நிர்ணயிக்கப்பட்டுள்ள புதிய டிக்கெட் கட்டணத்திற்கான அரசாணை வெளியீடு
  • BREAKING-NEWS ஐ லவ் யூ அனிருத் சார்: சிவகார்த்திகேயன் நெகிழ்ச்சி
  • BREAKING-NEWS ஜிஎஸ்டி இறுதி முடிவில் காங்கிரசுக்கு சமபங்கு உள்ளது: பிரதமர் மோடி
  • BREAKING-NEWS இரட்டை இலை சின்னம் முடக்கப்பட வாய்ப்பே இல்லை: வைத்திலிங்கம் எம்.பி
  • BREAKING-NEWS போக்குவரத்து விதிகளை கடைபிடித்து “சாலை விபத்தில்லா தீபாவளியாக” அமைய வேண்டும் : தமிழக அரசு
  • BREAKING-NEWS இரட்டை இலை சின்னம் தொடர்பான வழக்கு அக்.23க்கு ஒத்திவைப்பு
  • BREAKING-NEWS ஜெயலலிதா அளித்த வாக்குறுதிகளை நிறைவேற்ற வேண்டிய பொறுப்பு தமிழக அரசுக்கு உள்ளது: வெங்கையா நாயுடு
  • BREAKING-NEWS தலைமைச் செயலகத்தில் மத்திய மருத்துவக்குழு, சுகாதாரத்துறை செயலர் ராதாகிருஷ்ணன் ஆலோசனை
சிறப்புக் கட்டுரைகள் 26 Jul, 2017 09:28 PM

பீகார் ஆட்சி கவிழுமா..? நிலைக்குமா..? அடுத்து என்ன?

bihar-s-rule-will-fall-stand-forever-what-next

பீகார் மாநில முதலமைச்சர் பதவியிலிருந்து நிதிஷ்குமார் ராஜினாமா செய்துள்ளதால் அங்கு ஆட்சி நிலைக்குமா? என்ற கேள்வி எழுந்துள்ளது.

பீகார் சட்டமன்றத்தின் மொத்த எம்எல்ஏக்கள் எண்ணிக்கை 243. இதில் கட்சிகளின் பலம்:
ஐக்கிய ஜனதா தளம் (நிதிஷ் குமார்) - 71
ராஷ்டிரிய ஜனதா தளம் (லாலு பிரசாத்) - 80
காங்கிரஸ் - 27
பாஜக - 53

இதில் ஐக்கிய ஜனதா தளம், ராஷ்டிரிய ஜனதா தளம், காங்கிரஸ் கட்சிகளின் கூட்டணி ஆட்சிதான் நடைபெற்று வருகிறது. முதலமைச்சராக ஐக்கிய ஜனதா தள கட்சியை சேர்ந்த நிதிஷ்குமார் பதவி வகித்து வந்தார். இந்நிலையில் பீகார் மக்களுக்காக தொடர்ந்து பணியாற்ற முடியாத சூழல் ஏற்பட்டுள்ளதால் தனது பதவியை ராஜினாமா செய்வதாக முதலமைச்சர் நிதிஷ்குமார் அறிவித்துள்ளார். துணை முதலமைச்சராக உள்ள லாலுவின் மகன் தேஜஸ்வி மீதான ஊழல் புகார் பிரச்னைதான் நிதிஷ்குமார் ராஜினாமாவுக்கு முக்கிய காரணமாக சொல்லப்படுகிறது. அடுத்து பீகாரில் என்ன நடக்கும்?

வாய்ப்பு 1:

லாலுவின் மகன் தேஜஸ்வி மீதான ஊழல் பிரச்னையால்தான் நிதிஷ் குமார் பதவி விலகியிருக்கிறார். இது லாலுபிரசாத்திற்கும் நிதிஷ்குமாருக்குமே விரிசல் அதிகமாகியுள்ளதை காட்டுகிறது. முதலமைச்சர் இல்லாத இந்த சந்தர்ப்பத்தை பயன்படுத்தி ஒருவேளை லாலு பிரசாத்தின் ராஷ்டிரிய ஜனதா தளம் ஆட்சி அமைக்க முற்பட்டால் அதற்கு நிச்சயமாக ஐக்கிய ஜனதா தளம் ஆதரவு கொடுக்காது. ஆனால் ராஷ்டிரிய ஜனதா தளத்திற்கு காங்கிரஸ் ஆதரவு கொடுக்கலாம். அந்த நிலை ஏற்படும் பட்சத்தில் கூட்டணி எம்எல்ஏ-க்கள் பலம் 107 (லாலு-80, காங்-27) ஆக இருக்கும். ஆட்சி அமைக்க தேவையான 122 எம்எல்ஏ-க்களின் எண்ணிக்கையை விட இதுகுறைவு தான். இதனால் இந்த கூட்டணியால் எந்த பலனும் இருக்காது.

வாய்ப்பு 2:

நிதிஷ்குமாருக்கு ராஷ்டிரிய ஜனதா தள கட்சியுடன்தான் பிரச்னை. இதனால் ராஷ்டிரிய ஜனதா தளத்தை ஒதுக்கி வைத்துவிட்டு, ஐக்கிய ஜனதா தளமும், காங்கிரசும் கூட்டணி அமைத்து ஆட்சி அமைக்குமா? குடியரசுத் தலைவர் தேர்தலில் நிதிஷ், காங்கிரஸ் நிறுத்திய வேட்பாளருக்கு வாக்களிக்காமல் பாஜகவின் ராம்நாத் கோவிந்த்துக்கு வாக்களித்தில் இருந்தே அவர் பாஜக பக்கம் சாய்வதாக பேச்சு எழுந்தது. இதனால் காங்கிரஸ் நிதிஷுடன் கூட்டணி வைக்குமா என்பது கேள்விக்குறிதான். அப்படியே ஒரு வேளை இரு கட்சிகளும் இணைந்தாலும் பெரும்பான்மை பலம் இருக்காது (நிதிஷ்-71, காங்- 27 மொத்தம் - 98). 

வாய்ப்பு 3:

குடியரசுத் தலைவர் தேர்தலில் பாஜக வேட்பாளர் ராம்நாத் கோவிந்த்திற்கு நிதிஷ்குமார் கொடுத்த ஆதரவுக்கு ஈடாக பாஜக ஐக்கிய ஜனதா தளத்திற்கு ஆதரவு தரும் பட்சத்தில் அக்கூட்டணி எம்எல்ஏ-க்கள் எண்ணிக்கை 124 ஆக இருக்கும் (நிதிஷ்-71, பாஜக-53 மொத்தம் -124). இது ஆட்சி அமைப்பதற்கு தேவையான எம்எல்ஏ-க்களின் எண்ணிக்கையைவிட அதிகம். இதனால் பீகாரில் மீண்டும் பாஜக நிதிஷ் கூட்டணி உருவாகலாம். 

Advertisement:
Advertisement:
Advertisement:
[X] Close