[X] Close
JUST IN
  • BREAKING-NEWS மேட்டூர் அணையின் 16 கண் உபரி நீர் போக்கியில் தேங்கிய தண்ணீரில் மூழ்கி 4 சிறுவர்கள் பலி
  • BREAKING-NEWS 8 மணிக்கு தொடங்குகிறது குஜராத், இமாச்சலில் வாக்கு எண்ணிக்கை
  • BREAKING-NEWS ஆர்.கே.நகரில் வார்டு வாரியாக மகளிர் குழு மூலம் பணப்பட்டுவாடா நடக்கிறது: தமிழிசை
  • BREAKING-NEWS இலங்கை அணிக்கு எதிரான ஒருநாள் கிரிக்கெட் தொடரை 2-1 என்ற கணக்கில் இந்திய அணி வென்றது
  • BREAKING-NEWS கோடி கோடியாக கொட்டிக்கொடுத்தாலும் ஆர்.கே.நகரில் அதிமுக டெபாசிட் பெறாது: மு.க.ஸ்டாலின்
  • BREAKING-NEWS இலங்கை அணி எதிரான மூன்றாவது ஒரு நாள் கிரிக்கெட் போட்டியில் இந்திய அணிக்கு 216 ரன்கள் வெற்றி இலக்கு
  • BREAKING-NEWS ஆர்.கே.நகரில் சர்வ சாதாரணமாக பணப்பட்டுவாடா நடக்கிறது: பொன்.ராதாகிருஷ்ணன்
  • BREAKING-NEWS பணப்பட்டுவாடா புகாரை தொடர்ந்து ஆர்.கே. நகரில் தேர்தல் சிறப்பு அதிகாரி விக்ரம் பத்ரா ஆய்வு
  • BREAKING-NEWS ஆர்.கே. நகர் இடைத்தேர்தலில் ரூ.100 கோடி வரை பணப்பட்டுவாடா நடந்ததாக ஸ்டாலின் புகார்
  • BREAKING-NEWS ஆர்.கே. நகரில் டிடிவி தினகரன் ஆதரவாளரிடமிருந்து ரூ. 20 லட்சம் பறிமுதல்
  • BREAKING-NEWS ஒகி புயல் பாதிப்பு குறித்த அறிக்கையை இன்று மத்திய அரசுக்கு அனுப்புகிறது தமிழக அரசு
  • BREAKING-NEWS கொளத்தூர் செல்லப்பிள்ளை என்றாலும் ஆர்.கே. நகரை வளர்ப்புப் பிள்ளையாக கருதி வளர்ச்சிபெற வைப்பேன் - மு.க. ஸ்டாலின்
  • BREAKING-NEWS பெரியபாண்டியன் சுட்டுக்கொல்லப்பட்ட வழக்கில் சென்னை ஆய்வாளர் முனிசேகர் மீது ராஜஸ்தான் மாநிலம் போலீசார் வழக்குப்பதிவு
  • BREAKING-NEWS ஆளுநரின் ஆய்வுக்கூட்டங்களில் பங்கேற்க வேண்டாம் என அதிகாரிகளுக்கு முதலமைச்சர் அறிவுறுத்த வேண்டும்- ப. சிதம்பரம்
சிறப்புக் கட்டுரைகள் 26 Jul, 2017 05:55 PM

இந்திய கிரிக்கெட் வீரர்களும், விநோத டெஸ்ட் சாதனைகளும்

indian-cricketers-and-bizarre-test-achievements

சர்வதேச டெஸ்ட் கிரிக்கெட்டில் இந்திய வீரர்கள் செய்துள்ள சாதனைகள் சில உங்கள் பார்வைக்கு. 

சச்சின் டெண்டுல்கர்: 


அதிக சதமடித்தவர் மற்றும் அதிக போட்டிகளில் பங்கேற்றவர் என்ற சாதனைகள் மட்டும் சச்சின் வசமில்லை. சர்வதேச டெஸ்ட் கிரிக்கெட்டில் அதிக அரைசதங்கள் அடித்தவர் என்ற சாதனையும் மாஸ்டர் பிளாஸ்டர் என்றழைக்கப்படும் சச்சின் வசமே இருக்கிறது. டெஸ்ட் கிரிக்கெட்டில் சச்சின், 68 அரைசதங்களைப் பதிவு செய்துள்ளார். இந்த பட்டியலில் வெஸ்ட் இண்டீஸின் சந்தர்பால் 66 அரைசதங்களுடன் 2ஆவது இடத்திலும், ஆஸ்திரேலியாவின் ஆலன் பார்டர் மற்றும் ரிக்கி பாண்டிங் ஆகியோர் 63 அரைசதங்களுடன் மூன்றாவது இடத்திலும் இருக்கின்றனர். 

விராத் கோலி: 

கேப்டனாக பொறுப்பேற்ற பின்னர் விளையாடிய முதல் மூன்று இன்னிங்ஸ்களிலும் சதமடித்த ஒரே கேப்டன் என்ற சாதனைக்கு சொந்தக்காரர் இந்திய அணியின் கேப்டன் விராத் கோலி. ஆஸ்திரேலிய தொடரில் இந்திய அணியின் கேப்டன் பொறுப்பை ஏற்ற கோலி, சிட்னி டெஸ்டில் சதமடித்தார். இதைத் தொடர்ந்து அடிலெய்டில் நடைபெற்ற டெஸ்டின் இரண்டு இன்னிங்ஸ்களிலும் சதமடித்து அவர் அசத்தினார். 

சச்சின் டெண்டுல்கர் மற்றும் ராகுல் டிராவிட்: 

டெஸ்ட் கிரிக்கெட் வரலாற்றில் அதிகமுறை சதமடித்த ஜோடி என்ற சாதனையை சச்சின்-டிராவிட் ஜோடி படைத்துள்ளது. இந்த ஜோடி டெஸ்ட் போட்டிகளில் 20 முறை சதமடித்துள்ளது. மேலும், 29 முறை அரைசதம் அடித்துள்ளனர். 

ஷிகர் தவான்: 

அறிமுக போட்டியில் குறைந்த பந்துகளில் சதமடித்தவர் என்ற சாதனைக்கு ஷிகர் தவான் சொந்தக்காரர். ஆஸ்திரேலியாவுக்கு எதிராக மொஹாலியில் 2013ம் ஆண்டில் நடைபெற்ற போட்டியில் அறிமுகமான தவான், அந்த போட்டியில் 85 பந்துகளில் சதமடித்தார். வெஸ்ட் இண்டீஸ் வீரர் டிவைன் ஸ்மித், தனது அறிமுக போட்டியில் 93 பந்துகளில் சதமடித்திருந்த சாதனையை அவர் முறியடித்தார். 

ராகுல் டிராவிட்: 

டெஸ்ட் போட்டிகளில் அதிகமுறை ஸ்டம்புகள் சிதற (பவுல்டு) ஆட்டமிழந்தவர் என்ற வேதனையான சாதனையை டிராவிட், தன்வசம் வைத்துள்ளார். இந்திய அணியின் சுவர் என்று புகழப்பட்ட டிராவிட், டெஸ்ட் போட்டிகளில் 54 முறை பவுல்டாகி ஆட்டமிழந்துள்ளார்.

அனில் கும்ப்ளே: 

கிரிக்கெட் போட்டிகளில் பந்துவீச்சாளரே கேட்ச் பிடித்து பேட்ஸ்மேனை ஆட்டமிழக்கச் செய்யும் முறை காட் அண்ட் பவுல்டு (Caught & Bowled) என்று அழைக்கப்படுகிறது. இந்த முறையில் அதிகமுறை விக்கெட்டுகள் வீழ்த்தியவர் என்ற சாதனையை அனில் கும்ப்ளே படைத்துள்ளார். சர்வதேச கிரிக்கெட்டில் 132 டெஸ்ட் போட்டிகளில் பங்கேற்றுள்ள கும்ப்ளே, 35 வீரர்களை காட் அண்ட் பவுல்டு முறையில் ஆட்டமிழக்கச் செய்துள்ளார். 
 
ஜவஹல் ஸ்ரீநாத்: 

ஒரு அணி தோல்வியடைந்த போட்டியில் சிறப்பான பந்துவீச்சைப் பதிவு செய்த வீரர்கள் பட்டியலில் ஸ்ரீநாத் முதலிடம் வகிக்கிறார். கொல்கத்தாவின் ஈடன்கார்டன் மைதானத்தில் 1999 பிப்ரவரியில் நடந்த பாகிஸ்தானுக்கு எதிரான் டெஸ்ட் போட்டியில் ஸ்ரீநாத் 132 ரன்கள் விட்டுக்கொடுத்து 13 விக்கெட்டுகள் கைப்பற்றினார். அந்த போட்டியில் பாகிஸ்தான் அணி 46 ரன்கள் வித்தியாசத்தில் வெற்றிபெற்றது. 

நரேந்திர ஹிர்வானி: 

டெஸ்ட் கிரிக்கெட் வரலாற்றில் தொடர்ச்சியாக லங்கெஸ்ட் ஸ்பெல் (Longest Spell) எனப்படும் தொடர்ச்சியாக அதிக ஓவர்கள் பந்துவீசியவர் என்ற சாதனையை இந்திய சுழற்பந்துவீச்சாளர் நரேந்திர ஹிர்வானி படைத்தார். லண்டன் ஓவல் மைதானத்தில் 1990ல் நடந்த இங்கிலாந்துக்கு எதிரான டெஸ்ட் போட்டியின் 4ஆவது இன்னிங்ஸில் அவர், 59 ஓவர்கள் தொடர்ச்சியாக பந்துவீசினார். 
 

Advertisement:
இது தொடர்பான செய்திகள் :
Advertisement:
Advertisement:
[X] Close