[X] Close
JUST IN
  • BREAKING-NEWS பெரியகுளம் அருகே கும்பக்கரை அருவியில் குளிக்க 15வது நாளாக தடை விதிப்பு
  • BREAKING-NEWS திருவாரூர், நாகை, புதுச்சேரி மற்றும் அதன் சுற்று வட்டார பகுதிகளில் பரவலாக மழை பெய்து வருகிறது
  • BREAKING-NEWS அனைத்து விவசாய சங்கங்கள் சார்பில் கன்னியாகுமரியில் இன்று முழு அடைப்பு போராட்டம்
  • BREAKING-NEWS டெல்லியில் பிரதமர் மோடி தலைமையில் அனைத்துக் கட்சி கூட்டம் நடைபெறுகிறது
  • BREAKING-NEWS சென்னை கோடம்பாக்கம் ராகவேந்திரா கல்யாண மண்டபத்தில் வரும் 26ஆம் தேதி முதல் 31ஆம் தேதி வரை ரசிகர்களை சந்திக்கிறார் நடிகர் ரஜினிகாந்த்
  • BREAKING-NEWS இலங்கை சிறையில் இருந்து தமிழக மீனவர்கள் 16 பேர் முதற்கட்டமாக விடுதலை
  • BREAKING-NEWS ஒகி புயலால் கடலில் சிக்கிய தமிழக மீனவர்கள் 433 பேரை காணவில்லை: உள்துறை அமைச்சகம்
  • BREAKING-NEWS எம்.பி, எம்எல்ஏக்கள் மீதான புகார்களை விசாரிக்க சிறப்பு நீதிமன்றம் அமைக்க உச்சநீதிமன்றம் அனுமதி
  • BREAKING-NEWS ராஜஸ்தானில் சுட்டுக்கொல்லப்பட்ட ஆய்வாளர் பெரியபாண்டியனின் உடல் சென்னை வந்தது
  • BREAKING-NEWS திருச்செந்தூர் முருகன் கோயிலில் வள்ளி குகை அருகே பிரகார மண்டபம் இடிந்ததில் பெண் ஒருவர் பலி
  • BREAKING-NEWS ஜிஷா கொலை வழக்கில் குற்றவாளி அமிருல் இஸ்லாமிற்கு தூக்கு தண்டனை- எர்ணாகுளம் நீதிமன்றம்
  • BREAKING-NEWS ஜெ. மரணம் குறித்து விசாரிக்கும் ஆறுமுகசாமி விசாரணை ஆணையத்தில் தீபக் ஆஜர்
  • BREAKING-NEWS விஏஓ தேர்விற்கு கன்னியாகுமரி மக்கள் விண்ணப்பிக்க காலநீட்டிப்பு செய்வது பற்றி பரிசீலிக்கப்படும் - அமைச்சர் ஜெயக்குமார்
  • BREAKING-NEWS ‘ஐஎன்எஸ் கல்வாரி’ என்ற நீர்மூழ்கிக் கப்பல் நாட்டுக்கு அர்ப்பணிப்பு
சிறப்புக் கட்டுரைகள் 17 Jul, 2017 09:49 PM

தோனியின் பேட் முதல் பிராட்மேனின் தொப்பி வரை...லட்சங்களில் ஏலம் போன கிரிக்கெட் பொருட்கள்

highest-auctioned-cricketers-goods

கிரிக்கெட் உலகில் மறக்க முடியாத நினைவுகளின் பங்கெடுத்துக் கொண்ட பொருட்களை ஏலம் எடுப்பதில் விளையாட்டு ரசிகர்கள் மத்தியில் அலாதியான ஈடுபாடு உண்டு என்றே கூறலாம். அந்தவகையில் கிரிக்கெட் உலகில் அதிக விலைக்கு ஏலம் போன பொருட்கள் இவை:

ரூ.1.5 கோடிக்கு ஏலம் போன தொப்பி: 

கிரிக்கெட் உலகின் பிதாமகன்களுள் ஒருவராகக் கருதப்படும் ஆஸ்திரேலியாவின் டான் பிராட்மேன், தனது கடைசி டெஸ்ட் போட்டியில் அணிந்த பச்சை நிற தொப்பி 1,70,000 பவுண்டுகளுக்கு ஏலம் போனது. இந்திய ரூபாயில் ஏறக்குறைய ஒன்றரை கோடி ரூபாய் மதிப்பு. 2003ல் நடந்த ஏலத்தில் அந்த தொப்பியை இந்த தொகைக்கு டிம் செரிசியர் எனும் தொழிலதிபர் வாங்கினார். 1948ம் ஆண்டு இங்கிலாந்துக்கு எதிரான அந்த போட்டியின் முதல் இன்னிங்ஸில் பிராட்மேன் 173 ரன்களும், இரண்டாவது இன்னிங்ஸில் டக் அவுட்டும் ஆனார். அந்த போட்டியில் கூடுதலாக 4 ரன்களை அவர் குவித்திருந்தால் அவரது பேட்டிங் ஆவரேஜ் 100ஆக இருந்திருக்கும் என்பது குறிப்பிடத்தக்கது. 

2011 உலகக் கோப்பை இறுதிப் போட்டியில் தோனி பயன்படுத்திய பேட்: 

இலங்கை அணிக்கெதிரான உலகக் கோப்பை இறுதிப் போட்டியில் இந்திய அணியின் கேப்டன் தோனி அடித்த மிகப்பெரிய சிக்ஸரை கிரிக்கெட் ரசிகர்கள் அவ்வளவு எளிதில் மறந்திருக்க முடியாது. 1983க்குப் பிறகு இந்திய அணிக்கு உலகக் கோப்பையைப் பெற்றுத் தந்த சிக்ஸர் அது. அந்த போட்டியில் தோனி பயன்படுத்திய பேட், 1,00,000 பவுண்டுகளுக்கு ஏலம் போனது. அந்த தொகையின் இந்திய ரூபாய் மதிப்பு தோராயமாக ரூ.84 லட்சத்தைத் தாண்டும். 2011ம் ஆண்டு அந்த பேட்டை ஆர்.கே.குளோபல் எனும் நிறுவனம் ஏலத்தில் எடுத்தது. 

விஸ்டன் கிரிக்கெட் புத்தகம்:

புகழ்பெற்ற இங்கிலாந்தின் விஸ்டன் நிறுவனம் ஆண்டுதோறும் வெளியிடும் கிரிக்கெட்டர்களின் அல்மனாக்ஸ் என்ற புத்தகம் கிரிக்கெட்டின் பைபிள் என்றழைக்கப்படுகிறது. அந்த வரிசையில் 1864 முதல் 2007ம் ஆண்டு வரை வெளியிடப்பட்ட 144 புத்தகங்களின் தொகுப்பு 84,000 பவுண்டுகளுக்கு (ரூ.70,58,352) ஏலம் போனது. போன்ஹாம் நிறுவனம் கடந்த 2008ம் ஆண்டு நடத்திய ஏலத்தில் இந்த தொகைக்கு அந்த தொகுப்பு ஏலம் போனது. 

ஒரே ஓவரில் ஆறு சிக்ஸர்கள் அடிக்க கேரி சோபர்ஸ் பயன்படுத்திய பேட்:

வெஸ்ட் இண்டீஸ் அணியின் முன்னாள் வீரர் கேரி சோபர்ஸ், ஒரே ஓவரில் ஆறு சிக்ஸர்கள் அடிக்கப் பயன்படுத்திய பேட் 54,257 (தோராயமாக ரூ.45.5 லட்சம்) பவுண்டுகளுக்கு ஏலம் போனது. இங்கிலாந்து உள்ளூர் கிரிக்கெட் தொடரின் போது நாட்டிங்ஹாம்ச்ஷையர் அணிக்காக விளையாடிய சோபர்ஸ், ஸ்வான்சீ அணிக்கெதிரான போட்டியில் இந்த சாதனையைப் படைத்தார். அந்த போட்டியில் இடதுகை வேகப்பந்து வீச்சாளரான மால்கம் நால்ஷ், சுழற்பந்து வீச்சை முயற்சி செய்த போது, சோபர்ஸின் இலக்கானார்.

பாகிஸ்தானுக்கு எதிராக முச்சதம் அடித்த கேரி சோபர்ஸின் பேட்:

கடந்த 1958ல் வெஸ்ட் இண்டீஸின் ஜமைக்காவில் நடந்த டெஸ்ட் போட்டியில் கேரி சோபர்ஸ் ஆட்டமிழக்காமல் 365 ரன்கள் குவித்தார். அந்த போட்டியில் பாகிஸ்தான் பந்துவீச்சை மைதானத்தின் நாலாபுறமும் சிதறடிக்க கேரி சோபர்ஸ் பயன்படுத்திய பேட்டானது 47,475 பவுண்டுகளுக்கு (தோராயமாக ரூ.40 லட்சம்) ஏலம் போனது. அந்த போட்டியில் வெஸ்ட் இண்டீஸ் அணி 3 விக்கெட் இழப்புக்கு 790 ரன்கள் குவித்து டிக்ளேர் செய்தது.   

Advertisement:
Advertisement:
Advertisement:
[X] Close