[X] Close
JUST IN
  • BREAKING-NEWS சென்னையில் பெட்ரோல் விலை லிட்டருக்கு 12 காசுகள் உயர்ந்து ரூ.72.94க்கு விற்பனை செய்யப்படுகிறது
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு

"தென்னிந்தியாவில் இருந்து சீனாவைக் குறி வைக்கும் இந்தியா"

india-aims-at-china

 

சீனாவின் சவாலைச் சமாளிக்கும் வகையில் அணுஆயுதங்களைப் புதுப்பிக்கும் பணிகளில் இந்தியா இறங்கியுள்ளதாக அமெரிக்க பாதுகாப்புத்துறை வல்லுனர்கள் தெரிவித்துள்ளனர். 

இதுதொடர்பாக இணையதளம் ஒன்றில் அமெரிக்காவின் முன்னணி அணுஆயுத வல்லுனர்களான ஹன்ஸ் எம்.கிறிஸ்டென்சன் மற்றும் ராபெர்ட் எஸ்.நோரிஸ் ஆகியோர் எழுதியுள்ள கட்டுரை ஒன்றில், பொதுவாக பாகிஸ்தானைக் கருத்தில் கொண்டே இந்தியாவின் அணுஆயுத தயாரிப்புகள் மற்றும் ஆயுத பலத்தைப் பெருக்கும் நடவடிக்கைகள் இருக்கும். ஆனால், அந்த நிலை தற்போது மாறி, சீனாவையும், அதன் அணுஆயுதக் கொள்கைகளையும் கருத்தில் கொண்டு இந்தியா, தனது ஆயுதங்களை புதுப்பிக்கும் பணியில் தீவிரமாக ஈடுபட்டுள்ளதாகத் தெரிவித்துள்ளனர். 
மேலும், தென்னிந்தியாவிலிருந்து சீனாவின் எந்தவொரு பகுதியையும் தாக்கி அழிக்கும் வகையிலான ஆயுதங்களை உருவாக்குவதில் இந்தியா முனைப்பு காட்டி வருவதாகவும் அவர்கள் குறிப்பிட்டுள்ளனர். 150 முதல் 200 அணு ஆயுதங்களைத் தயாரிக்கும் வகையில் 600 கிலோ புளுட்டோனியத்தை உருவாக்க இந்தியா திட்டமிட்டுள்ளதாகவும் அவர்கள் கூறியுள்ளனர். 

ஏற்கனவே உள்ள அக்னி-1 ஏவுகணைகளை 2,000 கி.மீ. தூரம் சென்று தாக்கும் வல்லமை பெற்றதாக மேம்படுத்துவதில் இந்தியா அக்கறை காட்டி வருவதாகவும், இதன்மூலம் சீனாவின் மேற்கு, மத்திய மற்றும் தெற்கு பகுதிகளை தாக்க முடியும் என்றும் அவர்கள் குறிப்பிட்டுள்ளனர். மேலும், வானில் இருந்து தாக்கக் கூடிய 2 ஏவுகணைகள், தரையில் இருந்து மேலெழும்பி தாக்கக் கூடிய திறன்பெற்ற 4 ஏவுகணைகள் மற்றும் கடலில் இருந்து தாக்கவல்ல ஒரு ஏவுகணையையும் இந்தியா வடிவமைத்து வருவதாகவும் அந்த கட்டுரையில் குறிப்பிடப்பட்டுள்ளது. அதேபோல வடகிழக்கு இந்தியாவிலிருந்து சீனாவின் அனைத்து பகுதியையும் தாக்குவகையில் அக்னி -4 ஏவுகணையை இந்தியா உருவாக்க இருக்கிறது. மேலும், 5,000 கி.மீ. தூரத்தில் உள்ள இலக்குகளைத் தாக்கும் வகையிலான அக்னி-5 ஏவுகணை உருவாக்கத்திலும் இந்தியா ஈடுபாடு காட்டிவருவதாகவும் அவர்கள் கூறியுள்ளனர். இதன்மூலம் இந்தியாவின் தென் மற்றும் மத்திய பகுதியிலிருந்து கூட சீனாவிலுள்ள எந்தவொரு பகுதியையும் தாக்கி அழிக்க முடியும் என்றும் அவர்கள் கருத்து தெரிவித்துள்ளனர்.  
 

Advertisement:
Advertisement:
Advertisement:
[X] Close