[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

இருளர் சமூகத்தின் இருள் அகற்ற வந்தவர்

puthiyathalaimurai-tamilan-award-2017-social-service

சேவையை வாழ்வாக கொண்டு, மனிதம் போற்றும் மகத்தான பணிகளில் ஈடுபட்டு வருபவர் பேராசிரியர் பிரபா கல்விமணி. இவருக்கு புதிய தலைமுறை, சமூக சேவைப் பிரிவில் தமிழன் விருதை வழங்கியுள்ளது.

கல்விமணி திண்டிவனத்தைச் சேர்ந்தவர். ஓய்வுபெற்ற பேராசிரியர். மனித உரிமை செயற்பாட்டாளர். தற்போது தமிழ் வழிப்பள்ளி ஒன்றை நடத்தி வருகிறார். நூற்றுக்கும் மேற்பட்ட இருளர் சமுதாய குழந்தைகளுக்கு கல்வி அளித்து அவர்களது வாழ்வில் ஒளியேற்றி வருகிறார். இருளர் சமூகத்து மக்களால் நடத்தப்படும் இந்தப் பள்ளி வெளிப்படைத்தன்மையும், ஜனநாயகமும் நிறைந்து காணப்படுகிறது. பட்டியல் சாதி மக்களுக்கு எதிரான வன்கொடுமைச் சம்பவங்கள் குறித்து, வன்கொடுமை தடுப்புச் சட்டத்தின் கீழ் வழக்குகள் தொடுப்பதுடன் அவர்களது உரிமை காக்க தொடர்ந்து செயல்பட்டு வருகிறார். பழங்குடி இருளர் பாதுகாப்பு சங்கம் என்னும் அமைப்பின் ஒருங்கிணைப்பாளராகவும் செயலாற்றி வருகிறார். ஒரு கல்வியாளராக, வன்கொடுமை தடுப்புச் சட்டம் குறித்தும், அதை நடைமுறையில் செயல்படுத்த வேண்டிய வழிகள் குறித்தும் பல கருத்தரங்குகளை தொடர்ச்சியாக நடத்தி வருகிறார் பேராசிரியர் கல்விமணி.

பரமக்குடி துப்பாக்கிச் சூடு உட்பட பல்வேறு பொது வழக்குகளில் பங்கேற்றவர். விழுப்புரம் மாவட்டம் திருக்கோவிலூர் கிராமத்தில் 4 இருளர் இனப் பெண்கள் போலீசாரால் பாலியல் வன்கொடுமை செய்யப்பட்ட வழக்கை முன்னெடுத்து சென்றவர். பல போராட்டங்களுக்குப் பிறகு, 4 இருளர் பெண்கள் போலீசாரால் வன்கொடுமைக்குள்ளான சம்பவத்திற்கு நீதி விசாரணை நடத்தப்பட்டது. 1989, வன்கொடுமை தடுப்புச் சட்டப்படி, வழக்குகள் பதியப்பட்டது. பாதிக்கப்பட்ட ஒவ்வொரு பெண்ணுக்கு 5 லட்சம் இழப்பீடாக வழங்கப்பட்டது. அந்த வழக்கில் இன்ஸ்பெக்டர், சப் இன்ஸ்பெக்டர், தலைமை காவலர் மற்றும் இரு காவலர்கள் ஆகியோரை இடைநீக்கம் செய்ய காரணமாய் இருந்தவர் கல்விமணி. 2000-ஆம் ஆண்டு வீரப்பன் பிடியிலிருந்த கன்னட திரைப்பட நடிகர் ராஜ்குமாரை மீட்க அமைக்கப்பட்ட மீட்பு குழுவில் ஒருவராக தமிழக அரசால் நியமிக்கப்பட்டவர்.

கல்வி மேம்பாடு, இருளர் இனமக்களின் நலம், மேம்பாடு சார்ந்து இதுவரை ஆறு நூல்களை எழுதியுள்ளார். பத்துக்கும் மேற்பட்ட பல்வேறு அமைப்புகளின் விருதுகளைப் பெற்றுள்ளார் பேராசிரியர் கல்விமணி. 

Advertisement:
இது தொடர்பான செய்திகள் :
Advertisement:
Advertisement:
[X] Close