[X] Close
JUST IN
  • BREAKING-NEWS வவ்வால்களால் நிஃபா வைரஸ் வரவில்லை- ஆய்வு முடிவில் விளக்கம்
  • BREAKING-NEWS முதலமைச்சர் உத்தரவின்படி ஆலைக்கான மின்சாரம், குடிநீர் இணைப்புகள் துண்டிப்பு: தூத்துக்குடி ஆட்சியர் சந்தீப் நந்தூரி
  • BREAKING-NEWS சிபிஎஸ்இ 12ஆம் வகுப்பு தேர்வு முடிவுகள் வெளியீடு
  • BREAKING-NEWS ஸ்டெர்லைட் ஆலையை நிர்வகிக்கும் வேதாந்தா குழும நிறுவனங்களை லண்டன் பங்குச்சந்தையிலிருந்து விலக்கிவைக்க வேண்டும் - பிரிட்டன் எதிர்க்கட்சி
  • BREAKING-NEWS தமிழகத்தை தனது கட்டுப்பாட்டில் கொண்டு வர பிரதமர் மோடி சதித்திட்டம் தீட்டுகிறார் - திருமாவளவன்
  • BREAKING-NEWS உத்வேகம், அர்ப்பணிப்புடன் மத்திய பாஜக அரசு 5ஆவது ஆண்டில் தொடர்ந்து செயல்படும் - பிரதமர் மோடி
  • BREAKING-NEWS தூத்துக்குடி துப்பாக்கிச்சூடு சம்பவத்தை கண்டித்து மே 28ஆம் தேதி தேமுதிக சார்பில் அனைத்து மாவட்ட ஆட்சியர் அலுவலகம் முன் கண்டன ஆர்ப்பாட்டம் - விஜயகாந்த்

மொட்டை போட்டுக் கொள்ளும் புதுமைப் பெண்கள்

womens-new-trend

பெண்களுக்குக் கூந்தல்தான் அழகு என்று காலம் காலமாக போதிக்கப்பட்டு வந்தபோதிலும், அதற்காக மெனக்கெடும் நேரத்தைப் பெண்கள் ஆக்கப்பூர்வமாகப் பல வேலைகளைச் செய்யலாமே என்று கூறுகிறது மனிதி அமைப்பு. பெண்கள் ஒரு அழகு சாதனமல்ல எனும் விழிப்புணர்வை ஏற்படுத்துவதற்காக அவர்கள் கூந்தல் வெட்டும் நிகழ்வு ஒன்றை அரங்கேற்றினார்கள். சென்னை, கந்தன்சாவடியில், அந்த நிகழ்ச்சி நடந்தது.

மனிதி அமைப்பின் ஒருங்கிணைப்புக் குழுவில் ஒருவரான சுதாவிடம் பேசும் போது, ஆணுக்கு கண்ணும் கருத்தும், பெண்ணுக்கு கண் மையும், கருங்கூந்தலும் அழகென்று கற்பிக்கும் அடிமைத்தனத்திற்கும், அழகு சார்ந்து தனியார்மயம் இங்கு கட்டமைக்கும் வணிகத்தையும் எதிர்ப்பதே எங்கள் நோக்கம். அழகு என்பதன் அளவுகோல் பெண்ணுக்கும் ஆணுக்கும் பொதுவானதாக, இயல்பானதாக, பாரபட்சமற்றதாக, நியாயமாக இருக்க வேண்டும் என்றார். நறுக்கிய முடி, நன்மை தரட்டும் என்கிற உணர்வில் புற்றுநோயால் பாதிக்கப்பட்டவர்களுக்கு அளிக்க மனிதிகள் முன்வந்திருக்கிறோம் என்றும் அவர் தெரிவித்தார்.

’முடி வெட்டுவது புரட்சியா? முடிவெட்டுவது எப்படி சமத்துவம் ஆகும்? என்று கேட்டதற்கு “முடியை வளர்த்து பராமரிக்கும் நேரத்திலும், முடிக்காக செலவிடப்படும் தொகையிலும் ஆக்கப்பூர்வமான பல விஷயங்களை செய்ய முடியும். முடியை நறுக்குவது மட்டுமே புரட்சி என்று நாங்கள் சொல்லவில்லை. இது ஒரு முன்னெடுப்புத்தான்” என்றார்.

மனிதி ஒருங்கிணைப்புக் குழுவின் மற்றொரு உறுப்பினரான சாரதா ராமன், “மனிதி அமைப்பு, பெண்களுக்கு எதிரான வன்முறைகளை எதிர்த்து விவாதிக்கும், செயல்படும் ஒரு வாட்சப் குழுவாகத்தான் தொடங்கியது. உறுப்பினர்களின் முயற்சியால் தற்போது ’மனிதி’ என்னும் அமைப்பாக பெண் விடுதலையை அழுத்திப்பேசும், குடும்ப வன்முறை, சமூக கூட்டு மனப்பான்மை என்னும் ஆணாதிக்க கூறுகளை எதிர்த்து செயல்பட்டுவருகிறது. முற்போக்கான விஷயங்களை தனது வாழ்க்கையில் யார் நடைமுறைப்படுத்தினாலும், அவர்களுக்கு முதல் எதிர்ப்பு குடும்பத்தில் இருந்துதான் எழும். பெரியாரின் கருத்துக்களை ஏந்தி இந்த நிகழ்வை நடத்துகிறோம். கடந்து போகும் ஒரு பெண், இதுகுறித்து சிந்திக்கத் தொடங்கினால் எங்களது முயற்சி வெற்றிதான் என்றார்.

Advertisement:
Advertisement:
Advertisement:
[X] Close