[X] Close
JUST IN
  • BREAKING-NEWS திமுகவுக்கு எதிராக வரும் 25ம் தேதி மாவட்ட தலைநகரங்களில் கண்டன ஆர்ப்பாட்டம் - முதல்வர் பழனிசாமி
  • BREAKING-NEWS விழுப்புரத்தில் லஞ்ச புகாரில் கைதான மோட்டார் வாகன ஆய்வாளரின் வங்கி லாக்கரில் ஒரு கிலோவுக்கும் அதிகமான தங்கம் பறிமுதல்
  • BREAKING-NEWS சென்னை ராயப்பேட்டையில் அதிமுக மாவட்ட செயலாளர்கள் கூட்டம் தொடங்கியது
  • BREAKING-NEWS ஆசிய கோப்பை கிரிக்கெட் தொடர்: பாகிஸ்தான் அணிக்கு எதிரான போட்டியில் இந்திய அணி பந்து வீச்சு
  • BREAKING-NEWS ஜெயலலிதா மருத்துவமனையில் அனுமதிக்கப்பட்டபோது பதிவான சிசிடிவி காட்சிகள் இல்லை - அப்போலோ தரப்
  • BREAKING-NEWS உலகில் 5 விநாடிக்கு ஒரு குழந்தை மரணம்- ஐநா பகீர் தகவல்
  • BREAKING-NEWS கட்டாய ஹெல்மெட், சீட்பெல்ட் வழக்கில் நாளை உத்தரவு

நடமாடும் சொகுசு வீடு

furrion-motor-home

அமெரிக்காவை சேர்ந்த ஃப்யூரியான் என்ற நிறுவனம் பொழுதுபோக்கு மற்றும் சுற்றுலா செல்ல விரும்பும் கோடீஸ்வரர்களுக்கு சிறப்பான வசதிகளை கொண்ட சொகுசு மோட்டார் இல்லத்தை உருவாக்கியுள்ளது.

எலிசியம் என்ற பெயரிடப்பட்டுள்ள நகரும் சொகுசு வீடு ஒன்றை 45 அடி நீளம், 8 அடி அகலம் கொண்டதாக வடிவமைக்கப்பட்டுள்ளது. சில சொகுசு அபார்மென்ட் வீடுகளில் இருப்பதைவிட அதிக வசதிகள் இதில் இடம்பெற்றுள்ளன.

மோட்டார் இல்லத்தின் உள்பகுதியில் அமர்வதற்கான பெரிய அளவிலான சோஃபா மற்றும் படுக்கை வசதி, 75 இன்ச் திரையுடன் கூடிய எல்.இ.டி டிவி பொருத்தப்பட்டிருக்கிறது. குளிர்சாதனப் பெட்டி, மைக்ரோஓவன், இன்டக்ஷன் ஸ்டவ் கொண்ட சமையல் அறையும் இருக்கிறது. இந்த மோட்டார் இல்லத்தில் அனைத்தும் சென்சார் சுவிட்சுகள் கொண்டதாக இருக்கிறது. இரண்டு பேர் தங்குவதற்கான சொகுசு படுக்கை வசதியுடன் ஒரு அறையும் இடம்பெற்றுள்ளது.

மரத்தாலான மாடிப்படிகளில் மேற்புறம் சென்றால் வெந்நீர் குளியலை அனுபவிக்க தண்ணீர் தொட்டி, ஓய்வாக அமர்ந்து இயற்கையை ரசிப்பதற்கான இருக்கைகள் போடப்பட்டிருக்கின்றன. தேவைப்படும்போது பயணிகள் பயன்படுத்திக் கொள்ளும் வகையில் மோட்டார் இல்லத்தின் மேற்கூரையில் ஹெலிகாப்டர் வைக்கப்பட்டுள்ளது. தரை இறங்கத் தேவையான ஹெலிபேட் வசதியும் கட்டமைக்கப்பட்டுள்ளது.

சகல வசதிகளுடன் கூடிய இந்த மோட்டார் இல்லம் இந்திய மதிப்பில் 17 கோடி ரூபாயாகும். ஆனால், இந்த மோட்டார் இல்லத்தை விற்பனை செய்யப்போவதில்லை என்றும் தங்களது புதிய தொழில்நுட்பத் தயாரிப்புகளை வாடிக்கையாளர்கள் மத்தியில் பிரபலப்படுத்தும் நோக்கிலே இந்த சொகுசு மோட்டார் இல்லத்தை உருவாக்கியுள்ளதாக ஃப்யூரியான் நிறுவனம் தெரிவித்துள்ளது.

Advertisement:
Advertisement:
Advertisement:
[X] Close