JUST IN
  • BREAKING-NEWS இந்தியாவில் ஜிஎஸ்டி வரும்போது அமெரிக்க பள்ளிகளில் பாடமாக வைக்கும் நிலை உருவாகும்: பிரதமர் மோடி
  • BREAKING-NEWS குமரி மாவட்டம் நாகர்கோவில், தக்கலை, குழித்துறை உள்ளிட்ட பகுதிகளில் மழை
  • BREAKING-NEWS நெல்லை: சங்கரன்கோவில் அருகே மேலமருதப்புரத்தில் மின்சாரம் தாக்கி தம்பதியர் பலி
  • BREAKING-NEWS தமிழக சட்டப்பேரவையில் ஜெயலலிதா இல்லாமல் இருப்பது சோகமாக உள்ளது: துரைமுருகன்
  • BREAKING-NEWS கருணாநிதி நலமுடன் உள்ளார்; நாள்தோறும் பத்திரிகையை படிக்கவைத்து கேட்டுக்கொள்கிறார்: துரைமுருகன்
  • BREAKING-NEWS வெஸ்ட் இண்டீஸ் அணிக்கு எதிரான 2-ஆவது ஒருநாள் போட்டியில் இந்திய அணி பேட்டிங்
  • BREAKING-NEWS முதல்பிறை தெரிந்ததால் தமிழகத்தில் நாளை ரமலான் பண்டிகை கொண்டாடப்படும்: தமிழக அரசின் தலைமை ஹாஜி அறிவிப்பு
  • BREAKING-NEWS விளையாட்டில் மாநில, தேசிய அளவில் சாதனை படைக்கும் மாணவர்களை ஊக்குவிக்க நடவடிக்கை: அமைச்சர் செங்கோட்டையன்
  • BREAKING-NEWS கால தாமதம் ஆனாலும் அதிமுக இரு அணிகள் இணைவது உறுதி: அமைச்சர் ராஜேந்திர பாலாஜி
  • BREAKING-NEWS தனியார் பாலில் கலப்படம் உள்ளதா என அரசு ரகசியமாக ஆய்வு செய்து வருகிறது: அமைச்சர் ராஜேந்திர பாலாஜி
  • BREAKING-NEWS சென்னையில் காணாமல் போனவர்களில் மே மாதத்தில் மட்டும் 452 பேர் கண்டுபிடிப்பு: சென்னை காவல்துறை
  • BREAKING-NEWS புதுச்சேரி மற்றும் காரைக்காலில் 31 காவல் உதவி ஆய்வாளர்கள் இடமாற்றம்: காவல்துறை
  • BREAKING-NEWS சென்னையில் தொடர் குற்றச்செயல்களில் ஈடுபட்டு வந்த 13 பேர் குண்டர் சட்டத்தில் கைது
  • BREAKING-NEWS பருத்தி விவசாயிகள் பாதிக்கப்பட்டிருந்தால் ஆய்வு செய்யப்பட்டு நடவடிக்கை எடுக்கப்படும்: அமைச்சர் துரைக்கண்ணு
சிறப்புக் கட்டுரைகள் 14 Feb, 2017 07:25 PM

அரசியல் ஆட்டம் ஆரம்பம்

Cinque Terre

இப்படி ஒரு முரண்பாட்டை இதற்கு முன் பார்த்திருக்க முடியாது. மறைந்த முன்னாள் முதலமைச்சர் ஜெயலலிதாவை அவரது மரணத்திற்குப் பிறகு ஒரு பெரும் கூட்டம் கடவுளாகவே பாவித்து வருகிறது. ஆனால் அதே கூட்டம் அதே ஜெயலலிதா மற்றும் மூன்று பேரை குற்றவாளிகள் என்று உச்சநீதிமன்றம் வழங்கிய தீர்ப்பை சந்தோசமாக வரவேற்கிறது. இதற்குக் காரணம் வேறொன்றுமில்லை. சசிகலாவை அதிமுக பொதுச் செயலாளராகவோ தமிழகத்தின் முதலமைச்சராகவோ அவர்கள் ஏற்க விரும்பவில்லை. விருப்பத்தைக் காட்டிலும் வெறுப்பு ஒரு வலிமையான உணர்வு என்பதை சசிகலா இப்போது அறிந்திருப்பார்.

ஜெயலலிதாவின் மரணத்திற்குப் பிறகு அளிக்கப்பட்ட இந்தத் தீர்ப்பில் அவரும் குற்றவாளி என்று சொன்னது மட்டுமின்றி, ரூ100 கோடி அபராதத்தை அவரது சொத்தில் இருந்து கட்ட வேண்டும் என்றும் கூறப்பட்டிருக்கிறது. உண்மையில் எவ்வளவு பேர் சசிகலாவை எதிர்க்கிறார்கள் என்பதற்கான துல்லியமான புள்ளிவிபரம் இல்லை. ஆனால் பொதுவாக பார்க்கும்போது, சராசரி ஆண்களும் பெண்களும் அவரை வெறுப்பதாகத்தான் தெரிகிறது. சமூக வலைத்தளங்களிலும் அவர் ஒரு தீய அவதாரமாகவே சித்தரிக்கப்படுகிறார். அவருக்கு எதிராக வெளியாகும் நகைச்சுவை துணுக்குகளும், மீம்ஸ்களும் இதைத்தான் காட்டுகின்றன. முப்பது ஆண்டுகளுக்கும் மேலாக ஜெயலலிதாவுடன் இருந்த சசிகலா, அவருடன் இரண்டு முறை சிறைக்கும் சென்றவர். ஆனாலும் அவரும் அவரது குடும்பமும்தான் ஜெயலலிதா அனுபவித்த அத்தனை துன்பத்திற்கும் காரணம் என்ற கருத்தாக்கத்தை அவரால் கடைசிவரை மாற்றவே முடியவில்லை.

தமிழகத்தில் ஒரு அரசியல் வெற்றிடம் ஏற்பட்டிருக்கும் சூழ்நிலையில் இந்தத் தீர்ப்பு வந்திருக்கிறது. வெகுமக்களின் மனம்கவர்ந்த தலைவராக அறியப்படும் ஜெயலலிதா உயிருடன் இல்லை. அவரது பரம எதிரியான கருணாநிதியும் உடல்நிலை காரணமாக அரசியல் செயல்பாட்டில் தீவிரமாக இல்லை. இந்தச் சூழ்நிலையில் உண்மையில் தமிழக அரசியலில் பரந்த வெற்றிடம் இருக்கிறது. தேசிய மற்றும் பிராந்திய அளவில் இந்த இருவருக்கும் எதிராக உள்ள கட்சிகள், திராவிடக் கட்சிகளுக்கு மாற்றாக அந்த வெற்றிடத்தைக் கைப்பற்ற முடியமா என ஏங்கிக் கொண்டிருக்கின்றன. ஆர்எஸ்எஸ் பின்புலத்தில் இயங்கி வரும் பாஜக இந்த சந்தர்ப்பத்தில் தமிழக அரசியலில் கணக்கைத் துவங்கி காலடி எடுத்து வைத்து விடலாமா எனப் பார்க்கிறது. சசிகலாவை வரவிடாமல் தடுப்பதற்கு ஆளுநருக்குப் பின்னால் இருந்து மத்திய அரசு இயக்குகிறது என சந்தேகங்களும் எதிர்ப்புகளும் பல தரப்பில் இருந்தும் எழுந்தன. ஆனால் இந்த விவாதங்களையெல்லாம் பின்னொரு நாளில் வைத்துக் கொள்ளலாம். தமிழகம் சந்திக்கும் இப்போதைய உடனடி பிரச்சனை ஒரு நிலையான அரசு அமையுமா என்பதுதான். அது அடுத்து அதிமுக எப்படி செயல்படப் போகிறது என்பதைப் பொறுத்துத்தான் தெரியும்.

சசிகலா, முதலமைச்சர் பன்னீர்செல்வம் இடையே யார் அதிமுகவைக் கைப்பற்றுவது என்பதற்கான தீவிர போராட்டம் ஏற்கனவே துவங்கி விட்டது. மென்மையாகப் பேசுபவர், பவ்யமானவர், வளைந்து கொடுக்கக் கூடியவர் எனப் பெயரெடுத்த ஓபிஎஸ்தான் முதன்முதலாக சசிகலாவுக்கு எதிரான யுத்தத்தில் இறங்கினார். சசிகலாவின் பிடியில் இருந்து வெளியே வந்த அவர், ஜெயலலிதாவின் உண்மையான அரசியல் வாரிசு தான்தான் என நிலைநிறுத்திக் கொள்ள முயற்சித்தார். இதனால் ஆத்திரமடைந்த சசிகலா, நகரத்திற்கு வெளியே உள்ள சொகுசு விடுதி ஒன்றில் எம்எல்ஏக்களை அடைத்து தன்பிடியில் வைத்திருக்க முயற்சித்தார். மறைந்த முதலமைச்சரின் தோழி, உடனிருந்தவர் என்ற அடிப்படையில் தான்தான் அவரின் உண்மையான வாரிசு எனவும் நிலைநிறுத்த விரும்பினார். ஆனால் நீதிமன்றத் தீர்ப்பு அவரது முகத்தில் அறைந்த பிறகு, தனது இரண்டாவது திட்டத்தை (plan B) ஐ செயல்படுத்தி இருக்கிறார். அதன்படி, தனக்கு அடங்கிய ஒரு முதலமைச்சர், தனது குடும்பத்தின் கட்டுப்பாட்டுக்குள் கட்சியை வைத்திருப்பதற்கான முயற்சிகளை தொடங்கியிருக்கிறார்.

மற்றொரு புறம் ஓபிஎஸ் தனக்குரிய ஆதரவு எண்ணிக்கையை உயர்த்த முயற்சித்துக் கொண்டிருக்கிறார். தற்போதைய நிலையில் அவருக்கு தோராயமாக 20க்கும் மேற்பட்ட எம்எல்ஏக்கள் ஆதரவு இருப்பதாக தெரிகிறது. ஆனால் பெரும்பான்மையை நிரூபிக்க அவருக்கு 118 எம்எல்ஏக்கள் தேவை. இப்போதைக்கு அது அவருக்கு மிகப்பெரிய சவால்தான். அந்த சவாலை அவர் வெற்றி கொள்வது அடுத்த நான்கு ஆண்டுகளுக்கு நிலையான பதவியை விரும்பும் எம்எல்ஏக்களை அவர் எப்படி இணங்க வைக்கிறார் என்பதைப் பொறுத்தது. ஓபிஎஸ், எடப்பாடி என இருவராலுமே பெரும்பான்மையை நிரூபிக்க முடியாமல் போனால் தமிழகம் குடியரசுத் தலைவர் ஆட்சியை சந்திக்கும். சந்தர்ப்பத்தை எதிர்பார்த்துக் காத்துக் கொண்டிருக்கும் திமுகவுக்குத்தான் அது சாதகமாக முடியும். அதிமுகவின் இரு அணியினருமே அதை விரும்ப மாட்டார்கள். ஆக சொத்துக் குவிப்பு வழக்கு முடிவுக்கு வந்திருக்கிறது. ஆனால் அரசியல் ஆட்டம் இப்போதுதான் துவங்கி இருக்கிறது.

- எஸ்.ஸ்ரீனிவாசன்

செய்தி இயக்குனர்

Advertisement:
Advertisement:
puthiyathalaimurai ads